spot_img
Homeຂ່າວພາຍ​ໃນມື້ນີ້ລາວກວດພົບຜູ້ຕິດເຊື້ອໃນຊຸມຊົນ 6 ຄົນ, ນໍາເຂົ້າ 193 ຄົນ

ມື້ນີ້ລາວກວດພົບຜູ້ຕິດເຊື້ອໃນຊຸມຊົນ 6 ຄົນ, ນໍາເຂົ້າ 193 ຄົນ

Published on

ຄະນະສະເພາະກິດລາຍງານມື້ນີ້ ສປປ ລາວກວດພົບຜູ້ຕິດເຊື້ອໃໝ່ ທັງໝົດເກືອບ 200 ຄົນ, ໃນນັ້ນ ຕິດເຊື້ອໃນຊຸມຊົນ 6 ຄົນ, ໃນຂະນະທີ່ມີຜູ້ເຂົ້າກວດວິເຄາະຫາເຊື້ອທັງໝົດ 2.298 ຄົນ.

ທ່ານ ດຣ.  ສີສະຫວາດ ສຸດທານີລະໄຊ, ຮອງຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກກ່າວໃນໂອກາດຖະແຫຼງຂ່າວມື້ນີ້ວ່າ: ຈໍານວນຜູ້ຕິດເຊື້ອໃນຊຸມຊົນລວມມີ 6 ຄົນ, ໃນນັ້ນ ນະຄອນຫຼວງມີຜູ້ຕິດເຊື້ອໃໝ່ 4 ຄົນ (ເປັນຜູ້ສໍາຜັດໃກ້ຊິດກັບຜູ້ຕິດເຊື້ອຢູ່ເມືອງສັງທອງ), 1 ຄົນກວດພົບຢູ່ແຂວງຫຼວງນໍ້າທາ (ເປັນຄົນສັນຊາດຈີນ ທີ່ເດີນທາງມາຈາກນະຄອນຫຼວງ), ແລະ 1 ຄົນຢູ່ແຂວງຄຳມ່ວນ. ສຳລັບກໍລະນີນໍາເຂົ້າ ມີ 193 ຄົນ ຈາກ ນະຄອນຫຼວງ 7 ຄົນ, ບໍລິຄໍາໄຊ 1, ຄໍາມ່ວນ 15, ສະຫວັນນະເຂດ 111 ຄົນ, ສາລະວັນ 11 ແລະ ຈໍາປາສັກ 48 ຄົນ, ສ່ວນຫຼາຍແມ່ນກວດພົບຈາກແຮງງານລາວທີ່ກັບມາແຕ່ປະເທດເພື່ອນບ້ານເຂົ້າຕາມຈຸດຜ່ານແດນສາກົນ.

ກໍລະນີຕິດເຊື້ອໃນຊຸມຊົນຢູ່ແຂວງຄຳມ່ວນ 1 ຄົນ ແມ່ນເພດຍິງ, ອາຍຸ 23 ປີ, ບ້ານສຸກສະຫວັນ, ເມືອງທ່າແຂກ, ແຂວງຄຳມ່ວນ, ອາຊີບເສີບອາຫານ ຢູ່ຮ້ານອາຫານທີ່ສາມຫຼ່ຽມຄຳ, ເມືອງຕົ້ນເຜິ້ງ,​ ແຂວງບໍ່ແກ້ວ.

ປະຫວັດການເຄື່ອນໄຫວ:

  • ວັນທີ 7-11 ກໍລະກົດ 2021 ຜູ້ກ່ຽວຖືກຈຳກັດບໍລິເວນຢູ່ສູນ ທີ່ເມືອງຕົ້ນເຜິ້ງ, ແຂວງບໍ່ແກ້ວ,​ ຜົນກວດອອກມາ ບໍ່ພົບເຊື້ອໂຄວິດ-19​.
  • ວັນທີ 11 ກໍລະກົດ 2021 ເໝົາລົດຕູ້ ເດີນທາງມານະຄອນຫຼວງວຽງຈັນ ພ້ອມກັບໝູ່ 15 ຄົນ.
  • ວັນທີ 12 ກໍລະກົດ 2021​ ເດີນທາງມາຮອດນະຄອນຫຼວງວຽງຈັນ ແລະ ຈ້າງລົດຕຸກໆ ໄປຄິວລົດສາຍໃຕ້ ເລກທີ 13 ພ້ອມໝູ່ 3 ຄົນ (ບໍລິຄຳໄຊ 2 ຄົນ ແລະ ຄຳມ່ວນ 1 ຄົນ). ຫຼັງຈາກນັ້ນ ພວກກ່ຽວ ເດີນທາງຂຶ້ນລົດໂດຍສານ ສາຍນະຄອນຫຼວງວຽງຈັນ-ປາກເຊ ຈອດລົງບ້ານສາຍພາຍ, ເມືອງທ່າພະບາດ, ແຂວງບໍລິຄຳໄຊ.
  • ສະຖານທີ່ ທີ່ຜູ້ກ່ຽວເດີນທາງໄປ ຢູ່ເມືອງທ່າແຂກ, ແຂວງຄຳມ່ວນ:
  • ບ້ານສຸກສະຫວັນ (ວັນທີ 12 ກໍລະກົດ 2021)
  • ຕະຫຼາດຫຼັກ 2 (ວັນທີ 14 ກໍລະກົດ 2021)
  • ວັນທີ 26 ກໍລະກົດ 2021 ໄດ້ຮັບລາຍງານວ່າ ຜູ້ກ່ຽວເປັນຜູ້ສຳຜັດໃກ້ຊິດ ກັບຜູ້ຕິດເຊື້ອ ທີ່ເປັນເພດຍິງ, ອາຍຸ 24 ປີ ຢູ່ບ້ານສາຍພາຍ, ເມືອງທ່າພະບາດ, ແຂວງບໍລິຄຳໄຊ ເຊິ່ງເດີນທາງມານຳກັນແຕ່ເມືອງຕົ້ນເຜິ້ງ,​ ແຂວງບໍ່ແກ້ວ.

ປັດຈຸບັນ, ສປປ ລາວມີຕົວເລກຜູ້ຕິດເຊື້ອສະສົມທັງໝົດ 6.765 ຄົນ, ຄົນເຈັບເສຍຊີວິດສະສົມ 7 ຄົນ (ໃໝ່ 0) ແລະ ກໍາລັງປິ່ນປົວ ທັງໝົດ 3.180 ຄົນ.

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...