ລົດໄຟລາວ-ຈີນເລີ່ມເປີດບໍລິການໃຫ້ຜູ້ໂດຍສານສາມາດເດີນທາງພາຍໃນປະເທດ ເລີ່ມແຕ່ວັນທີ 4 ທັນວາ ມາຮອດວັນທີ 8 ທັນວາ ມີຜູ້ໂດຍສານຊື້ປີ້ລົດໄຟລາວ-ຈີນ 5,512 ຄົນ.
ທ່ານ ນາງຈູ່ ຫຍິງ ຫົງ, ຫົວໜ້າສະຖານີນະຄອນຫຼວງວຽງຈັນ ກ່າວຕໍ່ທີມງານນັກຂ່າວວິທະຍຸ CRI ໃນມື້ວານນີ້ວ່າ ປັດຈຸບັນນີ້ມີຜູ້ໂດຍສານທັງຄົນລາວ ແລະຕ່າງປະເທດມາໃຊ້ບໍລິການລົດໄຟລາວ-ຈີນແລ້ວຫ້າພັນກວ່າຄົນ ແລະຈຳນວນຜູ້ໂດຍສານຍັງຄົງຈະເພີ່ມຂຶ້ນເລື້ອຍໆ. ເຊິ່ງການໃຫ້ບໍລິການຜູ້ໂດຍສານພາຍໃນສຳລັບລົດໄຟລາວ-ຈີນ ແມ່ນ 2 ຖ້ຽວຕໍ່ວັນ ຄື ນະຄອນຫຼວງວຽງຈັນ-ບໍ່ເຕັນ 1 ຖ້ຽວ (ໄປ-ກັບ) ແລະ ນະຄອນຫຼວງວຽງຈັນ-ຫຼວງພະບາງ 1 ຖ້ຽວ (ໄປ-ກັບ).
“ພະນັກງານຢູ່ສະຖານີນະຄອນຫຼວງວຽງຈັນມີຄົນລາວທັງໝົດ 51 ຄົນ ເຊິງໄດ້ແບ່ງໜ້າວຽກກັນຫຼາຍໜ້າທີ ເຫັນວ່າພວກເຂົາສາມາດເຮັດຫຼ້ອນໜ້າທີ່ ແລະມີລະດັບວິຊາການພຽງພໍສາມາດຕອບສະໜອງຄວາມຕ້ອງການໄດ້.” ທ່ານ ນາງຈູ່ ຫຍິງ ຫົງ ກ່າວ.
ເບື້ອງຕົ້ນໄດ້ເປີດບໍລິການ 6 ສະຖານີທີ່ສາມາດຊື້ປີ້ໄດ້ ໄດ້ແກ່ ສະຖານີນະຄອນຫຼວງວຽງຈັນ, ໂພນໂຮງ, ວັງວຽງ, ຫຼວງພະບາງ, ເມືອງໄຊ ແຂວງອຸດົມໄຊ ແລະສະຖານີບໍ່ເຕັນ.