ດິນຖະຫລົ່ມທີ່ສີລັງກາ ເຮືອນຊານກ່ວາ 140 ຫລັງ ຈົມຢູ່ພື້ນດິນ ຊາວບ້ານຖືກຝັງທັງເປັນ ຄາດເສຍຊີວິດ
ນັບຮ້ອຍຄົນ.
ສຳນັກຂ່າວຕ່າງປະເທດ ລາຍງານໃນວັນທີ 29 ຕຸລາວ່າ ເກີດເຫດດິນຖະຫລົ່ມໃນແຂວງບາດຸນລາ ປະເທດ
ສີລັງກາ ສົ່ງຜົນໃຫ້ເຮືອນຊານກ່ວາ 140 ຫລັງ ພັງເສຍຫາຍ ແລະ ຈົມຢູ່ໃຕ້ພື້ນດິນຕິມທີ່ໄຫລຊຸຖະຫລົ່ມລົງ
ມາ ເຊິ່ງທາງການເປີດເຜີຍມີລາຍຊື່ຜູ້ສູນຫາຍແລ້ວ ບໍ່ຕ່ຳກ່ວາ 300 ຄົນ ແລະ ຄາດວ່າໜ້າຈະມີປະຊາຊົນ
ທີ່ຖືກຝັງທັງເປັນຫລາຍກ່ວາ 100 ຄົນ.
ຫາຍະນະດັ່ງກ່າວ ເກີດຂຶ້ນຫລັງຈາກພື້ນທີ່ເກີດເຫດ ໄດ້ປະເຊີນກັບມໍລະສຸມໜັກ ເຮັດໃຫ້ໃນວັນທີ 29 ຕຸລາ
ທີ່ຜ່ານມາ ມີດິນຕົມໄຫລຊຸຖະຫລົ່ມລົງມາຢ່າງກະທັນຫັນ ທັບຖົມເອົາໝູ່ບ້ານຊາວກະສິກອນປູກຊາ ເຊິ່ງຢູ່
ທາງພາກກາງຂອງສີລັງກາ ຈົນຈົມຢູ່ໃຕ້ພື້ນດິນ ແລະ ເສຍຫາຍໜັກໜ່ວງ.
ຈາກການເປີດເຜີຍລ່າສຸດ ຂອງສູນຈັດການໄພພິບັດສີລັງກາ ໄດ້ລະບຸວ່າ ຫລັງຈາກມີການອອກຄົ້ນຫາຜູ້ສູນ
ຫາຍໄປແລ້ວນັ້ນ ພົບວ່າຮອດປັດຈຸບັນໄດ້ມີພົບສົບຂອງຜູ້ເສຍຊີວິດລແລ້ວ ຈຳນວນ 16 ສົບ.
