Homeຂ່າວພາຍ​ໃນລາວກຽມພ້ອມສຳລັບການປິ່ນປົວຜູ້ຕິດເຊື້ອໂຄວິດທີ່ບໍ່ມີອາການດູແລຕົນເອງຢູ່ເຮືອນໄດ້ ຫາກຜູ້ປ່ວຍເພີ່ມຫຼາຍຂຶ້ນ

ລາວກຽມພ້ອມສຳລັບການປິ່ນປົວຜູ້ຕິດເຊື້ອໂຄວິດທີ່ບໍ່ມີອາການດູແລຕົນເອງຢູ່ເຮືອນໄດ້ ຫາກຜູ້ປ່ວຍເພີ່ມຫຼາຍຂຶ້ນ

Published on

ຄະນະສະເພາະກິດກຳລັງວາງແຜນເພື່ອກຽມຄວາມພ້ອມ, ຂໍ້ແນະນໍາໃນການປິ່ນປົວສະເພາະບຸກຄົນຕິດເຊື້ອທີ່ບໍ່ມີອາການ ແລະ ຕິດຕາມຜູ້ຕິດເຊື້ອທີ່ມີຄວາມສາມາດດູແລຕົນເອງຢູ່ເຮືອນ ຫຼື ໂຮງແຮມ ຖ້າຫາກມີຜູ້ປ່ວຍໂຄວິດເພີ່ມຫຼາຍຂຶ້ນ.

ທ່ານ ຄຳໃສ ເດດລືໄຊ ຮອງຫົວໜ້າກົມປິ່ນປົວ ແລະ ຟື້ນຟູໜ້າທີ່ການ ກະຊວງສາທາລະນະສຸກໄດ້ກ່າວໃນໂອກາດຖະແຫຼງຂ່າວມື້ວານນີ້ວ່າ: ຄະນະສະເພາະກິດໄດ້ຮ່ວມມືກັບຄູ່ຮ່ວມງານສາກົນ ເຊັ່ນ ອົງການອະນາໄມໂລກ ແລະຄູ່ຮ່ວມພັດທະນາອື່ນໆ ເພື່ອກະກຽມຄວາມພ້ອມ, ຂໍ້ແນະນໍາໃນການປິ່ນປົວສະເພາະບຸກຄົນຕິດເຊື້ອທີ່ບໍ່ມີອາການ ແລະຕິດຕາມຜູ້ຕິດເຊື້ອທີ່ມີຄວາມສາມາດດູແລຕົນເອງຢູ່ເຮືອນ ຫຼື ໂຮງແຮມ ຖ້າຫາກວ່າສະພາບການລະບາດໃນປະເທດເຮົາຍັງມີທ່າອ່ຽງສູງຂຶ້ນ ແລະພວກເຮົາຈະຕ້ອງໄດ້ຮັກສາໂຮງໝໍໄວ້ສຳລັບປິ່ນປົວກໍລະນີຄົນເຈັບໜັກ.

ທ່ານ ຄຳໃສ ເດດລືໄຊ ກ່າວຕື່ມວ່າ: ເຖິງແມ່ນຈຳນວນຜູ້ຕິດເຊື້ອໂຄວິດ-19 ຈະເພີ່ມຫຼາຍຂື້ນໃນປັດຈຸບັນ ແຕ່ສະຖານທີ່ປິ່ນປົວຍັງມີພຽງພໍຕໍ່ການຮັບຄົນເຈັບເຂົ້າມາປິ່ນປົວ ເຊິ່ງທາງຄະນະສະເພາະກິດ ກໍມີຄວາມພະຍາຍາມຈັດສັນສະຖານທີ່ເພິ່ມເຕີມ ໂດຍໄດ້ເປີດໂຮງໝໍສະໜາມອີກ 1 ແຫ່ງ ເອີ້ນວ່າ ໂຮງໝໍສະໜາມດາວເຮືອງ (ບໍລິເວນຂົວມິດຕະພາບ) ຊຶ່ງສາມາດຮອງຮັບຜູ້ຕິດເຊື້ອໄດ້ເຖິງ 800 ຄົນ. ນອກຈາກນັ້ນ ຍັງໄດ້ກະກຽມສະຖານທີ່ອື່ນເພີ່ມເຕີມ ເຊັ່ນ: ສູນກິລາຫຼັກ 16 ແລະ ໂຮງຮຽນຝຶກອາຊີບຄົນພິການສີເກີດ ເຊິ່ງຄາດວ່າຈະຮອງຮັບໄດ້ອີກ 600 ຄົນ ແລະສະຖານທີ່ອື່ນໆ.

