ສະຫະລັດອາເມຣິກາຈະບໍລິຈາກວັກຊີນໂຄວິດ-19 ຈຳນວນ 2.5 ລ້ານໂດສ ຊ່ວຍເຫຼືອປະເທດໄທ.
ສຳນກຂ່າວ ອຳມະລິນທີວີ (AMARINTV) ລາຍງານ: ທ່ານ ພັນໂທ ລັດດາ ແທມມີ່ ດັກເວີ້ ສະມາຊິກສະພາ ຄົນອາເມຣິກາເຊືອສາຍໄທ ຈາກລັດອິລິນອຍ (lllinois) ເປີດເຜີຍກັບສື່ມວນຊົນອາເມຣິກາວ່າ: ສະຫະລັດອາເມລິກາ ກຽມສົ່ງວັກຊີນໂຄວິດ-19 ຊ່ວຍເຫຼືອໄທ 2.5 ລ້ານ ໂດຍຈະຈັດສົ່ງວັກຊີນຊຸດທຳອິດປະມານ 1.5 ລ້ານໂດສ.
ພ້ອມທັງກ່າວວ່າ: ການລະບາດ ຂອງພະຍາດ ບໍ່ຈຳກັດພົບແດນ ຖ້າເກີດມີການລະບາດຢູ່ຂົງເຂດໃດໜຶ່ງ ອີກຂົງເຂດໜຶ່ງກໍຈະບໍ່ປອດໄພ ເຊິ່ງວັກຊີນທີ່ຈະຈັດສົ່ງ 1.5 ລ້ານ ໂດສ ທີ່ຈະສົ່ງທຳອິດ ແມ່ນວັກຊີນຊະນິດໄຟເຊີ້ (Pfizer)ສ່ວນວັກຊີນທີ່ຈະຈັດສົ່ງຕາມຫຼັງແມ່ນຍັງບໍ່ທັນຢືນຢັນຊະນິດ ຂອງວັກຊີນເທື່ອ.
ພ້ອມຍັງກ່າວຕື່ມອີກວ່າ: ຕົນຮູ້ສຶກດີໃຈ ທີ່ລັດຖະບານສະຫະລັດ ມີຄວາມມຸ້ງໝັ່ນ ໃນການສົ່ງວັກຊີນໃຫ້ປະເທດໄທ ເພື່ອຊ່ວຍໃຫ້ປະຊາຊົນໄທເອົາຊະນະພະຍາດໂຄວິດ-19 ໃນຊວ່ງໄລຍະການລະບາດ ຂອງເຊື້ອໄວຣັສສາຍພັນເດວຕ້າ ກໍາລັງເພີ່ມຂຶ້ນໃນທົ່ວໂລກ ເຊິ່ງການບໍລິຈາກວັກຊີນ ຂອງສະຫະລັດ ແມ່ນບໍ່ມີເງື່ອນໄຂໃດໆ.