Homeຂ່າວພາຍ​ໃນເຈົ້າໜ້າທີ່ຊີ້ແຈງເຫດຄາຕະກຳຢູ່ໜອງໜ່ຽງອາດເກີດຈາກຂໍ້ຂັດແຍ່ງທາງຜົນປະໂຫຍດ

ເຈົ້າໜ້າທີ່ຊີ້ແຈງເຫດຄາຕະກຳຢູ່ໜອງໜ່ຽງອາດເກີດຈາກຂໍ້ຂັດແຍ່ງທາງຜົນປະໂຫຍດ

Published on

ເຈົ້າໜ້າທີ່ຕຳຫຼວດນະຄອນຫຼວງວຽງຈັນໄດ້ຊີ້ແຈງເຫດການຍິງກັນຢູ່ບ້ານໜອງໜ່ຽງ, ເມືອງໄຊເສດຖາ, ນະຄອນຫຼວງວຽງຈັນ ໃນວັນທີ 29 ສິງຫາຜ່ານມາ ເປັນເຫດເຮັດໃຫ້ຊາຍຄົນໜຶ່ງເສຍຊີວິດຄາທີ່ພາຍໃນລົດເກັງຮຸນໄດສີດຳ ເຊິ່ງຄາດວ່າເຫດຄາຕະກຳດັ່ງກ່າວອາດເກີດຈາກຂໍ້ຂັດແຍ່ງທາງຜົນປະໂຫຍດ ຫຼື ກ່ຽວຂ້ອງກັບສິ່ງຜິດກົດໝາຍ.

ທ່ານ ພັນໂທ ອຸບົນ ຈຸນລະມະນີ, ຮອງຫົວໜ້າກອງບັນຊາການ ປກສ ນະຄອນຫຼວງ ຖະແຫຼງຂ່າວຕໍ່ສື່ມວນຊົນໃນວັນທີ 31 ສິງຫາວ່າ: ເຈົ້າໜ້າທີ່ໄດ້ລົງກວດກາຈຸດເກີດເຫດ ພົບເຫັນລົດຮຸນໄດສີດຳຄັນໜຶ່ງຈອດໄວ້ ສ່ວນແວ່ນລົດດ້ານໜ້າແຕກ ແລະ ມີຮູລູກປືນຈຳນວນຫຼາຍ, ຢູ່ເບາະລົດເບື້ອງຄົນຂັບ ພົບສົບຄົນເສຍຊີວິດ ເຊິ່ງແມ່ນ ທ້າວ ສຸກສາຄອນ ໄຊຍະຈັກ ຫຼື ບັອບບີ້, ອາຍຸ 26 ປີ, ຢູ່ບ້ານໂສກປ່າຫຼວງ, ເມືອງສີສັດຕະນາກ, ນະຄອນຫຼວງວຽງຈັນ ຂະນະທີ່ພາຍໃນລົດກໍມີສິ່ງຜົດກົດໝາຍຫຼາຍຢ່າງເຊັ່ນ ລະເບີດໝາກຂຽບ 1 ໜ່ວຍ, ຢາບ້າ 1 ຖົງນ້ອຍ, ລູກປືນ 26 ລູກ, ປືນສັ້ນພ້ອມລູກປືນຈຳນວນໜຶ່ງ ແລະ ຢາເສບຕິດຜິດກົດໝາຍອື່ນໆນຳອີກ.

“ທ້າວ ສຸກສາຄອນ ເຄີຍກໍ່ເຫດຄາຕະກຳເມຍ ຂອງຕົນເອງ ໃນຊ່ວງເດືອນເມສາຜ່ານມາ ພ້ອມເອົາຕົວຫຼົບໜີ ຈາກການຈັບກຸມເຖິງແມ່ນຈະມີຄຳສັ່ງໝາຍຈັບຈາກອົງການໄອຍະການປະຊາຊົນນະຄອນຫຼວງວຽງຈັນກໍຕາມ ເຊິ່ງການຄາຕະກຳຄັ້ງນີ້ອາດເກີດຈາກຄວາມຂັດແຍ່ງດ້ານຜົນປະໂຫຍດທາງເສດຖະກິດ ຫຼື ເກີດຈາກຄວາມຄຽດແຄ້ນຕ່າງໆ.” ທ່ານ ພັນໂທ ອຸບົນ ຈຸນລະມະນີ ກ່າວ.

ຢ່າງໃດກໍຕາມ, ທ້າວ ສຸກສາຄອນຍັງມີສ່ວນພົວພັນກັບການຊື້-ຂາຍຢາເສບຕິດ ແລະ ອາວຸດເສິກ ພ້ອມກະທຳຜິດຫຼາຍຄັ້ງ ທັງທຳຮ້າຍຮ່າງກາຍຜູ້ອື່ນດ້ວຍຫຼາຍຮູບແບບ, ປັດຈຸບັນທາງເຈົ້າໜ້າທີ່ກຳລັງດຳເນີນການສືບສວນສອບສວນຫາຂໍ້ມູນຫຼັກຖານເພີ່ມເຕີມ.

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...