ແຫຼ່ງຂ່າວ Yahoo ລາຍງານ: ພໍ່ໄວກາງຄົນຊາວອັຟການິສຖານລາຍໜຶ່ງ ເຖິງທາງຕັນ ຍອມຂາຍລູກສາວໄວພຽງ 9 ປີ ໃຫ້ກັບຊາຍຄົນໜຶ່ງ ໃນລາຄາ 2.200 ໂດລາສະຫະລັດ ຫຼື ປະມານ 22 ລ້ານກວ່າກີບ ເພື່ອນຳເງິນມາຊື້ອາຫານລ້ຽງເມຍ ແລະລູກໆທີ່ເຫຼືອ ທັງທີ່ພໍ່ລາຍນີ້ຫາກໍຂາຍລູກສາວໄວ 12 ປີໃນຊ່ວງສອງສາມເດືອນຜ່ານມາ.

ອັບດູນ, ພໍ່ຂອງເດັກຍິງຜູ້ໜ້າສົງສານກ່າວວ່າ: ເຂົາ ແລະເມຍພະຍາຍາມຫາເງິນດ້ວຍການເລາະຂໍທານ ແລະຊອກຢືມນຳຍາດພີ່ນ້ອງເພື່ອມາລ້ຽງຄົນໃນຄອບຄົວຈຳນວນ 8 ຊີວິດ ແຕ່ຍິ່ງຊອກຫາກໍຍິ່ງພົບກັບຄວາມຍາກລຳບາກ ຈິ່ງຕັດສິນໃຈຂາຍລູກສາວທັງສອງຄົນເພື່ອປະທັງຊີວິດຄົນໃນເຮືອນທີ່ເຫຼືອຢູ່ ຂະນະທີ່ຄອບຄົວດັ່ງກ່າວອາໄສຢູ່ໃນແຂວງທາງພາກຕາເວັນຕົກສ່ຽງເໜືອຂອງປະເທດອັຟການິສຖານ ເປັນເວລາຫຼາຍປີ, ບໍ່ພຽງແຕ່ອັບດູນທີ່ຂາຍລູກປະທັງຊີວິດ, ຍັງມີຊາວອັຟການິສຖານຫຼາຍຄົນຕັດສິນໃຈຂາຍລູກໃນລາຄາຖືກພຽງເພື່ອຕ້ອງການເງິນມາລ້ຽງຊີບ ແລະໃຊ້ໜີ້.

ອັຟການິສຖານກຳລັງມຸ່ງໜ້າສູ່ “ຄວາມທຸກຍາກລະດັບໂລກ” ພາຍຫຼັງກຸ່ມຕາລີບັນເຂົ້າຢຶດຄອງປະເທດໃນຊ່ວງບໍ່ພໍເທົ່າໃດເດືອນຜ່ານມາ ຂະນະທີ່ອັດຕາຄວາມທຸກຍາກພາຍໃນປະເທດຖືກຈັດຢູ່ທີ່ປະມານ 98%.