ຜ່ານໄປແລ້ວກັບການຄັດເລືອກຜູ້ເຂົ້າຮອບສຸດທ້າຍ ຂອງມີສຢູນິເວີຣສລາວ 2021, ເຊິ່ງເປັນການຄັດເລືອກຈາກສາວງາມທີ່ເຂົ້າປະກວດ ໃຫ້ເຫຼືອພຽງ 16 ຄົນ ເພື່ອເຂົ້າຮອບຕໍ່ໄປ.
ໃນວັນທີ 18 ຕຸລາ 2021 ທີ່ຜ່ານມາ, ກອງປະກວດ Miss Universe Laos ມີສຢູນິເວີຣສລາວ 2021 ໄດ້ຈັດການຄັດເລືອກຜູ້ເຂົ້າຮອບສຸດທ້າຍ ໂດຍເປັນຮອບ Face to Face ເຊິ່ງສາວງາມຜູ້ເຂົ້າປະກວດຕ້ອງໄດ້ແນະນຳຕົນເອງ, ຕອບຄຳຖາມທີ່ໄດ້ເລືອກ ແລະ ຄຳຖາມຈາກຄະນະກຳມະການ.
ສຸດທ້າຍກໍໄດ້ຜູ້ເຂົ້າຮອບທັງໝົດ 16 ຄົນ ແລະ ສາວງາມກໍໄດ້ປ່ຽນໝາຍເລກເກົ່າທີ່ເຂົ້າປະກວດທຳອິດມາເປັນ MUL ຕາມດ້ວຍຕົວເລກຜູ້ເຂົ້າຮອບສຸດທ້າຍ ເຊິ່ງມີແຕ່ MUL01 ຫາ MUL 16 ນັ້ນໝາຍເຖິງຄວາມຝັນໃນການເປັນມີສຢູນິເວີຣສລາວ 2021 ຍັບເຂົ້າມາໃກ້ແລ້ວ.
ຮ່ວມເປັນກຳລັງໃຈໃຫ້ສາວໆ 1 ໃນນີ້ ຈະໄດ້ເປັນ ນາງງາມຈັກກະວານລາວຄົນທີ 5 ຂອງລາວ.
ໝາຍເຫດ: ຫຼັງຈາກປະກາດຜົນກ່ອນຫນ້ານີ້ແມ່ນ 17ສາວງາມ ແຕ່ອີກ 1 ໝາຍເລກ ນ້ອງ ມຸກດາ ບໍ່ສາມາດຮ່ວມການປະກວດໄດ້ ດ້ວຍເຫດຜົນສ່ວນໂຕທີ່ສຳຄັນ.
ພ້ອມກັນນັ້ນ ທາງມີສຢູນິເວີຣສລາວ 2021 ກໍໄດ້ຄັດເລືອກຊຸດປະຈຳຊາດໃນປີນີ້ຮຽບຮ້ອຍແລ້ວ.
ສາວງາມທ່ານໃດ ຈະໄດ້ໃສ່ຊຸດປະຈຳຊາດອັນສະຫງ່າລາສີນີ້ ແລະ ຈະກາຍເປັນຕົວແທນສາວລາວໄປປະກວດເທິງເວທີລະດັບໂລກຕໍ່ໄປ ຕິດຕາມໄປພ້ອມກັນ.