ສິວ ສ້ຽນເປັນຄືຂີ້ເຫຍື້ອ ຫລື ເຊລຜິວທີ່ຕາຍແລ້ວເຊິ່ງຍັງຕົກຄ້າງຢູ່ໃນຮູຂຸມຂົນ ມັກເກາະກຸ່ມຢູ່ສ່ວນທີ່ມີຄວາມມັນເຊັ່ນ ໜ້າຜາກ ດັງ ແລະ ຄາງ ເຮົາມີວິທີງ່າຍໆ ໃນການກຳຈັດສິວສ້ຽນທີ່ສາມາດເຮັດໄດ້ເອງຢູ່ເຮືອນ ດ້ວຍວັດຖຸດິບພື້ນຖານງ່າຍໆ ຈາກໃນເຮືອນຄົວກໍ່ຄື ໄຂ່ຂາວ ແລະ ໝາກນາວມາຝາກ ອຸປະກອນ ແລະ ສ່ວນປະສົມ ໂຟມສະຄລັບຜິວ ໄຂ່ຂາວ ໝາກນາວ ເຈ້ຍເຊັດປາກ Step 1 : ໃຊ້ໂຟມ ຫລື ສະບູແຫລວລ້າງໜ້າເຮັດຄວາມສະອາດຜິວໜ້າໃຫ້ໝົດກ້ຽງ ຈາກນັ້ນ ໃຊ້ໂຟມສະຄລັບຜິວກຳຈັດສິ່ງສົກກະປົກທີ່ຕົກຄ້າງໃນຮູຂຸມຂົນອີກເທື່ອໜຶ່ງ ຂັດຜິວວນເປັນວົງມົນ ແລ້ວລ້າງອອກໃຫ້ສະອາດ Step 2 : ເທນ້ຳຮ້ອນໆລົງໃນໝໍ້ ຫລື ຖ້ວຍໃຫຍ່ ຫລື ອາດເປີດນ້ຳຮ້ອນໃນອ່າງລ້າງໜ້າ ກົ້ມໜ້າລົງເພື່ອໃຫ້ອາຍນ້ຳຮ້ອນຊ່ວຍເປີດຮູຂຸມຂົນ ເພື່ອໃຫ້ການມາສ ໄດ້ຜົນດີີຍິ່ງຂຶ້ນ Step 3 : ປະສົມນ້ຳໝາກນາວ 1/4 ຖ້ວຍ ກັບໄຂ່ຂາວລ້ວນ 2 ໜ່ວຍໃນບ່ວງ ປະສົມໃຫ້ເຂົ້າກັນ Step 4 : ທາສ່ວນປະສົມລົງບາງໆ ເທິງໜ້າ ເນັ້ນສ່ວນທີ່ຕ້ອງການກຳຈັດສິວສ້ຽນຫລາຍເປັນພິເສດ Step 5 : ຕັດແບ່ງເຈ້ຍເຊັດປາກເປັນສີ່ຫລ່ຽມທັງໝົດ 5 ແຜ່ນ ແລ້ວ ແປະລົງເທິງໜ້າຜາກ ດັງ ຄາງ ແລະ ແກ້ມ ທັງສອງຂ້າງ ເຈ້ຍເຊັດປາກຈະຕິດແໜ້ນເທິງຜິວໜ້າ ປ່ອຍຖິ້ມໄວ້ຈົນເຈ້ຍເລີ່ມແຂງ ໃຊ້ເວລາປະມານ 30 ນາທີ Step 6 : ຄ່ອຍໆ ລອກເຈ້ຍເຊັດປາກອອກ ຈະເຫັນວ່າ ມີສິວສ້ຽນຕິດອອກມານໍາອີກ ຈາກນັ້ນ ລ້າງໜ້າດ້ວຍນ້ຳເຢັນຈັດເພື່ອປິດຮູຂຸມຂົນ