ເວັບໄຊ BBC ລາຍງານສະຖານະການໃນສະໜາມບິນກາບູນ ຂອງອາຟການິດສະຖານຍັງວຸ້ນວາຍສັບສົນ ຍ້ອນປະຊາຊົນຊ່ວງຊິງກັນຂຶ້ນຍົນເພື່ອຈະໄດ້ຍ້າຍໜີອອກນອກປະເທດ ຂະນະເຈົ້າໜ້າທີ່ສະຫະລັດອາເມລິກາພວມເລັ່ງອົບພະຍົບພົນລະເມືອງຂອງຕົນພ້ອມຄູ່ພັນທະມິດກັບປະເທດ.
ເນື່ອງຈາກກຸ່ມຕິດອາວຸດຕາລີບານໄດ້ຄວບຄຸມທາງເຂົ້າສະໜາມບິນ ທັງອະນຸຍາດສະເພາະບຸກຄົນທີ່ມີໜັງສືເດີນທາງສາມາດອອກເດີນທາງໄດ້, ສ່ວນຄົນອາຟການິດສະຖານທີ່ບໍ່ມີເອກະສານເດີນທາງແມ່ນຖືວ່າໝົດສິດ ເຮັດໃຫ້ເກີດຄວາມວຸ້ນວາຍຢູ່ຂ້າງນອກສະໜາມບິນ ເຊິ່ງທາງກອງທັບສະຫະລັດກໍພະຍາຍາມຢ່າງເຕັມທີ່ໃນການຊ່ວຍເຫຼືອ ແລະ ສາມາດອົບພະຍົບຜູ້ຄົນປະມານ 5.000 ຄົນໃນຊ່ວງ 24 ຊົ່ວໂມງຜ່ານມາ.
ກອງທັບສະຫະລັດໄດ້ວາງແຜນອົບພະຍົບຜູ້ຄົນອອກຈາກອາຟການິດສະຖານໃຫ້ໄດ້ 30.000 ພັນກວ່າຄົນພາຍໃນເດືອນນີ້ ທັງຕັ້ງເປົ້າໃນການອົບພະຍົບໃຫ້ໄດ້ປະມານ 5.000 ຄົນຕໍ່ວັນ, ເຊິ່ງປັດຈຸບັນມີທະຫານກອງທັບສະຫະລັດ 4.500 ຄົນປະຈຳການຢູ່ສະໜາມບິນ ແລະຍັງມີທະຫານອີກຫຼາຍຮ້ອຍຄົນກຽມຈະເດີນທາງໄປສົມທົບເພື່ອເຝົ້າລະວັງຄວາມປອດໄພຂອງພົນລະເຮືອນ ຂະນະທີ່ພົນລະເມືອງສະຫະລັດປະມານ 11.000 ຄົນຍັງຕິດຄ້າງຢູ່ອາຟການິດສະຖານ.