spot_img
Homeຄວາມງາມ4 ບັນຫາຜົມເສຍ ເມື່ອເຂົ້າລະດູໜາວ

4 ບັນຫາຜົມເສຍ ເມື່ອເຂົ້າລະດູໜາວ

Published on

ผมเสีย

  1. ບັນຫາ​ຜົມ​ແຫ້ງ​ຊີ້ຟູ

ບັນຫາ​ຜົມ​ແຫ້ງ​ຟູ​ ເປັນ​ບັນຫາ​ທີ່​ພົບ​ກັນ​ໄດ້​ຂ້ອນຂ້າງ​ເລື້ອຍໆ ການ​ທີ່​ຜົມ​ແຫ້ງ​​ຟູ ບໍ່​ມີ​ນ້ຳ​ໜັກ ກໍເກີດ​ຈາກ​ສາ​ເຫດ​ຫລັກໆ ຄື​ເກີດ​ຈາກ​ການ​ທີ່​ຜົມ​ຂອງ​ຄົນ​ເຮົາ​ມີ​ຄວາມ​ຊຸ່ມ​ໃນ​ອາ​ກາດ​ອຸນຫະພູມ​ຕ່ຳ ເຮັດໃຫ້​ເກີດ​ໄຟ​ຟ້າ​ສະຖິດ ຍິ່ງ​ຖ້າ​ໃຜ​ທີ່​ມັກ​ສະ​ຜົມ​ທຸກ​ມື້ ຫລື ​ໃຜ​ທີ່​ໃຊ້​ນ້ຳ​ຮ້ອນ​ສະ​ຜົມ ແມ່ນ​ກະ​ທັງ​ການ​ຕາກ​ແດດ​ຈັດ​ເປັນ​ເວລາ​ດົນ​ໆ ກໍ​ມີ​ສ່ວນ​ເຮັດໃຫ້​ຜົມ​ແຫ້ງ​ ແລະ ​​ຟູ​ໄດ້​ເຊັ່ນ​ກັນ

ທາງ​ແກ້​ໄຂ​ບັນຫາ​ຜົມ​ແຫ້ງ​​ຟູ: ສຳຫລັບ​ຄົົນທີ່​ຜົມ​ມັນ​ບໍ່​ຫລາຍ​ລອງ​ປ່ຽນ​ເປັນ​ສະ​ຜົມ​ມື້​ຕໍ່​ມື້​ກໍ​ພໍ ແຕ່​ໃຜ​ທີ່​ຜົມ​ມັນ​ສຸດໆ ແລະ ​ຈຳ​ເປັນ​ຕ້ອງ​ສະ​ຜົມ​ທຸກ​ມື້​ຄວນ​ໃຊ້​ ຄອນ​ດິ​ຊັນເນີ  ​​ທາ​ປາຍ​ຜົມ​ ສ່ວນ​ໃຜ​ທີ່​ຕ້ອງ​ເຮັດ​ກິດຈະກຳ​ກາງ​ແຈ້ງ ຂໍ​ແນະ​ນຳ​ວ່າ​ ໃຫ້​ໃສ່​ໝວກ​ ແລະ​ ກັ້ງຄັນຮົ່ມ ສ່ວນ​ບັນຫາ​ຜົມ​ຟູ​ທີ່​ເກີດ​ຈາກ​ໄຟ​ຟ້າ​ສະຖິດ​ແນະ​ນຳ​ໃຫ້​ສາວໆ ລອງ​ຫວີ​ຜົມ​ຕັ້ງ​ແຕ່​ກົກ​ຜົມ​ໄລ່​ມາຈົນ​ເຖິງ​ປາຍ​ຜົມ​ຈະ​ຊ່ວຍ​ແກ້​ບັນຫາ​ນີ້ໄດ້

