spot_img
Homeຄວາມງາມ8 ຂໍ້ຜິດພາດໃນການແຕ່ງຫນ້າທີ່ເພີ່ມອາຍຸ

8 ຂໍ້ຜິດພາດໃນການແຕ່ງຫນ້າທີ່ເພີ່ມອາຍຸ

Published on

a_27

1. ໃຊ້​ຮອງ​ພື້ນ​ປົກ​ປິດ​​ຮ່ອງຮອຍ​ໜາ​ເກີນ​ໄ ສາວໆ ຫລາຍ​ຄົນ​ເຊື່ອ​ວ່າ ​ການ​ໃຊ້​ຮອງ​ພື້ນ​ໜາໆ ໂດຍ​ສະເພາະ​ສ່ວນ​ທີ່​ມີ​​ຮ່ອງຮອຍ ຈະ​ຊ່ວຍ​ປົກ​ປິດ​ຮ່ອງຮອຍ​ໄດ້​ນຽນ ແຕ່​ສາວໆ ຮູ້​ບໍ່ວ່າ ເຖິງວ່າ​ການ​ທາ​ຮອງ​ພື້ນ​ໜາໆ ຈະ​ຊ່ວຍ​ເຮັດໃຫ້​ເບິ່ງບໍ່ເຫັນ ຈຸດ​ດ່າງ​ດຳ ແລະ​ ຮອຍ​ສິວ​ແທ້ ແຕ່​ມັນ​ກໍ​ເປັນ​ສິ່ງ​ທີ່​ເພີ່ມ​ອາ​ຍຸ​​ໄດ້​ຫລາຍ​ປີ ນັ້ນ​ເພາະ​ມັນ​ຈະ​ໄປ​ຊ່ວຍ​ເນັ້ນ​ໃຫ້​ເຫັນ​ຮອຍ​ຫ່ຽວ ແລະ ​ຮ່ອງ​ຮອຍ​​​ເທິງໜ້າ​ໃຫ້​ເຫັນ​ແຈ້ງ​ຂຶ້ນ ໂດຍ​ສະເພາະ​ເວລາ​ທີ່​ເຈົ້າ​ຍິ້ມ ​ຈະເຫັນດີ​ຍິ່ງ​ກວ່າ​ຕອນບໍ່​ແຕ່ງ​ໜ້າ​

2. ໃຊ້​ຄອນ​ຊີນ​ເລີ​ທາ​ບໍລິເວນ​ກ້ອງຕາ​ຫລາຍ​ຊັ້ນ ເພື່ອ​ປົກ​ປິດ​ຮອຍ​ຄ້ຳ ຫລື ​ຕາ​ແພນ​ດ້າ​ນັ້ນ​ເອງ ແຕ່​ແທ້ໆ ແລ້ວ​ມັນ​ບໍ່​ໄດ້​ຊ່ວຍ​ປົກ​ປິດ​ເທົ່າ​ໃດ ຢ່າງ​ນ້ອຍ​ມັນ​ກໍ​ພຽງແຕ່​ເຮັດໃຫ້​ຮອຍ​ຄ້ຳ​ເບິ່ງ​ສະຫວ່າງ​ຂຶ້ນ​ ແລະ ​ບາງ​ຄົນ​ກໍ​ເຮັດໃຫ້​ຜິວ​ກ້ອງຕາ​ກາຍ​ເປັນ​ສີ​ເທົາໆ ໄປ​ເລີຍ ນອກ​ຈາກ​ນີ້​ຍັງ​ເຮັດໃຫ້​ເຫັນ​ຮອຍ​ຍານ​ກ້ອງ​ຕານໍາ​ອີກ

