spot_img
Homeຂ່າວຕ່າງປະເທດບຸກຄະລາກອນແພດໄທຕິດໂຄວິດ 800 ກວ່າ ເສຍຊີວິດ 7 ຄົນ

ບຸກຄະລາກອນແພດໄທຕິດໂຄວິດ 800 ກວ່າ ເສຍຊີວິດ 7 ຄົນ

Published on

ເຈົ້າໜ້າທີ່ກະຊວງສາທາລະນະສຸກໄທລາຍງານວ່າ: ປັດຈຸບັນບຸກຄະລາກອນທາງການແພດທົ່ວປະເທດຕິດເຊື້ອໂຄວິດ-19 ສະສົມແລ້ວ 880 ຄົນ, ໃນນັ້ນເສຍຊີວິດ 7 ລາຍ ເຊິ່ງ 5 ລາຍຂອງກຸ່ມເສຍຊີວິດແມ່ນບໍ່ໄດ້ຮັບການສີດວັກຊິນ, ສ່ວນ 1 ລາຍແມ່ນຮັບວັກຊິນຊີໂນແວັກ 1 ເຂັມ ແລະ ອີກ 1 ລາຍຮັບຊີໂນແວັກຄົບ 2 ເຂັມ.

ທ່ານ ໂສພົນ ອຽມສີຣິຖາວອນ, ຮອງຫົວໜ້າກົມຄວບຄຸມໂຣກ, ກະຊວງສາທາລະນະສຸກໄທ ເປີດເຜີຍວ່າ ເນື່ອງຈາກສະພາບການແຜ່ລະບາດຂອງພະຍາດໂຄວິດ-19 ຮອບໃໝ່ໃນຊ່ວງເດືອນເມສາ ຈົນຮອດປັດຈຸບັນ ມີລາຍງານຜູ້ຕິດເຊື້ອໂຄວິດໃນກຸ່ມບຸກຄະລາກອນທາງການແພດແລ້ວ 880 ລາຍ, ໃນນັ້ນ 173 ລາຍຍັງບໍ່ໄດ້ຮັບການສີດວັກຊິນປ້ອງກັນໂຄວິດ, ສ່ວນໃຫຍ່ແມ່ນບຸກຄະລາກອນແພດຍິງ ກວມ 54% ມີທັງພະຍາບານ, ຜູ້ຊ່ວຍພະຍາບານ, ຮອງລົງມາກໍແມ່ນບຸກຄະລາກອນທີ່ເຮັດວຽກກ່ຽວຂ້ອງກັບການດູແລຜູ້ປ່ວຍໂຄວິດ ທີ່ມີອາຍຸລະຫວ່າງ 20-29 ປີ ແລະ 30-39 ປີ.

ປັດຈຸບັນ, ບຸກຄະລາກອນທາງການແພດໄທໄດ້ຮັບວັກຊິນແລ້ວ 7 ແສນຄົນ ລວມມີວັກຊິນຊີໂນແວັກ ແລະ ແອສຕຣ້າເຊເນກ້າ, ແຕ່ກໍຍັງມີທີມງານແພດຫຼາຍຮ້ອຍຄົນຕິດເຊື້ອໂຄວິດ-19. ຢ່າງໃດກໍຕາມ, ເຈົ້າໜ້າທີ່ຢືນຢັນວ່າ ຄົນທີ່ສີດວັກຊິນແມ່ນມີໂອກາດເຈັບປ່ວຍຮຸນແຮງໜ້ອຍກວ່າຄົນທີ່ບໍ່ໄດ້ຮັບວັກຊິນ.

ເນື່ອງຈາກມີການປ່ຽນແປງຂອງສາຍພັນເດລຕ້າໃນຊ່ວງເດືອນຜ່ານມາ ເຮັດໃຫ້ຄຸນນະພາບໃນການປ້ອງກັນພະຍາດຂອງວັກຊິນຊີໂນແວັກ ອາດຫຼຸດລົງ ເຊິ່ງທາງເຈົ້າໜ້າທີ່ກ່ຽວຂ້ອງກຳລັງພິຈາລະນາສີດວັກຊິນແອສຕຣ້າເຊເນກ້າ ເປັນເຂັມທີສາມໃຫ້ແກ່ບຸກຄະລາກອນການແພດທີ່ນອນຢູ່ໃນກຸ່ມສ່ຽງ ເພື່ອກະຕຸ້ນພູມຄຸ້ມກັນໃຫ້ສູງຂຶ້ນ ສ່ວນການສີດໄຟເຊີ ແມ່ນຍັງຕ້ອງລໍຖ້າຕື່ມໄລຍະໜຶ່ງ.

