ສຳນັກຂ່າວຣອຍເຕີລາຍງານວັນທີ 19 ທັນວາ 2021 ຜ່ານມາ, ເຈົ້າໜ້າທີ່ຕຳຫຼວດ, ທະຫານ ແລະພະນັກງານດັບເພີ່ງຂອງມາເລເຊຍ ກວ່າ 66 ພັນຄົນໄດ້ລະດົມກຳລັງເຂົ້າຊ່ວຍເຫຼືອປະຊາຊົນຫຼາຍກວ່າ 21 ພັນຄົນ ທີ່ໄດ້ຮັບຜົນກະທົບຈາກນໍ້າຖ້ວມໃນ 7 ລັດ ເນື່ອງຈາກຝົນຕົກໜັກຕິດຕໍ່ກັນຫຼາຍວັນ.

ທ່ານ ອິສມາອິນ ຊາບຣີ ຍັກກົບ, ນາຍົກລັດຖະມົນຕີ ມາເລເຊຍ ກ່າວວ່າ ເມືອງສະລັງງໍ ເຊິ່ງເປັນລັດທີ່ລໍ້າລວຍທີ່ສຸດຂອງມາເລເຊຍ ແມ່ນໜຶ່ງໃນເຫດການທີ່ໄດ້ຮັບຜົນກະທົບຮຸນແຮງທີ່ສຸດ ຂະນະທີ່ມີຜູ້ໄດ້ຮັບຜົນກະທົບ 15 ພັນຄົນເຊິ່ງໄດ້ອົບພະຍົບໄປສູນບັນເທົາທຸກ 100 ກວ່າແຫ່ງ. ທ່ານກ່າວຕື່ມວ່າ ປະລິມານນໍ້າຝົນໃນຊ່ວງສອງສາມວັນທີ່ຜ່ານມາ ເທົ່າກັບຍອດລວມເປັນເວລາ 1 ເດືອນສຳລັບປະລິມານນໍ້າຝົນໃນພາວະປົກກະຕິ.

ຢ່າງໃດກໍຕາມ, ຍັງບໍ່ມີລາຍງານກ່ຽວກັບຈຳນວນຄວາມເສຍຫາຍ ຫຼື ຍອດຜູ້ເສຍຊີວິດຈາກເຫດການນໍ້າຖ້ວມຮຸນແຮງຄັ້ງນີ້ ພ້ອມກັນນັ້ນໃນຕອນແລງຂອງວັນທີ 19 ທັນວາ, ກົມອຸຕຸນິຍົມວິທະຍາຂອງມາເລເຊຍ ກໍໄດ້ອອກແຈ້ງການເຕືອນເລື່ອງຝົນຍັງຈະສືບຕໍ່ຕົກໜັກທົ່ວປະເທດ.