ສໍານັກຂ່າວ BBC news ລາຍງານວ່າ ເຫດການລະເບີດຢູ່ທີ່ ສະໜາມບິນຄາບູລ ປະເທດອາຟການິດສະຖານ ເກີດຂຶ້ນໃກ້ກັບບໍລິເວນທີ່ປະຊາຊົນ ລວມໂຕກັນຢູ່ເປັນຈໍານວນຫຼາຍ ໂດຍຫວັງວ່າຈະໄດ້ຂຶ້ນເຮືອບິນເພື່ອເດີນທາງອອກນອກປະເທດ.
ເຈົ້າໜ້າທີ່ອະວຸໂສດ້ານສາທາລະນະສຸກໃນນະຄອນຄາບູລ ໄດ້ບອອກວ່າ ເຫດລະເບີດເຮັດໃຫ້ມີຜູ້ເສຍຊີວິດຢ່າງໜ້ອຍ 60 ຄົນ ແລະ ອີກ 140 ຄົນ ແມ່ນໄດ້ຮັບບາດເຈັບ.
ທ້າວ ຈອນ ເຄີບີ ໂຄສົກກະຊວງປ້ອງກັນປະເທດ ຢູ່ທີ່ສະຫະລັດ ຢືນຢັນວ່າ ເຈົ້າໜ້າທີ່ສະຫະລັດ ທີ່ປະຕິບັດວຽກຢູ່ໃນ ອາຟການິດສະຖານ ໂດຍໃນຈໍານວນນີ້ ມີ 11 ຄົນ ແມ່ນທະຫານເຮືອ ແລະ ແພດທະຫານອີກ1 ຄົນ. ເຫດການຄັ້ງນີ້ ນັບເປັນເຫດການນອງເລືອດທີ່ສຸດທີ່ເກີດຂຶ້ນກັບກອງກໍາລັງທະຫານ ໃນອາຟການິດສະຖານ ນັບຕັ້ງແຕ່ປີ 2011 ເຊິ່ງໃນເດືອນສິງຫາປີ 2021 ນີ້ ເຮືອບິນເຮລິຄອບເຕີໄດ້ບັນທຸກກອງກໍາລັງພິເສດຂອງສະຫະລັດ ຖືກນັກຮົບຕາລີບັນຍິງຕົກຈາກພູເຂົາທາງຕາເວັນຕົກສ່ຽງໃຕ້ຂອງນະຄອນຄາບູລ ເຮັດໃຫ້ກອງກໍາລັງສະຫະລັດເສຍຊີວິດ 30 ຄົນ.
ສໍານັກຂ່າວນິສວິກ ຍັງໄດ້ລາຍງານວ່າ ເຮືອບິນກອງທັບອິຕາລີ ຖືກຍິງລະຫວ່າງກໍາລັງຈະຂຶ້ນບິນ ແລະ ບໍ່ພົບວ່າເຮືອບິນໄດ້ຮັບຄວາມເສຍຫາຍ ໂດຍເຮືອບິນລໍາລຽງ C-130 ນັ້ນ ອົບພະຍົບປະຊາຊົນອາຟການິດສະຖານ ຈໍານວນ 100 ຄົນ ອອກໄປ ໃນຂະນະທີ່ກໍາລັງກຽມຂຶ້ນບິນ ກໍໄດ້ຖືກໂຈມດ້ວຍການຍິງອອກມາຈາກສະໜາມບິນ ແຕ່ກໍບໍ່ຮູ້ວ່າເປັນຝ່າຍໃດ ແລະ ສາເຫດຂອງການຍິງໃນຄັ້ງນີ້ແມ່ນຫຍັງ.