spot_img
Homeຂ່າວພາຍ​ໃນບຸນມະໂຫລານກາເຟລາວຄັ້ງທີ I ໄຂຂຶ້ນທີ່ແຂວງຈຳປາສັກ

ບຸນມະໂຫລານກາເຟລາວຄັ້ງທີ I ໄຂຂຶ້ນທີ່ແຂວງຈຳປາສັກ

Published on

1st coffe festival

 

ງານບຸນມະໂຫລານກາເຟລາວຄັ້ງທີ I ໄດ້ໄຂຂຶ້ນໃນວັນທີ 24 ຕຸລານີ້, ຢູ່ເມືອງປາກເຊ ແຂວງຈຳປາສັກ ໂດຍການເຂົ້າ

ຮ່ວມ ແລະ ລັ່ນຄ້ອງ 9 ບາດເປີດງານຂອງ ທ່ານ ສົມ​ສະຫວາດ ເລັ່ງສະຫວັດ ຮອງນາຍົກລັດຖະມົນຕີ, ມີທ່ານ ດຣ ບຸນ

​ຖອງ ດີ​ວິ​ໄຊ ​ເຈົ້າແຂວງໆຈຳປາສັກ, ບັນດາລັດຖະມົນຕີ, ທູຕານຸທູດ, ອົງການຈັດຕັ້ງສາກົນປະຈຳລາວ, ຜູ້ປະກອບ

ການທຸລະກິດ ກາເຟ ແລະ ມວນຊົນເຂົ້າຮ່ວມຢ່າງຫລວງຫລາຍ.

 

ທ່ານຮອງນາຍົກລັດຖະມົນຕີ ສົມ​ສະຫວາດ ​ເລັ່ງສະຫວັດ ​ກ່າວວ່າ: ຕາງໜ້າລັດຖະບານຂໍ​​ສະ​ແດງ​ຄວາມ​ຊົມ​ເຊີຍ​ຕໍ່

ບັນດາ​ນັກທຸ​ລະ​ກິດ, ຜູ້​ຜະລິດ, ຜູ້​ປຸງ​ແຕ່ງ, ບັນດາ​ສະມາຄົມ, ກຸ່ມ ​ແລະ ສະຫະກອນ​ຕ່າງໆ​ທີ່​ໄດ້​ສຸມ​ທຶນຮອນ ແລະ

ຄວາມ​ພະຍາຍາມ​ເຂົ້າ​ໃສ່​ການ​ພັດທະນາ​ກ​າ​ເຟລາວ​ໃນ​ໄລຍະ​ຜ່ານ​ມາ ແລະ ຂໍ​ໃຫ້​ບັນດາ​ຜູ້​ປະກອບ​ການ​ກໍ​ຄື​​ຜູ້​ຜະລິດ​

ກາ​ເຟ ຈົ່ງເອົາ​ໃຈ​ໃສ່​ພັດທະນາ​ການ​ປູກກາເຟໃຫ້​ມີ​ຄຸນ​ນະພາ​ບດີຂຶ້ນກວ່າເກົ່າ, ປັບປຸງ​ການ​ຕະຫລາດ​ໃຫ້​ໝັ້ນ​ທ່ຽງ,

ເພີ່ມ​ທະວີ​ການ​ຄົ້ນຄວ້າ ​ແລະ ພັດທະນາດ້ານ​ວິຊາ​ການ​ເພື່ອ​ເຮັດ​ໃຫ້ກາ​ເຟລາວ​ມີ​ຄຸນ​ນະພາ​ບສູງ​ເປັນ​ທີ່​ນິຍົມ​​ຂອງ​

ຜູ້​ບໍລິ​ໂພ​ກທັງ​ພາຍ​ໃນ ແລະ ຕ່າງ ປະ​ເທດ, ສ້າງ​ຄວາມ​ເຂັ້ມ​ແຂງ​ເພື່ອ​ຍົກ​ສູງ​ຄຸນ​ນະພາ​ບທາງ​ດ້ານ​ການ​ບໍລິການ

