ເກີດເຫດສະເທືອນຂວັນ ເມື່ອຍົນເຮລີຄອບເຕີຂອງກອງທັບອາກາດອິນເດຍ (IAF) ທີ່ບັນທຸກຜູ້ຄົນ 14 ຊີວິດ ເກີດອຸບັດເຫດທີ່ບໍ່ຄາດຝັນ ເຮັດໃຫ້ນາຍທະຫານລະດັບສູງຂອງອິນເດຍເສຍຊີວິດ 13 ຄົນ ຂະນະທີ່ມີພຽງ 1 ຄົນທີ່ລອດຊີວິດຈາກເຫດການຄັ້ງນີ້.
ເວັບໄຊ CNN ລາຍງານວ່າ: ເຫດການດັ່ງກ່າວເກີດຂຶ້ນໃນວັນທີ 8 ທັນວາ 2021 ຜ່ານມາ ຢູ່ເຂດເມືອງຄູນູຣ໌ ໃນລັດທະມິນ ນາຕູ ທາງພາກໃຕ້ຂອງອິນເດຍ ເຊິ່ງຜູ້ເສຍຊີວິດໃນເຫດການລວມມີທ່ານ ພົນເອກ ໄບປິນ ຣາວັດ, ຫົວໜ້າເສນາທິກາປ້ອງກັນປະເທດຂອງອິນເດຍ ແລະພັນລະຍາ, ພ້ອມນາຍທະຫານ ແລະລູກເຮືອອີກ 11 ຄົນ ຂະນະທີ່ມີພຽງ 1 ຄົນທີ່ເປັນກັບຕັນລອດຊີວິດ.
ສຳລັບສາເຫດຂອງການເກີດອຸບັດເຫດຄັງນີ້ ທາງການອິນເດຍກຳລັງເລັ່ງດຳເນີນການສືບສວນ-ສອບສວນ.