spot_img
Homeຂ່າວພາຍ​ໃນລາວກຽມສົ່ງພືດຕະກຸນໝາກກ້ຽງອອກເຈາະຕະຫຼາດຈີນຄັ້ງທຳອິດ

ລາວກຽມສົ່ງພືດຕະກຸນໝາກກ້ຽງອອກເຈາະຕະຫຼາດຈີນຄັ້ງທຳອິດ

Published on

ພາກສ່ວນກ່ຽວຂ້ອງຈະເລີ່ມສົ່ງອອກພືດຕະກຸນໝາກກ້ຽງທີ່ປູກຢູ່ປະເທດລາວໄດ້ແກ່ ໝາກກ້ຽງເປືອກໜາ, ໝາກພຸກ ແລະໝາກນາວເຫຼືອງ ເພື່ອເຈາະຕະຫຼາດ ສປ ຈີນ ເປັນຄັ້ງທຳອິດ ຄາດວ່າຈະມີການດຳເນີນການຈັດສົ່ງໃນຕົ້ນປີໜ້າ.

ເບື້ອງຕົ້ນຄາດວ່າຈະມີການຈັດສົ່ງພືດຊະນິດດັ່ງກ່າວປະມານ 50 ພັນກວ່າໂຕນ, ມູນຄ່າ 50 ລ້ານໂດລາສະຫະລັດ ພາຍຫຼັງມີການເຊັນອານຸສັນຍາທາງໄກ ເຊິ່ງຈັດຂຶ້ນໃນທ້າຍອາທິດຜ່ານມາ ກ່ຽວກັບຂໍ້ກຳນົດດ້ານສຸຂະອະນາໄມພືດສຳລັບການສົ່ງອອກພືດຕະກຸນໝາກກ້ຽງ ລະຫວ່າງ ທ່ານ ເພັດ ພົມພິທັກ ລັດຖະມົນຕີກະຊວງກະສິກຳ ແລະ ປ່າໄມ້ ແຫ່ງ ສປປ ລາວ ແລະ ທ່ານ ນີ ຢິວເຟິ່ງ, ລັດຖະມົນຕີອົງການບໍລິຫານພາສີ ແຫ່ງ ສປ ຈີນ.

ພືດຕະກຸນໝາກກ້ຽງໄດ້ດຳເນີນການປູກໃນພື້ນທີ່ 3,6 ພັນກວ່າເຮັກຕາ ໃນ 9 ແຂວງ ເຊັ່ນ ຫຼວງນໍ້າທາ, ບໍ່ແກ້ວ, ໄຊຍະບູລີ, ຫຼວງພະບາງ, ວຽງຈັນ, ບໍລິຄຳໄຊ, ສະຫວັນນະເຂດ, ຈຳປາສັກ ແລະອັດຕະປື  ໂດຍມີ 9 ບໍລິສັດໄດ້ຊຸກຍູ້ ແລະລົງທຶນໃນຮູບແບບ 2 ບວກ 3 ແລະເຊົ່າດິນນຳປະຊາຊົນ ຂະນະທີ່ 70% ຂອງຜົນຜະລິດແມ່ນຈະມີການສົ່ງອອກ ເຊິ່ງຈະເລີ່ມດຳເນີນການໃນປີ 2022 ເປັນຕົ້ນໄປ.

ຂໍ້ມູນຈາກ: ໜັງສືພິມ ເສດຖະກິດ-ສັງຄົມ

 

ບົດຄວາມຫຼ້າສຸດ

ຝົນມໍລະສຸມ! ປາກີສະຖານປະເຊີນ ນ້ຳປ່າໄຫຼຊຸ ແລະ ດິນເຈື່ອນຖະຫຼົ່ມ ຫຼ້າສຸດມີປະຊາຊົນເສຍຊີວິດຢ່າງນ້ອຍ 344 ຄົນ.