ບົດຄວາມຫຼ້າສຸດ

ພົບເຫັນກຸ່ມແກ້ງຄໍເຊັນເຕີ ໃຫ້ບໍລິການຕອບແຊັດເວບພະນັນອອນລາຍ.

ດັ່ງນັ້ນ, ກົມໃຫຍ່ຕໍາຫຼວດ ກະຊວງປ້ອງກັນຄວາມສະຫງົບ ໄດ້ຊີ້ນຳກົມກອງວິຊາສະເພາະສຸມໃສ່ແກ້ໄຂບັນຫາດັ່ງກ່າວຢ່າງຕັ້ງໜ້າ ແລະ ມາໃນວັນທີ 11-12 ພຶດສະພາ 2026 ສາມາດມ້າງພວກຂະບວນການເປີດຫຼິ້ນການພະນັນທາງອອນລາຍໄດ້ 2 ກຸ່ມໃຫຍ່ຄື: ໃນວັນທີ 11 ພຶດສະພາ...

ເຝົ້າລະວັງຝົນຕໍ່ໄປ ແຂວງຫຼວງພະບາງ ແລະ ແຂວງໄຊຍະບູລີ ມີເນື້ອທີ່ປົກຫຸ້ມຂອງຝົນສູງສຸດ 50% ເຮັດໃຫ້ມີຝົນຕົກ ແລະ ລົມແຮງຢູ່ບາງເຂດ

ພະຍາກອນອາກາດ ປະຈຳວັນທີ 21 ພຶດສະພາ 2026 ຄວາມກົດດັນຕ່ຳຂອງອາກາດຮ້ອນຍັງປົກຄຸມຢູ່ທົ່ວທຸກພາກຂອງປະເທດລາວ ດ້ວຍກໍາລັງອ່ອນ ຫາ ປານກາງ, ສົມທົບກັບກະແສລົມຕາເວັນຕົກສ່ຽງໃຕ້ພັດປົກຄຸມ, ຊຶ່ງຈະເຮັດໃຫ້ຈະມີຝົນຕົກ ຟ້າຮ້ອງ ຟ້າເຫຼື້ອມໃນລະດັບຄ່ອຍ ຫາ ປານກາງຢູ່ໃນແຕ່ລະພາກ...

ແຜນພັດທະນາເສດ ຖະກິດ-ສັງຄົມແຫ່ງຊາດ ແລະ ເປົ້າໝາຍການພັດທະນາທີ່ຍືນຍົງ.

  ສົົ່ງເສີມ ແລະ ນໍາໃຊ້ໂທລະຄົມມະນາຄົມ, ເຕັກໂນໂລຊີ ການສື່ສານຂໍ້ມູນຂ່າວສານ (ໄອຊີທີ), ປັນຍາປະດິດ ແລະ ດີຈິຕອນທີ່ທັນສະໄໝ, ມີຄວາມປອດໄພສູງ ເຂົ້າໃນທຸກຂະແໜງການເສດຖະກິດ-ສັງຄົມ ແຕ່ສູນກາງລົງຮອດທ້ອງຖິ່ນ ເພື່ອຂັບເຄື່ອນການພັດທະນາເສດຖະກິດ-ສັງຄົມ ເຂົ້າສູ່ຍຸກອຸດສາຫະກໍາ...

ທ່ານ ສົມບູນ ສີຫານາດ ປະທານສະພາບໍລິຫານງານ ສະຖາບັນແມ່ນໍ້າຂອງ ພ້ອມຄະນະ ເດີນທາງຢ້ຽມຢາມ ສປ ຈີນ

ໃນໂອກາດທີ່ ສປປ ລາວ ໄດ້ຮັບກຽດເປັນປະທານໝູນວຽນຂອງ ສະພາບໍລິຫານງານສະຖາບັນແມ່ນໍ້າຂອງ (Council of Mekong Institute) ປະຈໍາສົກປີ 2025-2027 ພາຍໃຕ້ຄໍາຂວັນ: “ເພີ່ມທະວີການເຊື່ອມຈອດ ແລະ...