ກໍາລັງມາແຮງສໍາລັບເວທີການປະກວດ Miss Universe Laos 2021 ເຊິ່ງເຫັນໄດ້ວ່າມີຜູ້ເຂົ້າປະກວດເປັນຈໍານວນຫຼາຍ ແລະ ຄວາມງາມບໍ່ມີໃຜຍອມໃຜກັນເລີຍ ແຕ່ນອກຈາກຜູ້ສະໝັກເຂົ້າປະກວດແລ້ວ ຍັງມີການປະກວດຄັດເລືອກເອົາຊຸດປະຈໍາຊາດທີ່ຈະໃສ່ໄປປະກວດໃນລະດັບສາກົນອີກດ້ວຍ. ເຮົາມາເບິ່ງ 6 ຊຸດທີ່ຜ່ານການເຂົ້າຮອບ ແລະ ສາມາດບອກໄດ້ເລີຍວ່າງາມ ແລະ ສະແດງຄວາມເປັນລາວອອກມາໄດ້ດີທີ່ສຸດ.
- ຊຸດນາລີສີຫັດຖະກໍາ ອອກແບບໂດຍ: ທ້າວ ແມັກກີ້ ສິງຄໍາ
ເປັນຊຸດທີ່ໄດ້ແຮງບັນດານໃຈມາຈາກມູນເຊື້ອຫັດຖະກໍາຕໍາແຜ່ນອັນດັ້ງເດີມທີ່ເກົ່າແກ່ມາແຕ່ບູຮານນະການ ນໍາມາປະຍຸກອອກແບບ, ດັດແກ້ ໃຫ້ມີຄວາມໂດດເດັ່ນ ແລະ ໜ້າສົນໃຈ
- ມະໂຫລີຂັນໂຕກ ອອກແບບໂດຍ: ທ້າວ ສະລາວຸດ ຈັນທະກຸມານ
ເປັນຊຸດທີ່ໄດ້ແຮງບັນດານໃຈມາຈາກມາຈາກວິຖີຊີວິດຂອງປະຊາຊົນລາວ ມາແຕ່ບູຮານນະການຄື ກິນເຂົ້າຮ່ວມພາ ກິນຊາຮ່ວມຈອກ ອັນຊື່ເຖິງຄວາມສາມັກຄີ, ເອື້ອເຟື້ອເພື່ອແພ່, ມີນ້ຳໃຈຊ່ວຍເຫຼືອເຊິ່ງກັນ ແລະ ກັນຂອງຄົນລາວ. ດັ່ງນັ້ນ ຊຸດນີ້ຈຶ່ງໄດ້ປະຍຸກ ຂັນໂຕກຫຼືກະໂຕກ ທີ່ເປັນຈຸດສູນລວມຂອງຄົນລາວທຸກໝູ່ເລົ່າ.
- ຊຸດລ້ານຊ້າງ ສຸວັນນະພູມ ອອກແບບໂດຍ: ສຸກ ຈະເລີນສິນ
ເປັນຊຸດທີ່ໄດ້ແຮງບັນດານໃຈມາຈາກໄຊຊະນະຂອງແຜ່ນດິນລ້ານຊ້າງທີ່ຫວງແຫນ
- Street Food in Laos ອອກແບບໂດຍ: ອະດິສອນ ສາຍກົງແກ້ວ
ເປັນຊຸດທີ່ໄດ້ແຮງບັນດານໃຈມາຈາກຈາກຮ້ານອາຫານຂ້າງທາງເຊິ່ງມີເຂົ້າໜຽວ, ຕຳໝາກຫຸ່ງແລະ ປີງໄກ່ແຊບບບເຊິ່ງເປັນອາຫານທີ່ຄົນລາວນິຍົມກິນ
- ຊຸດທິດາໄໝຮ່ວມເຜົ່າລາວສາມັກຄີ ອອກແບບໂດຍ: ທ້າວ ອະນຸສອນ ດອມບານ
ເປັນຊຸດທີ່ໄດ້ແຮງບັນດານໃຈມາຈາກການຕໍ່າສີ້ນໄຫມ ຕໍ່າຜ້າຫຍິບປັກທັກເເສ່ວ ຂອງເເມ່ຍິງລາວເເຕ່ລະຊົນເຜົ່າໃນທົ່ວປະເທດລາວ ເເຕ່ລະຊົນເຜົ່າລ້ວນເເລ້ວເເຕ່ມີເອກະລັກ ລວດລາຍຄວາມສວຍງາມ ປານີດຂອງຝີມືເເມ່ຍິງລາວ ບົ່ງບອກເຖິງຄວາມຫລາກຫລາຍຂອງຊົນເຜົ່າໃນລາວຢ່າງເເທ້ຈິງ ຊຸດໄດ້ນໍາເອົາບາງເຜົ່າໃນລາວມາປະຍຸກອອກເເບບເປັນລາວຮ່ວມສະໄຫມ
- ຊຸດນາງພະຍາ ອອກແບບໂດຍ: ທ້າວ ບຸນທະນົງ ພັນທະລັງສີ
ຈາກສັດປະຈຳຊາດນັ້ນກໍຄືຊ້າງ ສ້າງສາມາເປັນຊຸດປະຈຳຊາດ