ແລະ ຊຸກຍູ້​ການ​ຜະລິດ​ກາ​ເຟ​ໃຫ້​ມີ​ຄວາ​ມກ້າວໜ້າ ​ແລະ ຄົ້ນຄວ້າ​ຮູບ​ແບບ​ການ​ຈັດຕັ້ງ​ການ​ຜະລິດ​ທີ່​ແທດ​ເໝາະ

ແລະ ສ້າງ​ຍີ່​ຫໍ້​ກາ​ເຟລາວ ເພື່ອກຽມ​ຄວາມ​ພ້ອມ​ດ້ານ​ຕ່າງໆ ເພື່ອສາມາດແຂງ່ຂັນໃນຕະຫຼາດກາເຟໂລກກໍຄືພາກ

ພື້ນ, ນອກຈາກນີ້,​ ກະຊວງ​ກະສິກຳ​-ປ່າ​ໄມ້, ກະຊວງ​ອຸດສາຫະກຳ ​ແລະ ການ​ຄ້າ ຕ້ອງ​ເປ​ັນ​ໃຈກາງ​ປະສານ​ສົມທົບ​

ກັບ​ບັນດາ​ຂະ​ແໜງ​ການກ່ຽວຂ້ອງເພື່ອຄົ້ນຄວ້າ ແລະ ນຳ​ສະ​ເໜີ​ລັດຖະບານເພື່ອປະກາດ​ໃຊ້​ບັນດາ​ນະ​ໂຍບາຍ, ນິ

ຕິ​ກຳເພື່ອ​ສ້າງ​ສະພາບ​ແວດລ້ອມ​ອຳນວຍ​ໃຫ້​ຜູ້​ຜະ​ລິດ​ກໍ​ຄື​ຜູ້​ປະກອບ​ການ​ໃນ​ຂົງ​ເຂດ​ກາ​ເຟດີກວ່າເກົ່າ.

 

ທ່ານ​ເຈົ້າ​ແຂວງໆ​ຈຳປາ​ສັກ ດຣ ບຸນ​ຖອງ ດີ​ວິ​ໄຊ ກ່າວວ່າ: ງານດັ່ງກ່າວນີ້, ແມ່ນເປັນການໂຄສະນາເຜີຍແຜ່ແຜນ

ຍຸດທະສາດການສົ່ງເສີມກາເຟລາວຮອດປີ 2025 ແລະ ເຜີຍແຜ່ຊື່ສຽງຂອງກາເຟລາວອອກສູ່ເວທີສາກົນທັງເປັນ

ການໂຄສະ ນາຕົ້ນ ກຳເນີດຂອງກາເຟລາວຢູ່ເຂດພູພຽງບໍລະເວນຂອງແຂວງພາກໃຕ້ຄືຈຳປາສັກ, ສາລະວັນ ແລະ

ເຊກອງໃຫ້ຕ່າງປະ ເທດໄດ້ຮັບຮູ້, ເປັນການສົ່ງເສີມການດື່ມກາເຟລາວ ແລະ ສ້າງ ທັດສະນະຄະຕິໃຫ້ຄົນລາວຫັນ

ມານິຍົມດື່ມກາເຟລາວຫລາຍຂຶ້ນ, ເປັນເວທີພົບປະແລກປ່ຽນຂໍ້ມູນກ່ຽວກັບການພັດທະນາການຜະລິດ ແລະ

ດ້ານການຕະຫລາດຂອງບັນດາຜູ້ປະກອບການທຸລະກິດກາເຟ ທັງພາຍໃນ ແລະ ຕ່າງປະເທດ, ນອກຈາກນີ້, ໄດ້ມີ

ກິດຈະກຳອື່ນໆເຊັ່ນ: ງານວາງສະແດງຜະລິດຕະພັນກາເຟ ຂອງບັນດາສະມາຊິກສະມາຄົມກາເຟລາວ ແລະ ຕ່າງ

ປະເທດ, ວາງສະ​ແດງ ​ແລະ ຈຳ​ໜ່າຍສິນຄ້າ​ອຸດສາຫະກຳ, ກະສິກຳ, ຫັດຖະກຳເຊິ່ງມີ​ທັງ​ໝົດ 178 ຮ້ານ.

 

ແຫລ່ງຂ່າວ: ລາວພັດທະນາ

 

ບົດຄວາມຫຼ້າສຸດ

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...