ເວັບໄຊ MGR Online ລາຍງານ: ນາວາລ ກຣຸບ (Naval Group) ເຊິ່ງເປັນບໍລິສັດຕໍ່ເຮືອຂອງຝຣັ່ງເສດ ກຽມຈະສົ່ງລາຍລະອຽດ ແລະຂໍ້ສະເໜີທີ່ຜ່ານການຄິດໄລ່ດ້ານຄ່າເສຍຫາຍໄປໃຫ້ອົດສະຕາລີ ເພື່ອຮຽກເງິນຊົດເຊີຍພາຍຫຼັງອົດສະຕາລີຍົກເລີກຂໍ້ຕົກລົງມູນຄ່າ 40 ຕື້ໂດລາສະຫະລັດກ່ອນຈະຫັນໄປເຊັນສັນຍາຂໍ້ຕົກລົງໃໝ່ກັບສະຫະລັດອາເມລະກາ ແລະ ອັງກິດແທນ.
ຊີອີໂອຂອງ ນາວາລ ກຣຸບ ກ່າວວ່າ ອົດສະຕາລີຍົກເລີກສັນຍາໂດຍບໍ່ມີການແຈ້ງການລ່ວງໜ້າໃດໆກັບທາງບໍລິສັດ ພ້ອມຢືນຢັນວ່າຈະມີການຈັດສົ່ງລາຍລະອຽດ ແລະຂໍ້ສະເໜີທີ່ຜ່ານການຄິດໄລ່ແບບປະມານທີ່ພວກເຂົາຄາດຫວັງວ່າທາງການອົດສະຕາລີຕ້ອງໄດ້ຈ່າຍແທນຄ່າເສຍຫາຍສຳລັບການຍົກເລີກຂໍ້ຕົກລົງໃນປີ 2016.
ຢ່າງໃດກໍຕາມ, ທາງການອົດສະຕາລີກໍໄດ້ໂຕ້ແຍ້ງຂໍ້ກ່າວຫາທີ່ທາງຝຣັ່ງເສດອ້າງວ່າ ບໍ່ມີການແຈ້ງລ່ວງໜ້າ ທັງເນັ້ນຢໍ້າວ່າຂໍ້ຕົກລົງດັ່ງກ່າວມີຄວາມຫຼ້າຊ້າແກ່ຍາວມາຫຼາຍປີ ພ້ອມກາຍກຳນົດເວລາແລ້ວ ຂະນະທີ່ອົດສະຕາລີໄດ້ດຳເນີນການທົບທວນສັນຍາດັ່ງກ່າວມາແຕ່ຕົ້ນເດືອນມັງກອນ.