ຖືເປັນຂ່າວດີເດືອນສຸດທ້າຍຂອງປີ 2021 ໜຶ່ງໃນຜົນງານປະກອບສ່ວນໃຫ້ແກ່ມະຫາວິທະຍາໄລແຫ່ງຊາດ ຄົບຮອບ 25 ປີ ເມື່ອທີມງານນັກພືດສາດ ມຊ ຮ່ວມກັບ ຊ່ຽວຊານຍີ່ປຸ່ນ ໄດ້ຄົ້ນພົບພືດໃໝ່ 6 ຊະນິດ ແລະ ລາຍງານໃໝ່ພືດຕະກຸນຊາລືສີ 8 ຊະນິດ.
ທີມງານນັກພືດສາດ ມຊ ກັບ ຊ່ຽວຊານຍີ່ປຸ່ນ Prof. Dr. Shuichiro Tagane (Kagoshima University); ແລະ ທ່ານ Wittaya Pongamornkul (Queen Sirikit Botanic Garden) ໄດ້ຄົ້ນພົບ ພືດຊະນິດໃໝ່ຂອງໂລກ ຈຳນວນ 6 ຊະນິດ ແລະ ພືດລາຍງານໃໝ່ສຳຫຼັບ ສປປ ລາວ ຈຳນວນ 8 ຊະນິດ ເປັນຊະນິດນອນໃນຕະກຸນຊາລືສີ (Gesneriaceae).
ການສຶກສາ ເລີ່ມຕັ້ງແຕ່ປີ 2012-2020 ໂດຍເກັບຕົວຢ່າງຈາກຫຼາຍແຂວງໃນລາວ ເຊັ່ນ ຫຼວງພະບາງ, ໄຊສົມບູນ, ວຽງຈັນ, ນະຄອນຫຼວງວຽງຈັນ, ບໍລິຄຳໄຊ, ຄຳມ່ວນ ແລະ ຈຳປາສັກ.
ຂໍ້ມູນຈາກ: ເຟດບຸກເພດຈ໌ ພົງໄພບູນ ພອນປະເສີດ