ສຳນັກຂ່າວ ຣອຍເຕີໃນກຸງວໍຊິງຕັນ ລາຍງານ: ສະຫະລັດອາເມລິກາໄດ້ເວົ້າເຖິງອັບການິດສະຖານເຊິ່ງກຳລັງຕົກຢູ່ໃນສະຖານະການທີ່ໜ້າເປັນຫ່ວງ ເນື່ອງຈາກການອອກລ່າອານານິຄົມຂອງກຸ່ມຕາລິບັນ ອັນເປັນສັນຍານບົ່ງບອກວ່າ ປະເທດດັ່ງກ່າວອາດກ້າວສູ່ການເກີດສົງຄາມກາງເມືອງຄັ້ງໃໝ່.
ນັບແຕ່ສະຫະລັດປະກາດແຜນຖອນກຳລັງທະຫານອອກຈາກອັບການິດສະຖານ ໂດຍບໍ່ມີເງື່ອນໄຂ ໃນເດືອນກັນຍາຂອງປີກາຍ, ເຮັດໃຫ້ຄວາມຮຸນແຮງພາຍໃນປະເທດເພີ່ມທະວີຂຶ້ນໃນຮອບ 20 ປີ ເນື່ອງຈາກການແຊກແຊງຂອງກຸ່ມຕາລີບັນນັກລ່າອານານິຄົມ ເຖິງແມ່ນຈະມີການເຈລະຈາສັນຕິພາບລະຫວ່າງລັດຖະບານອັບການິດສະຖານ ກັບຜູ້ນຳກຸ່ມຕາລີບັນເມື່ອປີກ່ອນ ແຕ່ກໍບໍ່ມີທ່າທີວ່າສະຖານະການຈະດີຂຶ້ນແຕ່ຢ່າງໃດ.
ສະຫະລັດຍັງໄດ້ປະນາມການໂຈມຕີອົງການສະຫະປະຊາຊາດໃນອັບການິດສະຖານຊ່ວງອາທິດຜ່ານມາ, ຂະນະທີ່ຄະນະເລຂາທິການໃຫຍ່ ສປຊ ຍັງສະແດງຄວາມເປັນຫ່ວງຕໍ່ຄວາມຮຸນແຮງທີ່ເພີ່ມທະວີໃນລະດັບສູງໃນອັບການິດສະຖານ ພາຍຫຼັງການເຂົ້າຮຸກຮານຂອງກຸ່ມຕາລີບັນ.