ວັນທີ່ຜູ້ຍິງຢາກເປັນຄົົນທີ່ງາມທີ່ສຸດໃນງານກໍຄື ມື້ແຕ່ງດອງ ເມື່ອໃກ້ເຖິງມື້ສຳຄັນສາວໆ ຈຶ່ງພາກັນ ລຸດນ້ຳໜັກ ເຖິງຈະຮູ້ວ່າເປັນເລື່ອງທີ່ຄ່ອນຂ້າງຢາກ ແຕ່ສາວຄົນນີ້ເຮັດໄດ້ ຄິດຕີ້ ໂທມັສ ອາຍຸ 25 ປີ ນາງພະຍາຍາມທີ່ຈະ ລຸດນ້ຳໜັກ ໃຫ້ໄດ້ ເພາະຊຸດແຕ່ງດອງທີ່ນາງໝາຍຕາເອົາໄວ້ ມີຂະໜາດພຽງໄຊ 8 ເທົ່ານັ້ນ ແຕ່ໃນຄວາມເປັນຈິງຊຸດທີ່ນາງໃສ່ໃຫຍ່ເຖິງໄຊ 16 ນີ້ຈຶ່ງເປັນຈຸດເລີ່ມຕົ້ນຂອງການ ລຸດນ້ຳໜັກ
ກ່ອນໜ້ານີ້ນາງບໍ່ເຄີຍມີຄວາມຕັ້ງໃຈທີ່ຈະ ລຸດນ້ຳໜັກ ຈົນກະທັ້ງ ຄິດຕີ້ ໄດ້ເຫັນຊຸດແຕ່ງດອງຊຸດນີ້ ນາງຮູ້ທັນທີເລີຍວ່າຊຸດນີ້ເກີດມາເພື່ອນາງ ນາງຈະບໍ່ປ່ອຍໃຫ້ຄວາມຕຸ້ຍມາເປັນອຸປະສັກໃນການໃສ່ຊຸດແຕ່ງດອງໃນຝັນ ແທນທີ່ນາງຈະຍອມແພ້ ນີ້ກັບກາຍເປັນໂອກາດເທື່ອສຳຄັນໃຫ້ນາງຫັນມາລຸດນ້ຳໜັກ ຢ່າງຈິງຈັງ ຄິດຕີ້ ຮູ້ວ່າເຫດຜົນເທື່ອນີ້ຈະເປັນແຮງຜັກດັນໃຫ້ນາງກັບມາມີຮູບຮ່າງທີ່ດີອີກຄັ້ງ
ຄິດຕີ້ ຢາກມີອາລະບ້ຳຮູບແຕ່ງດອງທີ່ນາງ ພາກພູມໃຈ ແລະ ນາງຮູ້ວ່າສິ່ງດຽວທີ່ຈະເຮັດໃຫ້ເປົ້າໝາຍໃນການ ລຸດນ້ຳໜັກສຳເລັດກໍຄືຊຸດແຕ່ງງານ ເມື່ອ ນາງມີເປົ້າໝາຍການລຸດນ້ຳໜັກ ທີ່ຊັດເຈນ ນີ້ຈຶ່ງເປັນຈຸດເລີ່ມຕົ້ນຂອງການປ່ຽນແປງຄັ້ງຍິ່ງໃຫຍ່ ທັງພຶດຕິກຳການກິນອາຫານ ນາງຢຸດກີນຂະໜົມຕ່າງໆ ແລະ ບໍ່ກິນຂະໜົມປັງອີກເລີຍ ແຕ່ຫັນໄປອອກກຳລັງກາຍ ແລະ ກິນອາຫານທີ່ມີປະໂຫຍດແທນ
ຜົນລັບທີ່ອອກມາມັນກັບຄຸ້ມຄ່າ ແລະ ໜ້າປະທັບໃຈແທ້ໆ ນາງໃຊ້ເວລາພຽງ 9 ເດືອນກໍສາມາດປ່ຽນໄຊຕົວເອງຈາກສາວໄຊສ 16 ກາຍມາເປັນສາວຫຸ່ນພຽວໄຊດສ 8 ກ່ອນໜ້ານີ້ນາງມີນ້ຳໜັກເຖິງ 97 ກິໂລກຣາມ ຕອນນີ້ເຫລືອແຕ່ 62 ກິໂລກຣາມ ນ້ຳໜັກຫາຍໄປເຖິງ 35 ກິໂລ
ສິ່ງທີ່ສຳຄັນທີ່ສຸດ ຄື ນາງສາມາດສວມໃສ່ຊຸດແຕ່ງດອງໃນຝັນໄດ້ຢ່າງພໍດີປານກັບວ່າມັນຕັດມາເພື່ອນາງ ມື້ແຕ່ງງານເປັນວັນທີ່ນາງມີຄວາມສຸກທີ່ສຸດໃນຊີວິດ ແລະ ນາງມີຄວາມສຸກທຸກຄັ້ງທີ່ໄດ້ເບິ່ງຮູບແຕ່ງດອງຂອງຕົວເອງ
