ແຫຼ່ງຂ່າວ NBC ລາຍງານ: ເຈົ້າຄອງນະຄອນນິວຢອກຍິນດີຈ່າຍ 100 ໂດລາສະຫະລັດ/ຄົນ ໃຫ້ແກ່ປະຊາຊົນຜູ້ເຂົ້າສັກວັກຊິນ ເພື່ອສ້າງແຮງຈູງໃຈໃຫ້ພົນລະເມືອງຂອງຕົນໄດ້ຮັບວັກຊິນຫຼາຍຂຶ້ນ.
ທ່ານ ບິນ ເດິ ບລາຊີໂອ, ເຈົ້າຄອງນະຄອນນິວຢອກ ໄດ້ນຳສະເໜີສິ່ງຈູງໃຈໃຫ້ພົນລະເມືອງຂອງຕົນເຂົ້າສັກວັກຊິນປ້ອງກັນພະຍາດໂຄວິດ-19 ດ້ວຍເງິນສົດຈຳນວນ 100 ໂດລາສະຫະລັດ/ຄົນ, ຂະນະທີ່ຈຳນວນປະຊາກອນພາຍໃນເມືອງດັ່ງກ່າວໄດ້ຮັບການສີດວັກຊິນເຂັມທີໜຶ່ງກວມ 59% ແລ້ວ.
ການມອບເງິນລາງວັນຈູງໃຈຈະເລີ່ມແຕ່ວັນທີ 30 ກໍລະກົດເປັນຕົ້ນໄປ ສຳລັບປະຊາຊົນ ລວມທັງພະນັກງານ ທີ່ນັດໝາຍເຂົ້າຮັບວັກຊິນຕາມສະຖານທີ່ຕ່າງໆທີ່ທ່າງການກຳນົດໄວ້ໃນນະຄອນນິວຢອກ, ເຊິ່ງຜູ້ສີດວັກຊິນເຂັມທີໜຶ່ງ ແມ່ນຈະໄດ້ຮັບບັດເດບິດແບບຊຳລະເງິນລ່ວງໜ້າທາງໄປສະນີ ຫຼື ໄດ້ຮັບບັດດີຈິຕອນທາງອີເມວໃນທັນທີ ສ່ວນຜູ້ທີ່ໄດ້ຮັບວັກຊິນຄົົບສອງເຂັມແລ້ວກ່ອນໜ້ານີ້ແມ່ນບໍ່ໄດ້ຮັບເງິນຈູງໃຈດັ່ງກ່າວ.