3. ປັດ​ມາດ​ຄາ​ລາ​ໜາ​ເກີນໄປ ແລະ ​ຍາ ເຊື່ອ​ບໍ​ວ່າ​ ຂົນ​ຕາ​ທີ່​ຖືກ​ເນັ້ນ​ໃຫ້​ໜາ​ ແລະ​ ຍາວ​ໄປ​ພ້ອມໆກັນ ຈະ​ເຮັດໃຫ້​ໜ້າ​​ເບິ່ງ​ແກ​ຂຶ້ນ​ແບບບໍ່​ໜ້າ​ເຊື່ອ ໂດຍ​ສະເພາະ​ຖ້າ​ເປັນ​ມາດ​ຄາ​ລາ​ທີ່​ປັດ​ແລ້ວ ຂົນ​ຕາ​ເບິ່ງ​ແຫ້ງ ກົງໆ ບໍ່​ມີ​ຊີວິດ​ຊີ​ວານໍາອີກ​​ ນອກ​ຈາກ​ຈະ​ບໍ່​ເປັນ​ທຳມະຊາດ​ແລ້ວ ຍັງ​ເຮັດໃຫ້​​ເບິ່ງ​ມີ​ອາ​ຍຸ​ຂຶ້ນ​ນໍາອີກ​ ດັ່ງ​ນັ້ນ ສາວໆ ຈຶ່ງ​ຄວນ​ປັດ​ມາດ​ຄາ​ລາ​ໂດຍ​ເນັ້ນ​ຢ່າງ​ໃດ​ຢ່າງ​ໜຶ່ງ ຖ້າ​ບໍ່​ໜາ​ກໍ​ຍາວ​ໜ້ອຍໜຶ່ງ ແຕ່​ຢ່າ​ໃຫ້​ເບິ່ງ​ເກີນ​ຈິງ​ຫລາຍ​ໄປ​ກໍ​ພໍ​

4. ທາ​ປາກ​ດ້ວຍ​​ສີສົບ​ທີ່​ເຮັດໃຫ້​ເບິ່ງ​ສະ​ທ້ອນ​ຄືໂລ​ຫະ ບໍ່​ວ່າ​ຈະ​ສີ​ຄໍາ ສີ​ສົ້ມ ສີ​ແດງ ກໍ​ຕາມ ເນື້ອ​ສີສົບ​ແບບ​ນີ້​ຄວນ​ໃຊ້​ໃນ​ງານ​ສະແດງ​ສະແດງ ຫລື​ ງານ​ແຟ​ຊັນ​ເທົ່າ​ນັ້ນ   ບໍ່​ຄວນ​ນຳ​ມາ​ທາ​ໃນ​ຊີວິດ​ປະຈຳວັນ​ ເພາະ​ມັນ​ຈະ​ເຮັດໃຫ້​ເບິ່ງ​ມີ​ອາ​ຍຸ​ຂຶ້ນ​ຫລາຍ​ປີ​ເລີຍ​

5. ທາ​ປາກ​ແດງ​ ແມ່ນ​ຈະ​ເປັນ​ເທນ​ທີ່​ກຳ​ລັງ​ມາ​ແຮງ​ໃນ​ໝູ່​ສາວໆ ສົ້ມ​ທັງ​ຫລາຍ ແຕ່​ຖ້າ​ຫາກ​ຜິວ​ເຈົ້າ​ບໍ່​ສະຫວ່າງ ຂາວ ຫລື​ ເຫລືອງ​ຂາວ​ແທ້ໆ ບໍ່​ເໝາະ​ກັບ​ສີສົບສີ​ນີ້​ເລີຍ​ ເພາະ​ມັນ​ຈະ​ເພີ່ມ​ອາ​ຍຸ​ເຈົ້າ​ໄດ້​ແບບບໍ່​ໜ້າ​ເຊື່ອ ແຕ່​ກັບ​ກັນ ສີສົບ​ທີ່​ເຮັດໃຫ້​​ເບິ່ງ​ອາ​ຍຸ​ນ້ອຍ ຄື​ສີ​ອ່ອນ ​ແລະ ​ສີ​ນູດ ແຖມ​ຍັງ​ເຂົ້າ​ກັບ​ທຸກ​ສີ​ຜິວ​ນໍາອີກ

