spot_img
Homeຂ່າວຕ່າງປະເທດອິນເດຍເລັ່ງຊ່ວຍເຫຼືອຜູ້ເຄາະຮ້າຍຈາກດິນເຈື່ອນທັບລົດ ພົບ 10 ຄົນເສຍຊີວິດ

ອິນເດຍເລັ່ງຊ່ວຍເຫຼືອຜູ້ເຄາະຮ້າຍຈາກດິນເຈື່ອນທັບລົດ ພົບ 10 ຄົນເສຍຊີວິດ

Published on

Thairath ລາຍງານ: ໃນວັນທີ 11 ສິງຫາຜ່ານມາ, ໄດ້ເກີດເຫດດິນເຈື່ອນທັບເສັ້ນທາງຫຼວງທີ່ເຊື່ອມຜ່ານສາຍພູສູງໃນເມືອງຄິນນໍ, ລັດຫິມາຈັນ ເຊິ່ງຢູ່ທາງພາກເໜືອຂອງປະເທດອິນເດຍ ຂະນະທີ່ມີລົດຫຼາຍຄັນກຳລັງແລ່ນຜ່ານ ເຮັດໃຫ້ຜູ້ເຄາະຮ້າຍຫຼາຍສິບຄົນຖືກຝັງຢູ່ໃຕ້ດິນ ແລະ ອີກ 10 ຄົນພົບເສຍຊີວິດໃນທີ່ເກີດເຫດ.

ທີມງານກູ້ໄພ ລວມທັງເຈົ້າໜ້າທີ່ຕຳຫຼວດປ້ອງກັນຊາຍແດນກຳລັງຮີບຮ້ອນເຂົ້າຊ່ວຍເຫຼືອຜູ້ເຄາະຮ້າຍທີ່ຖືກຝັງຢູ່ໃຕ້ດິນ ແຕ່ການດຳເນີນງານຊໍ້າພັດພົບຄວາມຫຍຸ້ງຍາກ ເນື່ອງຈາກກ້ອນຫີນຍັງຕົກກິ້ງລົງມາຢ່າງຕໍ່ເນື່ອງ, ຂະນະນີ້ທາງເຈົ້າໜ້າທີ່ສາມາດຊ່ວຍເຫຼືອໄດ້ພຽງ 5 ຄົນ ແຕ່ກໍຍັງມີຜູ້ຕິດຄ້າງອີກ 30 ກວ່າຄົນທີ່ຍັງບໍ່ຮູ້ຊາຕາກຳ.

ຢ່າງໃດກໍຕາມ, ໃນຊ່ວງຫຼາຍເດືອນຜ່ານມາ ອິນເດຍໄດ້ປະສົບກັບປັນຫາດິນເຈື່ອນຫຼາຍຄັ້ງ ເຮັດມີຜູ້ເສຍຊີວິດຫຼາຍສິບຄົນ ເນື່ອງຈາກມີຝົນຕົກໜັກຫຼາຍກວ່າປົກກະຕິ ຂະນະທີ່ເດືອນຜ່ານມາກໍມີເຫດການດິນເຈື່ອນທັບລົດຄັນໜຶ່ງໃນລັດຫິມາຈັນ ເຮັດໃຫ້ມີຜູ້ເສຍຊີວິດ 9 ລາຍ, ສ່ວນລັດມະຫາຣັດຖະ ທີ່ຢູ່ພາກຕາເວັນຕົກຂອງອິນເດຍ ກໍເກີດເຫດດິນເຈື່ອນຫຼາຍຄັ້ງ ເຮັດໃຫ້ມີຜູ້ເສຍຊີວິດລວມ 136 ລາຍ.

ບົດຄວາມຫຼ້າສຸດ

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...