ລາວກຳລັງພິຈາລະນາສ້າງເງິນດິຈິຕອລເປັນຂອງໂຕເອງ ເຊິ່ງເປັນສ່ວນໜຶ່ງຂອງຄວາມຮ່ວມມືກັບບໍລິສັດຟິນເທັກຍີ່ປຸ່ນ ເຖິງວ່າປະເທດລາວເຮົາຈະບໍ່ມີພື້ນທີ່ຕິດທະເລ ແຕ່ກໍມີສັກກະຍະພາບໃນການຜະລິດໄຟຟ້າພະລັງນ້ຳ.
ລາວກຳລັງພະຍາຍາມທີ່ຈະສຳຫຼວດການອອກສະກຸນເງິນດິຈິຕອລ ໂດຍໄດ້ຮັບການຊ່ວຍເຫຼືອຈາກບໍລິສັດສະຕາດອັບດ້ານຟິນເທັກຂອງຍີ່ປຸ່ນ ທີ່ກ່ຽວຂ້ອງກັບຄວາມພະຍາຍາມທີ່ຄ້າຍຄືກັນກັບໃນກຳປູເຈຍ ຂະນະທີ່ບໍລິສັດຍີ່ປຸ່ນ ແລະ ທະນາຄານແຫ່ງ ສປປປ ລາວ ຈະດຳເນີນການສຳຫຼວດຄວາມເປັນໄປໄດ້ຂອງສະກຸນເງິນດິຈິຕອລພາຍໃນເດືອນນີ້ ພາຍຫຼັງມີການເຊັນສັນຍາໃນບົດບັນທຶກຄວາມເຂົ້າໃຈກັບອົງການໄຈກ້າ (JICA) ກ່ຽວກັບການສຶກສາການພັດທະນາສະກຸນເງິນດິຈິຕອລຂອງທະນາຄານກາງ.
ລັດຖະບານລາວໄດ້ອະນຸຍາດໃຫ້ບໍລິສັດ 6 ແຫ່ງສາມາດທົດລອງຂຸດ ແລະແລກປ່ຽນ Bitcoin ພາຍໃນປະເທດໄດ້ໃນເດືອນຜ່ານມາ. ພ້ອມກັນນັ້ນ, ລາວຍັງໄດ້ມີການໂອ້ລົມກັບບໍລິສັດ Soramitsu ເຊິ່ງຕັ້ງຢູ່ໃນໂຕກຽວ ເຊິ່ງມີປະສົບການກັບສະກຸນເງິນດິຈິຕອລຂອງປະເທດ.
Soramitsu ເປັນທີ່ຮູ້ຈັກກັນໃນດ້ານບໍລິສັດທີ່ເຄີຍເຮັດວຽກຮ່ວມກັບທະນາຄານແຫ່ງຊາດກຳປູເຈຍ ເພື່ອພັດທະນາແພລດຟອມການຊຳລະເງິນດິຈິຕອລ Bakong ເຊິ່ງເປັນສ່ວນໜຶ່ງຂອງໂຄງການ CBDC ຂອງກຳປູເຈຍ ທີ່ຈະຊ່ວຍຫຼຸດການເພິ່ງພາເງິນໂດລາ ຂອງເສດຖະກິດກຳປູເຈຍ.
ຂໍ້ມູນຈາກ: The Laotian Times