ເວັບໄຊ້ຂ່າວຕ່າງປະເທດ ໄດ້ລາຍງານວ່າ: ປະທານາທິບໍດີ ໂຈ ໄບເດນ ຂອງສະຫະລັດອາເມລິກາ ໄດ້ອອກມາເຕືອນວ່າ ເຂົາຈະບໍ່ຍອມຮັບເງື່ອນໄຂທີ່ລັດຖະບານລັດເຊຍກໍານົດ ແລະ ມີຄວາມກັງວົນຕໍ່ກັບປະເທດລັດເຊຍທີ່ວາງແຜນຈະບຸກໂຈມຕີປະເທດຢູເຄນໃນອີກບໍ່ດົນນີ້.
ໂດຍສື່ມວນຊົນຂອງສະຫະລັດໄດ້ລາຍງານວ່າ: ເຈົ້າໜ້າຜູ້ກວດກາຂ່າວ ຄາດວ່າ ການບຸກເຂົ້າປະເທດຢູເຄນນີ້ຈະເກີດຂຶ້ນໃນຊ່ວງຕົ້ນປີ 2022 ແລະ ທາງລັດເຊຍເອງກໍໄດ້ເປີດເຜີຍວ່າໄດ້ມີການເສີມກໍາລັງທະຫານຢູ່ບໍລິເວນເຂດແດນ ແລະ ໄດ້ມີການເຄື່ອນຍ້າຍກອງກໍາລັງມາແລ້ວ 94,000 ຄົນ.
ມີການຄາດການວ່າໃນອາທິດນີ້ຈະມີການສົນທະນາທາງໄກລະຫວ່າງປະທານາທິບໍດີ ປູຕິນ ຂອງລັດເຊຍ ກັບ ທ່ານ ໂຈ ໄບເດນ ປະທານາທິບໍດີຂອງສະຫະລັດ ເພື່ອຫຼຸດຜ່ອນຄວາມກົດດັນ. ເຖິງແມ່ນວ່າທ່ານ ໂຈ ໄບເດນ ຈະບໍ່ໄດ້ລະບຸເຖິງມາດຕະການທີ່ຊັດເຈນທີ່ສະຫະລັດວາງແຜນຈະດໍາເນີນການ ແຕ່ເຈົ້າໜ້າທີ່ທາງການຂອງຢູເຄນ ແລະ ສະຫະລັດ ໄດ້ອອກມາເຕືອນໃນອາທິດນີ້ວ່າ ກໍາລັງມີການປຶກສາຫາລືກ່ຽວກັບການຄວໍ້າບາດທາງເສດຖະກິດທີ່ຮຸນແຮງຕໍ່ກັບລັດເຊຍ.