ປັກກິ່ງລາຍງານ: ທາງການຈີນສັ່ງປິດເມືອງຫຼານໂຈ ໂດຍຫ້າມປະຊາຊົນຈຳນວນ 4 ລ້ານຄົນພາຍໃນເມືອງອອກຈາກທີ່ພັກອາໄສ ຍົກເວັ້ນກໍລະນີສຸກເສີນ ທັງທີ່ກວດພົບຜູ້ຕິດເຊື້ອໂຄວິດ-19 ລາຍໃໝ່ພາຍໃນເມືອງດັ່ງກ່າວພຽງ 6 ຄົນ ຂະນະທີ່ມີລາຍງານຜູ້ຕິດເຊື້ອໃໝ່ທົ່ວປະເທດ 29 ຄົນ.
ເມືອງຫຼານໂຈ ເລີ່ມເຂົ້າສູ່ການລັອກດາວ ໃນວັນທີ 26 ຕຸລາ ເຊິ່ງປະຊາຊົນແມ່ນຖືກຫ້າມອອກຈາກບ້ານເຮືອນຂອງຕົນເດັດຂາດ ຍົກເວັ້ນກໍລະນີສຸກເສີນ ຂະນະທີ່ສາຍການບິນ ລວມທັງບັນດາລົດຂົນສົ່ງໂດຍສານຕ່າງໆກໍຢຸດດຳເນີນການຊົ່ວຄາວ ທັງນີ້ກໍເພື່ອພະຍາຍາມສະກັດກັ້ນ ແລະປ້ອງກັນບໍ່ໃຫ້ມີການແຜ່ລະບາດຂອງໄວຣັສເປັນວົງກວ້າງ.
ເຖິງແມ່ນຫຼາຍປະເທດຕ່າງກໍວາງແຜນເປີດຊາຍແດນພ້ອມກຽມຈະຢູ່ກັບໄວຣັສສາຍພັນໃໝ່ນີ້ ແຕ່ຈີນກໍຍັງຮັກສາວິທີທາງທີ່ປັດສາຈາກເຊື້ອໂຄວິດ ເຊິ່ງເຫັນໄດ້ຈາກມາດຕະການລັອກດາວທີ່ເຄັ່ງຄັດໃນທ້ອງຖິ່ນ ທັງທີ່ຈຳນວນຜູ້ຕິດເຊື້ອບໍ່ຮອດ 50 ກໍລະນີ.