  1. ບັນຫາ ລັງແຄ

ເມື່ອ​ອາ​ກາດ​ເຢັນ​ລົງ​ຈຶ່ງ​ເຮັດໃຫ້​ໜັງ​ຫົວ​ແຫ້ງ ແລ້ວ​ບັນຫາ​ທີ່​ນໍາ​ມາ​ຄື “ບັນຫາ​ລັງ​ແຄ” ເຊິ່ງ​ແນ່ນອນ​ວ່າ ​ຍິ່ງ​ມີ​ລັງ​ແຄ​ເຮົາ​ກໍ​ຍິ່ງ​ເຮັດຫຍັງ​ໄດ້​ບໍ່​ໝັ່ນໃຈ​ເທົ່າໃດ​ ສາວໆ ຫລາຍ​ຄົນ​ມັກ​ອາບ​ນ້ຳ​ອຸ່ນ ອາບ​ນ້ຳ​ຮ້ອນ ເພາະ​ອາ​ກາດ​ຕອນ​ເຊົ້າ​ມັນ​ເຢັນ​ ແຕ່​ຮູ້​ຫລື​ບໍ່​ວ່າ ​ຍິ່ງ​ໃຊ້​ນ້ຳ​ຮ້ອນ ກໍ​ຍິ່ງ​ເຮັດໃຫ້​ໜັງ​ຫົວ​ແຫ້ງ​ ແລະ​ ເກີດ​ລັງ​ແຄ ແລະ ​ນອກ​ຈາກ​ນີ້​ແລ້ວ​ລັງ​ແຄ​ອາດ​ເກີດ​ຈາກ​ສາ​ເຫດ​ອື່ນໆ​ອີກ ເຊັ່ນ ການ​ໝັກ​ໝົມ​ບໍ່​ຍອມ​ສະ​ຜົມ ຫລື ​ແພ້​ຢາ​ສະ​ຜົມ​ທີ່​ໃຊ້​ຢູ່

ທາງ​ແກ້​ໄຂ​ບັນຫາ​ລັງ​ແຄ: ທາງ​ແກ້​ກໍ​ຄື​ຫລີກ​ລ້ຽງ​ການ​ໃຊ້​ນ້ຳ​ຮ້ອນ​ສະ​ຜົມ ປ່ຽນ​ຢາ​ສະ​ຜົມ ຫລື​ ເລືອກ​ໃຊ້ຢາສະຜົມ​ສູດ​ກຳຈັດ​ລັງ​ແຄ

  1. ຜົມ​ແຕກ​ປາຍ

ເຊື່ອ​ວ່າ​ບັນຫາ​ນີ້​ຕ້ອງ​ເປັນ​ກັນ​ຫລາຍ​ຄົນ​ ເພາະ​ເມື່ອ​ພໍ​ເຂົ້າ​ລະດູ​ໜາວ​ແລ້ວ​ຜົມ​ຈະ​ທັງ​ແຫ້ງ ​ແລະ ​ແຕກ​ປາຍ ອາດ​ເປັນ​ເພາະ​ການ​ບໍ່ໃຊ້​​ຄອນ​ດິ​ຊັນ​ເນີ​ລວມ​ເຖິງ​ການ​ໜີບ​ຜົມ ການ​ໃຊ້​ໄດ​ເປົ່າ​ຜົມ​ເປັນ​ປະຈຳ​ ຈຶ່ງ​ເຮັດໃຫ້​ຜົມ​ແຕກ​ປາຍ ແລ້ວ​ບໍ່​ໄດ້​ແຕກ​ປາຍ​ພຽງແຕ່ລະດູ​ໜາວແຕ່​ຜົມແຕກປາຍ​ໄປ​ທຸກ​ລະດູ​

ທາງ​ແກ້​ໄຂ​ບັນຫາ​ຜົມ​ແຕກ​ປາຍ: ຜົມ​ແຕກ​ປາຍ​ແບບ​ນີ້ ວິທີ​ທີ່​ໄດ້​ຜົນ​ຫລາຍ​ທີ່ສຸດ​ຄື “ສອຍຜົມຖິ້ມ​ ວິທີ​ອື່ນ​ທີ່​ຊ່ວຍ​ໄດ້​ຄື​ການ​ໃຊ້​ຄອນ​ດິ​ຊັນ​ເນີ​ນວດ​ປາຍ​ຜົມ ລວມ​ເຖິງ​ຕ້ອງ​ຫລີກລ້ຽງ​ການ​ໃຊ້​ຄວາມ​ຮ້ອນ​ທຸກ​ຊະນິດ​ກັບ​ເສັ້ນ​ຜົມ​

