ເວັບໄຊ The Sun ລາຍງານ: ນາງ ມຸສຄານ, ອະດີດຕຳຫຼວດຍິງອາຟການິດສະຖານຂະນະນີ້ກຳລັງລີ້ໄພຢູ່ປະເທດອິນເດຍ ໄດ້ເລົ່າເລື່ອງສຸດສະເທືອນໃຈກ່ຽວກັບກຸ່ມຕາລີບານ ໂດຍອ້າງວ່າ ມີສະມາຊິກກຸ່ມຕາລີບານບາງຄົນໄດ້ບຸກເຂົ້າໄປໃນເຮືອນປະຊາຊົນເພື່ອລ່າເຫຍື່ອມາຂົ່ມຂືນ ແມ່ນແຕ່ສົບແມ່ຍິງທີ່ພວກມັນຂ້າຖິ້ມຫຼາຍລາຍກໍຍັງຖືກກະທຳສຳເລົາເພື່ອຕອບສະໜອງຄວາມຕ້ອງການທາງເພດ.
“ຕອນພວກເຮົາຢູ່ອາຟການິດສະຖານແມ່ນຈະຖືກກຸ່ມຕາລີບານສັ່ງຫ້າມຫຼາຍຢ່າງ ເປັນຕົ້ນຫ້າມບໍ່ໃຫ້ໄປເຮັດວຽກ, ຫາກຝ່າຝືນກໍຈະຖືກຂູ່ ຫຼື ຂ້າຖິ້ມ ຮ້າຍແຮງໄປກວ່ານັ້ນ ທະຫານບາງຄົນກໍເຂົ້າໄປຍາດເອົາແມ່ຍິງເຖິງເຮືອນມາຂົ່ມຂືນ ຖ້າໃຜບໍ່ຍິນຍອມກໍຖືກຍິງຖິ້ມແລ້ວລົງມືຂົ່ມຂືນພາຍຫຼັງເສຍຊີວິດໂດຍບໍ່ສົນກັບຄວາມເປັນຄວາມຕາຍຂອງເຫຍື່ອຜູ້ເຄາະຮ້າຍແຕ່ຢ່າງໃດ.” ນາງ ມຸສຄານກ່າວ.
ຢ່າງໃດກໍຕາມ, ແມ່ຍິງ ແລະ ເດັກຍິງໃນອາຟການິດສະຖານຖືກຈັດເປັນກຸ່ມປະຊາກອນທີ່ມີຄວາມສ່ຽງຫຼາຍທີ່ສຸດພາຍໃຕ້ການປົກຄອງຂອງກຸ່ມຕາລີບານໃນຂະນະນະນີ້ ເຖິງແມ່ນກຸ່ມຕາລີບານພະຍາຍາມກ່າວອ້າງວ່າຈະໃຫ້ຄວາມເຄົາລົບແກ່ສິດຂອງແມ່ຍິງກໍຕາມ.