ຕາມ ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ 1623 ລາຍງານ ໃຫ້ຮູ້ວ່າ ຕອນແລງວັນທີ 14 ກໍລະກົດ 2021, ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ 1623 ໄດ້ນຳສົ່ງຜູ້ເສຍຊີວິດຈາກພະຍາດໂຄວິດ-19 ລາຍທີ 4 ເຊິ່ງຜູ້ເສຍຊີວິດເປັນເພດຊາຍ ອາຍຸ 67 ປີ ບ້ານໂນນສະອາດ ເມືອງ ໄຊທານີ ນະຄອນຫຼວງວຽງຈັນ ເຂົ້າຮັບການປິ່ນປົວແຕ່ວັນທີ 28 ມິຖຸນາ 2021.

ຂໍສະແດງຄວາມເສຍໃຈກັບຄອບຄົວຂອງຜູ້ເສຍຊີວິດ ແລະ ຂໍໃຫ້ດວງວິນຍານຂອງເພິ່ນໄປສູ່ສຸຂະຕິ.

ອີງຕາມການຖະແຫຼງຂ່າວ ຂອງຄະນະສະເພາະກິດມ ປະຈຳວັນທີ 15 ກໍລະກົດ 2021,ມີຕົວເລກຜູ້ຕິດເຊື້ອໂຄວິດ-19 ສະສົມທັງໝົດ 3,092 ຄົນ, ເສຍຊີວິດສະສົມ 4 ຄົນ ( ເສຍຊີວິດໃໝ່ 1 ເປັນເພດຊາຍ, ອາຍຸ 67 ປີ, ມີພະຍາດປະຈຳໂຕ ໝາກໄຂຫຼັງ) ແລະ ກໍາລັງປິ່ນປົວ ທັງໝົດ 708 ຄົນ.