ຕົກໃຈກັນໝົດເຄື່ອງບິນເມື່ອມີແມ່ຍິງຄົນໜຶ່ງເປີດນົມໂຕເອງໃຫ້ແມວກິນຢູ່ເທິງເຄື່ອງບິນແບບບໍ່ສົນໃຈສາຍຕາຂອງຄົນອື່ນ. ເຫດການດັ່ງກ່າວເກີດຂຶ້ນໃນຖ້ຽວບິນ DL1360 ຂອງເດລຕາແອ ເຊິ່ງເດິນທາງມາຈາກເມືອງຊິຣາຄິວ ເມືອງນິວຢອກ ເພື່ອເດີນທາງໄປເມືອງແອດແລນຕາໃນລັດຈໍເຈຍ.
ໃນການລາຍງານຂ່າວບໍ່ໄດ້ລະບຸວ່າທີ່ຊັດເຈນວ່າມີຫຍັງເກີດຂຶ້ນແດ່ໃນຖ້ຽວບິນ ແຕ່ໃນສື່ອອນລາຍກໍໄດ້ມີການຖ່າຍຮູບຕອນທີ່ກັບຕັນເຄື່ອງບິນໄດ້ຕິດຕໍ່ໄປຫາສະຖານີທີ່ຢູ່ພາກພື້ນດິນເພື່ອກຽມເອົາແມ່ຍິງຄົນດັ່ງກ່າວລົງຈາກເຄື່ອງບິນ ເນື່ອງຈາກແມ່ຍິງຄົນນັ້ນບໍ່ຍອມເອົາແມວໃສ່ກົງຂັງໄວ້ຕາມກົດລະບຽບ.
ລ່າສຸດທາງສາຍການບິນຍັງບໍ່ໄດ້ອອກມາຊີ້ແຈງໃນປະເດັນດັ່ງກ່າວນີ້ ແຕ່ວ່າຮູບພາບທີ່ຖືກຖ່າຍເທິງເຄື່ອງບິນໄດ້ແຜ່ກະຈາຍໄປທົ່ວສື່ອອນລາຍ, ຢ່າງໃດກໍຕາມ ທາງດ້ານຜູ້ຊ່ຽວຊານດ້ານການບິນຄົນໜຶ່ງໄດ້ອອກມາຢືນຢັນແລ້ວວ່າຂ່າວນີ້ເປັນເລື່ອງຈິງ ແລະ ທາງສາຍການບິນເດລຕ້າເອງກໍໄດ້ປັບກົດລະບຽບໃຫ້ມີຄວາມເຂັ້ມງວດຫຼາຍຂຶ້ນ ຫຼັງຈາກທີ່ຜູ້ໂດຍສານໄດ້ມີການນໍາເອົາສັດລ້ຽງຂຶ້ນເຄື່ອງບິນນໍາເພິ່ມຂຶ້ນເຖິງ 84% ໃນປີທີ່ຜ່ານມາ ໂດຍຜູ້ໂດຍສານທີ່ໄດ້ຮັບອະນຸຍາດໃຫ້ນໍາສັດລ້ຽງຂະໜາດນ້ອຍຂຶ້ນເຄື່ອງບິນໄດ້ເຊັ່ນ: ໝາ, ແມວ ສາມາດນໍາຂຶ້ນເຄື່ອງໄດ້ແຕ່ຕ້ອງໃສ່ໄວ້ໃນກົງຂັງ ແລະ ວາງໄວ້ກ້ອງບ່ອນນັ່ງຕະຫຼອດການເດີນທາງ
ແຫຼ່ງຂ່າວ: mgronline