6. ແກ້ມ​ແດງ​ເປັນ​ວົ ຫລື ​ບົວເກີນ​ຈິງ ນອກ​ຈາກ​ຈະ​ເຮັດໃຫ້​ເບິ່ງ​ບໍ່​ເປັນ​ທຳມະຊາດ​ແລ້ວ ສີໜ້າ​ຍັງ​ປິດ​ຜິວ​ອັນ​ສະຫວ່າງ​ໃສ​ໄປຫມົດ ແລະ​ ເຮັດໃຫ້​ໜ້າ​ຂາດ​ຄວາມ​ໂດດ​ເດັ່ນ ເພາະ​ສີສົບ​ທີ່​ເປັນ​ສີ​ສັນ​ຢູ່​ແລ້ວ ອາຍ​ຊາ​ໂດ ແລະ ​ຄິ້ວ ທຸກ​ຢ່າງ​ຍາດ​ກັນ​ໂດດ​ເດັ່ນ ຈົນ​ເບິ່ງ​ໜັກ ແລະ ​ແນ່ນອນ ເບິ່ງ​ມີ​ອາ​ຍຸ​ຂຶ້ນ​ຫລາຍ​ເລີຍ​

7. ຖອນ​ຂົນ​ຄິ້ວ​ຫລາຍ​ເກີນ​ໄປ ຈົນ​ເຮັດໃຫ້​ຄິ້ວ​ລຽວ​ບາງ​ເປັນ​ເສັ້ນ​ຄື​ໃສ້​​ສໍ​ຂຽນ ​  ​ຢ່າງ​ນັ້ນ ແຖມ​ຍັງ​ເບິ່ງ​ຄືຄົນ​ມີ​ອາ​ຍຸ​ ​ຄິ້ວ​ເລີ່ມ​ຫາຍ​ໄປ​ເລື່ອຍ​ໆນໍາອີກ​ ດັ່ງ​ນັ້ນ ສາວໆ ຈຶ່ງ​ຄວນ​ຫລີກລ້ຽງ​ການ​ຖອນ​ຄິ້ວ​ຫລາຍ​ເກີນ​ໄປ​ ເອົາ​ພໍ​ງາມ​ຮັບ​ກັບ​ໜ້າ ແລະ ​ເປັນ​ທຳມະຊາດ​ກະພໍ

8. ທາ​ແປ້ງ​ໜາ​ ແທ້ໆແລ້ວ​ການ​ທາ​ແປ້ງ​ແບບ​ນີ້​ຄວນ​ຈະ​ໃຊ້​ຄຳ​ວ່າ​ ​ພອກ​ ​​ ເພາະ​ມັນ​ໜາ​ຈົນ​ເຮັດໃຫ້​ເບິ່ງບໍ່ເຫັນ​ສະພາບ​ຜິວ​ທີ່​ແທ້​ຈິງ​ ເຊິ່ງ​ນີ້​ແຫລະ​ທີ່​ເຮັດໃຫ້​ສາວໆ ບໍ່ງາມເພາະ​ມັນ​ຈະ​ຍິ່ງ​ເນັ້ນ​ຮ່ອງ​ຮອຍ​ໃຫ້​ເຫັນ​ເດັ່ນ​ແຈ້ງ​ກວ່າ​ການ​ທາຮອງ​ພື້ນ​ໜາ​ອີກ ເພາະ​ແປ້ງ​ເປັນ​ເຄື່ອງ​ສຳ​ອາງ​ເນື້ອ​ແຫ້ງ​ນັ້ນ​ເອງ ດັ່ງ​ນັ້ນ ສາວໆ ຈຶ່ງ​ຄວນ​ທາ​ແປ້ງ​ໃຫ້​ພໍ​ປະ​ມານ ຍິ່ງ​ຖ້າ​​ລົງ​ຮອງ​ພື້ນ ​ແລະ ​ຄອນ​ຊີນ​ເລີ​ໄປ​ແລ້ວ​ ກໍ່ຄວນ​ລົງ​ແປ້ງ​ໃຫ້​ບາງ​ທີ່ສຸດ​ເທົ່າ​ທີ່​ຈະ​ເຮັດ​ໄດ້​

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...