ຂໍ້ມູນຈາກ: PPTV

ບົດຄວາມຫຼ້າສຸດ

ຝູງສິງໂຕລຸມກັດກິນເຈົ້າໜ້າທີ່ສວນສັດຈົນເສຍຊີວິດ ຂະນະທີ່ເພື່ອນຮ່ວມງານເປີດເຜີຍຜູ້ເສຍຊີວິດບໍ່ເຄີຍລະເມີດກົດລະບຽບມາກ່ອນ

ສະຫຼົດ! ຝູງໂຕສິງລຸມກັດກິນເຈົ້າໜ້າທີ່ສວນສັດຈົນເສຍຊີວິດ ທີ່ສວນສັດແຫ່ງໜຶ່ງໃນກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານ ວັນທີ 10 ກັນຍາ 2025 ຜ່ານມາ, ກ່ຽວກັບເຫດການສຸດສະຫຼົດ ເມື່ອເຈົ້າທີ່ດູແລສວນສັດ ຖືກຝູງໂຕສິງລຸມກັດກິນ ຢູ່ສວນສັດຊາຟາລີເວີດ ໃນກຸງເທບມະຫານະຄອນ...

ສະຫະລັດເດືອດ! ຊາລີ ເຄິກ ນັກເຄື່ອນໄຫວຜູ້ສະໜັບສະໜູນ ທຣຳ ຜູ້ນຳສະຫະລັດ ຖືກລັກລອບຍິງເສຍຊີວິດ

ຊາລີ ເຄິກ ນັກເຄື່ອນໄຫວຜູ້ສະໜັບສະໜູນ ທຣຳ ຜູ້ນຳສະຫະລັດ ຖືກລັກລອບຍິງເສຍຊີວິດ ໃນຂະນະຮ່ວມງານໃນມະຫາວິທະຍາໄລ ຍູທາ. ສຳນັກຂ່າວ ບີບີຊີ ລາຍງານ ໃນວັນທີ 11 ກັນຍາ 2025...

ລາວກຽມພ້ອມພັດທະນາ ແບບຈຳລອງປັນຍາປະດິດ ເພື່ອໃຫ້ AI ປະມວນຜົນພາສາລາວໄດ້ຢ່າງຖືກຕ້ອງ

ເພື່ອພັດທະນາກໍ່ສ້າງແບບຈໍາລອງປັນຍາປະດິດຂະໜາດໃຫຍ່ ສໍາລັບ ສປປ ລາວ ແລະ ກໍ່ສ້າງຖານຂໍ້ມູນພາສາລາວໃຫ້ຄົບຖ້ວນ, ຖືກຕ້ອງ, ຊັດເຈນ ແລະ ສາມາດນໍາໃຊ້ເປັນພື້ນຖານສໍາລັບ AI ແລະ ການນໍາໃຊ້ດີຈີຕອນໃນ ສປປ...

ສຶກສາອົບຮົມສາວບໍລິການ ແລະ ເຈົ້າຂອງຮ້ານ ຢູ່ ເມືອງສີໂຄດຕະບອງ ແລະ ເມືອງນາຊາຍທອງ ນະຄອນຫຼວງວຽງຈັນ

ເຈົ້າໜ້າທີ່ລົງກວດກາສຶກສາອົບຮົມສາວບໍລິການ 33 ຄົນ ແລະ ເຈົ້າຂອງຮ້ານ 04 ຄົນ ຢູ່ ບ້ານໜອງແຕ່ງເໜືອ, ບ້ານວຽງຄຳ, ບ້ານດົງນາໂຊກ, ເມືອງສີໂຄດຕະບອງ ແລະ ບ້ານກາງແສນ,...