spot_img
Homeຂ່າວຕ່າງປະເທດໄທອະນຸຍາດໃຫ້ນັກທ່ອງທ່ຽວຕ່າງຊາດເຂົ້າປະເທດໄດ້ໂດຍບໍ່ຕ້ອງກັກໂຕ 14 ມື້

ໄທອະນຸຍາດໃຫ້ນັກທ່ອງທ່ຽວຕ່າງຊາດເຂົ້າປະເທດໄດ້ໂດຍບໍ່ຕ້ອງກັກໂຕ 14 ມື້

Published on

ວັນທີ 1 ກໍລະກົດ ປີ 2021 ຢູ່ທີ່ປະເທດໄທ ແຂວງພູເກັດ ໄດ້ເປີດຖ້ຽວບິນໃຫ້ນັກທ່ອງທ່ຽວຕ່າງຊາດ ເຂົ້າມາປະເທດໄດ້ ໂດຍບໍ່ຕ້ອງກັກໂຕ 14 ມື້, ເຊິ່ງເປັນໂຄງການທີ່ມີຊື່ວ່າ Phuket sandbox (ພູເກັດແຊນບ໋ອກ) ແມ່ນແຜນຟື້ນຟູການທ່ອງທ່ຽວໃນປະເທດ ທີ່ອະນຸຍາດໃຫ້ນັກເດີນທາງຕ່າງຊາດທີ່ໄດ້ຮັບວັກຊີນຄົບໂດສແລ້ວ ສາມາດເຂົ້າປະເທດໄທໄດ້ໂດຍບໍ່ຕ້ອງກັກໂຕ.

ພາບຈາກສະໜາມບິນ phuket international airport

ເຊິ່ງຖ້ຽວບິນທໍາອິດ ແມ່ນມີນັກທ່ອງທ່ຽວຈາກຫຼາກຫຼາຍປະເທດເຊັ່ນ ປະເທດອິດສະລະແອນ, ປະເທດສະຫະລັດເອມິເຣດ ແລະ ປະເທດກາຕາ. ມີຈໍານວນທັງໝົດ 249 ຄົນ.

ມາດຕະການແນວທາງປະຕິບັດຂອງນັກທ່ອງທ່ຽວກ່ອນເດີນທາງເຂົ້າມີຄື:

1. ໃຫ້ຫຼີກລ່ຽງພື້ນທີ່ສ່ຽງ ຫຼື ສະຖານທີ່ຄົນເຕົ້າໂຮມຈໍານວນຫຼາຍ ຢ່າງໜ້ອຍ 14 ມື້.

2. ຜູ້ທີ່ເດີນທາງເຂົ້າປະເທດຈະຕ້ອງລົງທະບຽນຢູ່ທີ່ເວັບໄຊ້ທີ່ລາດຊະການກໍານົດ.

3. ໃຫ້ຄັດກອງອາການທາງເດີນຫາຍໃຈ ແລະ ກວດອຸນຫະພູມ ທີ່ທາງເຂົ້າ-ອອກລະຫວ່າງປະເທດ.

ມາດຕະການເມື່ອເດີນທາງມາຮອດ

1. ກວດອາການ ແລະ ດໍາເນີນການກວດຄົນເຂົ້າເມືອງ.

2. ໃຫ້ໃຊ້ລະບົບຕິດຕາມ ຫຼື ຕິດຕັ້ງແອບພິເຄຊັ່ນຕາມທີ່ທາງລາດຊະການກໍານົດ ໂດຍໃຫ້ເປີດລະບົບຕິດຕາມໄວ້ຕະຫຼອດເວລາ.

3. ໃຫ້ເດີນທາງອອກຈາກສະໜາມບິນໄປສະຖານທີ່ພັກໂດຍຫ້າມແວ່ ຫຼື ຢຸດພັກບ່ອນອື່ນກ່ອນຮອດທີ່ພັກ.

4. ໃຫ້ມີການກວດຫາພະຍາດ ໂຄວິດ-19 ໂດຍວິທີ RT-PCR ຢູ່ສະຖານທີ່ທີ່ລາດຊະການກໍານົດໃຫ້ ໂດຍຜູ້ເດີນທາງຕ້ອງຮັບຜິດຊອບຄ່າໃຊ້ຈ່າຍເອງ.

5. ກໍລະນີຜູ້ເດີນທາງໄດ້ຮັບຜົນກວດຢືນຢັນແລ້ວວ່າບໍ່ມີເຊື້ອພະຍາດ ໂຄວິດ-19 ແຕ່ເມື່ອອອກໄປຂ້າງນອກກັບມາແລ້ວ ແມ່ນຕ້ອງລາຍງານໂຕໃຫ້ພະນັກງານຄວບຄຸມພະຍາດທຸກມື້, ໂດຍຫ້າມໄປຢູ່ຄ້າງຄືນບ່ອນອື່ນນອກຈາກສະຖານທີ່ພັກຂອງຕົນ.

6. ກໍລະນີຜູ້ເດີນທາງເຂົ້າມາໜ້ອຍກວ່າ 14 ມື້ ແມ່ນຫ້າມຜູ້ເດີນທາງອອກນອກພື້ນທີ່ແຂວງເດັດຂາດ ແລະ ເມື່ອຄົບກໍານົດມື້ ແມ່ນຜູ້ເດີນທາງຕ້ອງອອກຈາກປະເທດທັນທີ.

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...