ສາວຈີນປະກາດຮັບສະໝັກແຟນຊົ່ວຄາວ ແລະ ຍອມຂຶ້ນຕຽງນອນນຳ ເພື່ອແລກກັບການທ່ອງທ່ຽວໄປໃນເມືອງຕ່າງໆ ທີ່ແທ້ແມ່ນເລື່ອງຂີ້ຕົວະ.
ສຳນັກຂ່າວຊຽງໄຮ້ໄດລີ່ ລາຍງານໃນວັນທີ 29 ຕຸລາຜ່ານມານີ້ວ່າ ຂ່າວດັງທີ່ສາວຈີນອາຍຸ 19 ປີ ກຽມແຜນທ່ອງທ່ຽວແບບຄ້າງແຮມກັບໜຸ່ມໆ ເພື່ອແລກກັບຄ່າໃຊ້ຈ່າຍໃນການທ່ອງທ່ຽວຢູ່ແຕ່ລະເມືອງນັ້ນ ເຊິ່ງຖືກຕີແຜ່ທົ່ວໄປໃນໂລກອອນລາຍຂອງຈີນ ແລະ ສຳນັກຂ່າວຂອງຕ່າງປະເທດຫລາຍສຳນັກ ແມ່ນເປັນພຽງເລື່ອງທີ່ແຕ່ງຂຶ້ນມາ ເພື່ອຫວັງສ້າງກະແສຍອດຜູ້ໃຊ້ຂອງແອັບພລິເຄຊັ່ນ ເພື່ອຊອກຈັບຄູ່ຂອງໜຸ່ມສາວຊາວຈີນ.
ລາຍງານຂ່າວໄດ້ກ່າວວ່າ ເນື່ອງຈາກເລື່ອງລາວຂອງສາວຈີນ ທີ່ປະກາດຫາເຈົ້າພາບກິນທ່ຽວທົ່ວຈີນ ແບບຂຶ້ນຕຽງນຳນັ້ນ ເປັນຂ່າວທີ່ສະແສສາທາລະນະຊົນ ສົນໃຈວິພາກວິຈານກັນຢ່າງກວ້າງຂວາງໃນຮອບອາທິດທີ່ຜ່ານມາ ຈິ່ງເຮັດໃຫ້ທາງການຈີນເລັ່ງກວດສອບຫາຂໍ້ເທັດຈິງ ແລະ ຕົ້ນຕໍຂອງຂ່າວດັ່ງກ່າວ ຈົນກະທັງໄດ້ພົບວ່າ ເປັນຂ່າວທີ່ບໍ່ມີມູນຄວາມຈິງແຕ່ປະການໃດ ໂດຍໃຊ້ພາບຕັດຕໍ່ມາສ້າງຂ່າວ ແລະ ລ່າສຸດ ແອັບພລິເຄຊັ່ນຈັບຄູ່ດັ່ງກ່າວນັ້ນ ກໍໄດ້ຖືກສັ່ງປິດໄປແລ້ວ.
