ຈົ່ງ ກົ໋ວຊິງໜຽນ ສື່ຈີນແພ່ພາບ ສາວນ້ອຍອາຍຸ 5 ປີໃນຫູໜານ ອອກມາຊ່ວຍແມ່ຕູ້ອາຍຸ 64 ປີ ເຮັດວຽກເກັບຂີ້ເຫຍື້ອທຸກເຊົ້າວັນພັກຂອງທ້າຍອາທິດຊຶ່ງສາວນ້ອຍບໍ່ຕ້ອງໄປ ໂຮງຮຽນອະນຸບານ
ສື່ຈີນເຜີຍແຜ່ພາບຂອງສາວນ້ອຍ “ເຊີຍ ເໝີ່ຍຫລິງ” ອາຍຸ 5 ປີ ທີ່ອອກມາຊ່ວຍແມ່ຕູ້ “ເຫວີນ ອິງຫລຽນ” ອາຊີພະນັກງານຮັກສາຄວາມສະອາດຂອງຫມູ່ບ້ານຫລີຈື່ຫຍວນ ໃນເມືອງເສົ້າຫຍາງ ມົນທົນຫູໜານ ເຮັດວຽກຕັ້ງແຕ່ເຊົ້າໆ
ເນື່ອງຈາກພໍ່ແມ່ຂອງສາວນ້ອຍ ຕ້ອງຈາກເຮືອນໄປເຮັດວຽກໃນໂຮງງານຕຳແຜ່ນໄກເຖິງເມືອງກວາງເຈົາ (ກ່ວງໂຈ) ມົນທົນກວາງຕຸ້ງ ດົນໆ ຈຶ່ງມີໂອກາດກັບມາ ເຮັດໃຫ້ແມ່ຕູ້ຕ້ອງກາຍເປັນຜູ້ເບິ່ງແຍງສາວນ້ອຍ 5 ປີຊຶ່ງປະຈຸບັນຮຽນຢູ່ໃນຊັ້ນອະນຸບານ ໃນທຸກເຊົ້າຂອງວັນພັກທ້າຍອາທິດ ເມື່ອແມ່ຕູ້ຕ້ອງອອກໄປເຮັດວຽກທຳຄວາມສະອາດ ເກັບຂີ້ເຫຍື້ອ ກວາດຫມູ່ບ້ານ ສາວນ້ອຍຈຶ່ງຮຽນຮູ້ ແລະ ກາຍເປັນຜູ້ຊ່ວຍພາຍໃນເວລາອັນວ່ອງໄວ ໂດຍຈະສັງເກດໄດ້ວ່າສາວນ້ອຍເຮັດວຽກໄດ້ຄ່ອງແຄ້ວ ເຖິງວ່ານາງຈະໂຕນ້ອຍ