ປາກີສະຖານປະເຊີນນ້ຳປ່າຖ້ວມຊຸ ແລະ ດິນຖະຫຼົ່ມ ເນື່ອງຈາກຝົນຕົກໜັກ ເຮັດໃຫ້ປະຊາຊົນເສຍຊີວິດຢ່າງນ້ອຍ 344 ຄົນ. ສຳນັກຂ່າວຕ່າງປະເທດລາຍງານໃນວັນທີ 17 ສິງຫາ 2025 ຜ່ານມານີ້ວ່າ: ປາກີສະຖານປະເຊີນກັບສະພາບຝົນຕົກໜັກຕໍ່ເນື່ອງເຮັດໃຫ້ເກີດນ້ຳປ່າໄຫຼຊຸ  ແລະ ດິນຖະຫຼົ່ມ...

ປະຊາຊົນຊາວມາເລເຊຍຮວມຕົວກັນຫຼາຍພັນຄົນ ເພື່ອຮຽກຮ້ອງຄວາມຍຸຕິທຳ ໃຫ້ຊາຣາ ທີ່ເສຍຊີວິດຢ່າງປິສະໜາ

#JusticeForZara ແຮັດແທັກ (hastag) ເຕັມສື່ສັງຄົມອອນລາຍໃນປະເທດມາເລເຊຍ ເພື່ອຮຽກຮ້ອງຄວາມຍຸຕິທຳໃຫ້ ຊາຣາ ເດັກຍິງອາຍຸ 13 ປີ ເສຍຊີວິດປິດສະໜາ, ທ່າມກາງຂ່າວລືວ່າ ຊາຣາ ເປັນເຫຍື່ອຈາກການຖືກບູລີ້ ແລະ...

ເສຍຊີວິດເວທີດຽວກັນ! ຂ່າວເສົ້າວົງການມວຍຍີ່ປຸ່ນ ເມື່ອ 2 ນັກຊົກຈາກແດນປາດິບເສຍຊີວິດຫຼັງຂຶ້ນຊົກມວຍ ໝໍເຜີຍເລືອດອອກໃນເຫຍື້ອຫຸ້ມສະໝອງ.

ວົງການມວຍຍີ່ປຸ່ນເສົ້າ! 2 ນັກຊົກມວຍເສຍຊີວິດເວທີດຽວກັນ ຫຼັງໄດ້ຮັບອາການບາດເຈັບ ໝໍເຜີຍເລືອດອອກໃນເຫຍື້ອຫຸ້ມສະໝອງ. ສຳນັກຂ່າວຕ່າງປະເທດລາຍງານເຫດການສຸດສະຫຼົດ ຂອງວົງການມວຍຍີ່ປຸ່ນ ໄດ້ເກີດເຫດການສຸດຊ໋ອກ ຫຼັງຈາກຊິເງໂຕຊິ ນັກຊົກອາຍຸ 28 ປີ ເສຍຊີວິດ ເມື່ອວັນສຸກ 8...

ສ ເກົາຫຼີ ມອບທຶນຈຳນວນ 6 ລ້ານໂດລາ ເພື່ອຂະຫຍາຍ ແລະ ປັບປຸງລະບົບນໍ້າປະປາ ກຳນົດຈັດຕັ້ງປະຕິບັດ 2025-2029

ລັດຖະບານ ສ ເກົາຫຼີສະໜອງທຶນຊ່ວຍເຫຼືອລ້າໂຄງການຂະຫຍາຍ ແລະ ປັບປຸງລະບົບນໍ້າປະປາຫຼັກຊາວ ເມືອງຄຳເກີດ ພິທີເຊັນບົດບັນທຶກການຮ່ວມມືໂຄງການຂະຫຍາຍ ແລະ ປັບປຸງລະບົບນໍ້າປະປາຫຼັກຊາວເມືອງຄຳເກີດ ແຂວງບໍລິຄຳໄຊ ລະຫວ່າງ ກະຊວງໂຍທາທິການ ແລະ ຂົນສົ່ງ (ຍທຂ)...