ຂັ້ນຕອນທໍາອິດ ກໍໄລ່ຄວາມເຢັນອອກໄປຈາກຫ້ອງນ້ຳກ່ອນ ໂດຍການເປີດນ້ຳທີ່ມີອຸນຫະພູມຮ້ອນໆຖິ້ມເອົາໄວ້ ໂດຍບໍ່ຕ້ອງເຂົ້າໄປຍືນໃຫ້ນໍ້າຖືກ ອາຍຮ້ອນຈະເຮັດໃຫ້ຜິວນຸ້ມຂຶ້ນ ເຮັດໃຫ້ງ່າຍຕໍ່ການຂັດຜິວ
ຈາກນັ້ນກໍເຖິງຂັ້ນຕອນການຂັດຜິວໂດຍໃຊ້ຂັດຜິວຕາມປົກກະຕິ ຫລື ຖ້າຢາກຈະປຸງຜະລິດຕະພັນຂັດຜິວຂຶ້ນມາໃຊ້ເອງ ກໍລອງໃຊ້ສູດໃໝ່ມີສ່ວນປະສົມດັ່ງຕໍ່ໄປນີ້
– ນໍ້າຕານຊາຍແດງ 1/2 ຖ້ວຍ
– ຜົງໄຜ່ 1/2 ຖ້ວຍ (ລອງຫາຊື້ນໍາຮ້ານຢາຈີນ ຫລື ຮ້ານຂາຍຜະລິດຕະພັນທີ່ມາຈາກປະເທດຈີນ)
– ຂີງສົດສັບລະອຽດ (ເຊິ່ງຊ່ວຍກະຕຸ້ນລະບົບໄຫລວຽນ) 2 ບ່ວງ
– ໂຈໂຈບາອອຍ 1 ຖ້ວຍ
ປະສົມສ່ວນປະສົມທັງໝົດເຂົ້ານຳກັນ ແລະ ມີການຂັດຜິວ ໂດຍລາກຍາວໆ ຊ້າໆ ເລີ່ມຈາກຂາກ່ອນ ແລ້ວຂັດຂຶ້ນໄປເຖິງແຂນ ໜ້າເອິກ ຫລັງ ແລະ ບັ້ນທ້າຍ
ເມື່ອຂັດຜິວທົ່ວທັງໂຕສຳເລັດແລ້ວ ກໍກ້າວເຂົ້າໄປຢູ່ກ້ອງຝັກບົວ ທາສະບູ່ເພື່ອກຳຈັດຄາບເມັດຂັດຜິວອອກໄປ ໂດຍເລືອກໃຊ້ສະບູ່ ຫລື ເຈວອາບນ້ຳແບບທີ່ໃຫ້ຄວາມຊຸ່ມຊື່ນກັບຜິວ ພຽງເທົ່ານີ້ຜິວກາຍຂອງກໍຈະເບິ່ງນຽນນຸ້ມໄດ້ເປັນພິເສດແລ້ວ