ລາວໄດ້ຮັບວັກຊີນຊີໂນຟາມ ຈາກຈີນ ເພີ່ມ 1,9 ລ້ານໂດສ

0
1299

ສປປ ລາວໄດ້ຮັບວັກຊີນປ້ອງກັນພະຍາດໂຄວິດ-19 ເພີ່ມອີກ 1,900,000​ ໂດສ ຈາກການຊ່ວຍເຫຼືອຈາກ ສປ ຈີນ.

ໃນ​ຕອນແລງ ເວລາ 16:00 ​ຂອງວັນທີ​ 17​ ພະຈິກ​ 2021​ ນີ້​ ທີ່​ສະໜາມບິນ​ສາກົນ​ວັດ​ໄຕ, ນະຄອນຫຼວງວຽງຈັນ​ ໄດ້ມີພິທີຕ້ອນຮັບວັກຊີນຊ່ວຍເຫຼືອລ້າຮອບໃຫມ່ຈາກ ສປ​ ຈີນ​ ມອບ​ໃຫ້ແກ່​ ສປປ​ ລາວ​ ຍີ່ຫຍໍ້ຊີໂນຟາມ ຈຳນວນ​ 1,900,000​ ໂດສ.

ວັກຊີນທີ່ໄດ້ມາເພີ່ມແມ່ນຈະສົມທົບກັບວັກຊີນທີ່ມີຢູ່ ເພື່ອຈະຊ່ວຍໃຫ້ລາວບັນລຸຄາດໝາຍການສັກວັກຊີນໃຫ້ປະຊາກອນທົ່ວປະເທດ ໃຫ້ໄດ້ 50 ສ່ວນຮ້ອຍຂຶ້ນໄປໃນປີ 2021.

ພ້ອມນັ້ນການສັກວັກຊີນຍັງເປັນພື້ນຖານສຳຄັນໃນການເປີດປະເທດ ໃນເງື່ອນໄຂຮັບປະກັນໄດ້ຊີວິດຂອງປະຊາຊົນ ບໍ່ໃຫ້ມີການສູນເສຍກັບການກະຕຸ້ນເສດຖະກິດ ຂອງປະເທດໃຫ້ມີການຟື້ນຕົວ ແລະ ພັດທະນາໃສ່ຕໍ່ໜ້າ.