  1. ບັນຫາ​ຜົມ​ລີບ​ຕິດ​ໜັງ​ຫົວ

ບໍ່​ຮູ້​ວ່າ​ຫລາຍໆຄົນ ​ຈະ​ພົບ​ບັນຫາ​ນີ້​ກັນ​ນຳ​ຫລື​ບໍ່ ເພາະ​ໃນ​ຂະນະ​ທີ່​ຫລາຍ​ຄົນ​ມີ​ບັນຫາ​ຜົມ​​ຟູ ຈັດ​ຊົງ​ຍາກ ແຕ່​ບາງ​ຄົນ​ພັດມີ​ບັນຫາ​ຜົມ​ລີບ​ຕິດ​ໜັງ​ຫົວ ໂດຍ​ສະເພາະ​ສາວ​ຜົມ​ມັນ ເຊິ່ງ​ບັນຫາ​ຜົມ​ລີບ​ຕິດ​ໜັງ​ຫົວ​ນີ້​ເກີດ​ຈາກ​ການ​ທີ່​ໜັງ​ຫົວ​ຂອງ​ເຮົາ​ແຫ້ງ ຈຶ່ງ​ເຮັດໃຫ້​ໜັງ​ຫົວ​ຜະລິດ​ນ້ຳ​ມັນ​ອອກ​ຫລາຍ​ເກີນ​ໄປ ເພື່ອ​ມາ​ເພີ່ມ​ຄວາມ​ຊຸ່ມ​ຊື່ນ​ໃຫ້​ກັບ​ເສັ້ນ​ຜົມ ຈຶ່ງ​ເຮັດໃຫ້​ເກີດ​ມີ​ນ້ຳ​ມັນ​ທີ່​ເສັ້ນ​ຜົມ​ຫລາຍ​ເກີນ​ໄປ ຜົມ​ກໍ​ເລີຍ​ລີບ​ນັ້ນ​ເອງ

ທາງ​ແກ້​ໄຂ​ບັນຫາ​ຜົມ​ລີບ: ຄວນ​ຫລີກ​ລ້ຽງ​ການ​ກິນ​ອາການ​ມັນໆ ເພາະ​ຈະ​ຍິ່ງ​ເຮັດໃຫ້​ໜັງ​ຫົວ​ມັນ​ຫລາຍ​ຍິ່ງ​ຂຶ້ນ ລວມ​ເຖິງ​ບໍ່​ຄວນ​ໃຊ້​ຄອນ​ດິ​ຊັນ​ເນີ​ຫລາຍ​ເກີນ​ໄປ​ໃນ​ກຸ່ມ​ຄົົນທີ່​ມີ​ບັນຫາ​ຜົມ​ລີບ ເພາະ​ຈະ​ເຮັດໃຫ້​ຜົມ​ໜຽວ​​ມັນຫລາຍ​ຂຶ້ນ​ກວ່າ​​ອີກ ແລະ ​ອີກ​ວິທີ​ໜຶ່ງ​ທີ່​ດີ​ຫລາຍ​ສຳລັບ​ສາວ​ທີ່​ມີ​ບັນຫາ​ຜົມ​ລີບ​ຄື ຫລັງ​ຈາກ​ອາບ​ນ້ຳ​ສະ​ຜົມ ເປົ່າ​ຜົມ​ໃຫ້​ແຫ້ງ​ແລ້ວ ກໍ​ລອງ​ເສີມ​ຄວາມງາມ​ດ້ວຍ​ການ​ມ້ວນ​ຜົມ​ເບິ່ງ ກໍ​ຈະ​ເຮັດໃຫ້​ຜົມ​ເບິ່ງ​ມີ​ນ້ຳ​ໜັກ ​ຫລາຍ​ຂຶ້ນ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...