ຈະຫລວດແອນຕາເຣສ (Antares) ຂອງສະຫະລັດອາເມຣິກາ ລະເບີດຫລັງຖືກປ່ອຍອອກຈາກຖານສົ່ງຂອງນາຊາ ໃນ
ລັດເວີຈີເນຍ ພຽງ 6 ວິນາທີ.
ໃນມື້ນີ້ (29 ຕຸລາ 2014) ສຳນັກຂ່າວຕ່າງປະເທດລາຍງານວ່າ ໃນເວລາ 18 ໂມງ 22 ນາທີ ຕາມເວລາທາງພາກຕາເວັນອອກ
ຂອງສະຫະລັດ ຫລື ປະມານ 05 ໂມາງ 22 ນາທີຂອງຕອນເຊົ້າມື້ນີ້ ຕາມເວລາໃນປະເທດລາວ ໄດ້ເກີດເຫດຈະຫລວດແອນ
ຕາເຣສ (Antares) ເຊິ່ງເປັນຈະຫລວດແບບໄຮ້ຄົນຂັບ ຂອງບໍລິສັດ Orbital Science ລະເບີດຂຶ້ນ ຫລັງຈາກທີ່ທະຍານ
ຂຶ້ນອອກຈາກຖານປ່ອຍຈະຫລວດ Walop Flight ຂອງນາຊາ ໃນລັດເວີຈິເນຍ ພຽງແຕ່ 6 ວິນາທີເທົ່ານັ້ນ, ເຖິງຢ່າງໃດກໍ
ຕາມບໍ່ມີຜູ້ໄດ້ຮັບບາດເຈັບ ຫລື ເສຍຊີວິດຈາກເຫດການດັ່ງກ່າວ, ໃນຂະນະທີ່ສາເຫດຂອງເຫດລະເບີດດັ່ງກ່າວນີ້ ຍັງຢູ່ລະ
ຫວ່າງການສືບສວນຢ່າງລະອຽດຂອງເຈົ້າໜ້າທີ່ສະຫະລັດ.
ຈະຫລວດແອນຕາເຣສ ເປັນຈະຫລວດຂົນສົ່ງສິນຄ້າ ເຊິ່ງກຳລັງຈະຂົນອາຫານ, ອຸປະກອນຕ່າງໆຂອງນາຊາ ລວມໄປເຖິງອຸ
ປະກອນໃນການວິໄຈດ້ານວິທະຍາສາດ ນ້ຳໜັກລວມກ່ວາ 2,268 ກິໂລ ຂຶ້ນໄປສົ່ງມອບໃຫ້ກັບນັກບິນອາວະກາດ ເທິງສະຖາ
ນີອາວະກາດນານາຊາດ, ແຕ່ແລ້ວຫລັງຈາກທີ່ຈະຫລວດລຳດັ່ງກ່າວ ທະຍານຂຶ້ນໄປສູ່ທ້ອງຟ້າໄດ້ພຽງ 6 ວິນາທີ ກໍເກີດລະ
ເບີດຂຶ້ນ ສົ່ງຜົນໃຫ້ຈະຫລວດດັ່ງກ່າວເສຍຫາຍຢ່າງໜັກໜ່ວງ.
ດ້ານທ່ານ ແຟຣັງ ຄັນເບີດສັນ ຮອງປະທານບໍລິສັດ Orbital Science ໄດ້ເປີດເຜີຍວ່າ ນັບຕັ້ງແຕ່ຈະຫລວດຂົນສົ່ງສິນຄ້າ
ຂອງນາຊາ ຖືກປົດປະຈຳການໃນປີ 2011 ນາຊາ ກໍໄດ້ເຮັດສັນຍາກັບບໍລິສັດ Orbital Science ໃນການສົ່ງມອບອຸປະກອນ
ຕ່າງໆ ຂຶ້ນໄປເທິງສະຖານີອາວະກາດນານາຊາດໄດ້ 8 ຄັ້ງແລ້ວ, ແຕ່ເທື່ອນີ້ພາລະກິດບໍ່ປະສົບຜົນສຳເລັດ ເພາະເກີດເຫດ
ລະເບີດຂຶ້ນກ່ອນ ເຊິ່ງຕອນນີ້ກໍໄວເກີນໄປທີ່ຈະບອກໄດ້ວ່າ ເກີດເຫດການຫຍັງຂຶ້ນກັບຈະຫລວດລຳດັ່ງກ່າວ, ຢ່າງໃດກໍດີ
ທາງບໍລິສັດ Orbital Science ຈະດຳເນີນການສືບສວນຢ່າງລະອຽດ ເພື່ອບໍ່ໃຫ້ເກີດການດັ່ງກ່າວນີ້ ເກີດຂຶ້ນອີກໃນອານາ
ຄົດ.
ກົດທີ່ລິ້ງ ເພື່ອເບິ່ງຄຣິບ http://youtu.be/6-8P902UO2w