spot_img
Homeຂ່າວຕ່າງປະເທດລຸງບໍ່ມີບ້ານ ລົ້ມເສຍຊີວິດກາງທາງ ຖ້າເຈົ້າໜ້າທີ່ມາມ້ຽນສົບດົນກວ່າ 6 ຊົ່ວໂມງ

ລຸງບໍ່ມີບ້ານ ລົ້ມເສຍຊີວິດກາງທາງ ຖ້າເຈົ້າໜ້າທີ່ມາມ້ຽນສົບດົນກວ່າ 6 ຊົ່ວໂມງ

Published on

ຕາມການລາຍງານຂອງ ສຳນັກຂ່າວ Thairath ປະເທດໄທ ໃຫ້ຮູ້ວ່າ: ລຸງບໍ່ມີບ້ານ ຕິດໂຄວິດ ເສຍຊີວິດກາງຊອຍບ້ານພານະຖົມ ເຂດວັດບໍວອນ ກຸງເທບມະຫານະຄອນ ປະເທດໄທ, ຜູ້ເສຍຊີວິດ ອາຍຸປະມານ 40-50 ປີ ບໍ່ມີເອກະສານໃດໆຕິດໂຕ ບໍ່ມີຮອງຮອຍບາດເຈັບ ຫຼື ຖືກທຳຮ້າຍຮ່າງກາຍ.

ຈາກການກວດສອບເບື້ອງຕົ້ນໃຫ້ຮູ້ວ່າ: ປະມານ 10 ໂມງເຊົ້າ ຂອງວັນທີ 20 ກໍລະກົດ 2021, ຜູ້ເສຍຊີວິດໄດ້ຍ່າງອອກມາຖະໜົນ ແລ້ວກໍລົ້ມລົງ ແຕ່ບໍ່ມີໃຜກ້າເຂົ້າໄປຊ່ວຍ ເນື່ອງຈາກ ປະຊາຊົນເຂດນັ້ນ ຮູ້ວ່າຜູ້ຕາຍບໍ່ມີບ້ານ ແລະ ຕິດໂຄວິດ-19 ຈຶ່ງໄດ້ແຈ້ງຕໍ່ທາງເຈົ້າໜ້າທີ່ໃຫ້ເຂົ້າມາຊ່ວຍເຫຼືອ ຈົນຮອດ 14:00 ໂມງ ເຈົ້າໜ້າທີ່ກູ້ໃສ່ຊຸດປ້ອງກັນ ເພື່ອມາຊ່ວຍໃຫ້ອົກຊີແຊນ ຈົນເວລາ 16:00 ຜູ້ປ່ວຍກໍໄດ້ເສຍຊີວິດ. ຈາກນັ້ນ ປະຊາຊົນເຂດນັ້ນກໍໄດ້ແຈ້ງຕໍ່ຫຼາຍໜ່ວຍງານ ແຕ່ບໍ່ມີໜ່ວຍງານໃດເຂົ້າມາມ້ຽນສົບເທື່ອ ເຖິງແມ່ນວ່າ ເວລາຈະຜ່ານໄປດົນແລ້ວ.

ຈົນມາຮອດ 21:00 ເຈົ້າໜ້າທີ່ຈຶ່ງມາກວດສອບ ແລະ ມ້ຽນສົບຜູ້ເສຍຊີວິດ ເນື່ອງຈາກເປັນກຸ່ມສ່ຽງຕິດເຊື້ອໂຄວິດ-19 ຈຶ່ງຕ້ອງລະມັດລະວັງ, ສ່ວນສາເຫດ ທີ່ໃຊ້ເວລາດົນໃນການມາເກັບມ້ຽນສົບ ກໍເພາະເຈົ້າໜ້າທີ່ ແລະ ລົດ ທີ່ເຄື່ອນຍ້າຍສົບທີ່ເປັນກຸ່ມສ່ຽງມີບໍ່ພຽງພໍ.

ຫຼັງຈາກມ້ຽນສົບແລ້ວ, ສົບຈະຖືກນຳໄປສັນນະສູດຫາສາເຫດຂອງການເສຍຊີວິດ ແລະ ກວດຫາຕົວບຸກຄົນ ເພື່ອປະກາດຫາຍາດພີ່ນ້ອງໃຫ້ນຳສົບໄປປະກອບພິທີທາງສາສາໜາຕໍ່ໄປ.

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...