ວັນທີ 27 ມິຖຸນາ 2021 ສປປ ລາວ ໄດ້ກວດວິເຄາະທັງໝົດ 1,129 ຄົນ, ໃນນັ້ນ ກວດພົບຜູ້ຕິດເຊື້ອທັງໝົດ 26 ຄົນ, ຈາກນະຄອນຫຼວງ 7 ຄົນ, ຈຳປາສັກ 8 ຄົນ, ສະຫວັນນະເຂດ 4 ຄົນ, ແຂວງວຽງຈັນ 4 ຄົນ, ຫຼວງນ້ຳທາ 2 ຄົນ ແລະ ໄຊຍະບູລີ 1 ຄົນ.

ສຳລັບ ນະຄອນຫຼວງວຽງຈັນ 7 ຄົນ, ແຂວງວຽງຈັນ 4 ຄົນ, ຫຼວງນ້ຳທາ 2 ຄົນ ແລະ ໄຊຍະບູລີ 1 ຄົນ ແມ່ນກໍລະນີຕິດເຊື້ອໃນຊຸມຊົນ.  ສ່ວນ ແຂວງສະຫວັນນະເຂດ 4 ຄົນ ແລະ ຈຳປາສັກ 8 ຄົນ ແມ່ນກວດພົບຈາກແຮງງານລາວ ທີ່ກັບມາຈາກປະເທດເພື່ອນບ້ານ ໂດຍຖືກຕ້ອງຕາມກົດໝາຍ ເຊິ່ງຖືວ່າ ເປັນກໍລະນີນຳເຂົ້າ.

ສໍາລັບປະຫວັດການເຄື່ອນໄຫວຂອງຜູ້ຕິດເຊື້ອໃນນະຄອນຫຼວງວຽງຈັນທັງ 7 ຄົນມີດັ່ງນີ້:

ຄົນທີ 1 ເພດຍິງ ອາຍຸ 53 ປິ ຢູ່ບ້ານສີເກີດ ເມືອງ ນາຊາຍທອງ (ເປັນແມ່ຂອງຜູ້ຕິດເຊື້ອເກົ່າໃນວັນທີ 27/06/2021)

• ວັນທີ 17/06/2021 ໄປ J-mart
• ໄປຕະຫຼາດຂົວດິນວັນທີ 20/06/2021 ມີອາການໄຂ້ ກິນຢາໃສ່ແຕ່ບໍ່ດີຂຶ້ນ.
• ວັນທີ 27/06/2021 ໄປກວດ ແລະ ພົບເຊື້ອ.

ຄົນທີ 2 ເພດຊາຍ ອາຍຸ 3 ປີ ບ້ານ ສີເກີດ ເມືອງນາຊາຍທອງ (ລູກຂອງຜູ້ຕິດເຊື້ອເກົ່າວັນທີ27/06/2021), ບໍ່ມີອາການຫຍັງ

• ວັນທີ 18-21/06/2021 ໄປບ້ານໂພນເງິນ ເມືອງໂພນໂຮງ ກັບແມ່.

ຄົນທີ 3 ເພດຍິງ ອາຍຸ 19 ປີ ນັກສຶກສາ ຢູ່ບ້ານ ສີເກີດ ເມືອງນາຊາຍທອງ (ຫຼານສາວຂອງຜູ້ຕິດເຊື້ອເກົ່າວັນທີ 27/06/2021)

• ວັນທີ 27/06/2021 ມີອາການໄຂ້ ຊື້ຢາມາກິນເອງ ແລພ ໄດ້ໄປກວດຫາເຊື້ອ. ໄປເຮັດບົດຢູ່ບ້ານອາຈານ ບ້ານດອນກອຍ ເມືອງໄຊເສດຖາ ພ້ອມໝູ່ສອງຄົນ.

ຄົນທີ 4 ເພດຍິງ ອາຍຸ 7 ປີ ນັກຮຽນ ຢູ່ບ້ານສີເກີດ ເມືອງນາຊາຍທອງ ແຂວງນະຄອນຫຼວງວຽງຈັນ (ຫຼານສາວຂອງຜູ້ຕິດເຊື້ອເກົ່າ ວັນທີ27/06/2021)

• ໃນວັນທີ 26/06/2021 ໄປບ້ານຫົວຊ້າງ ເມືອງນາຊາຍທອງ

ຄົນທີ 5 ເພດຍິງ ອາຍຸ 38 ປີ ຢູ່ບ້ານໂພນສະອາດ ເມືອງໄຊທານີ ນະຄອນຫຼວງວຽງຈັນ

• ວັນທີ 23/06/2021 ໄດ້ກິນເຂົ້າກັບຄອບຄົວ ມີຜູ້ເຂົ້າຮ່ວມກິນເຂົ້າຈໍານວນ 8 ຄົນ
• ວັນທີ 24/06/2021 ໄປຕະຫຼາດໂນນສະອາດ
• ວັນທີ 26/06/2021 ເວລາ 8:00-8:30 ໄປຕະຫຼາດດົງໝາກຄາຍ, ເວລາ 14:00 – 16:30 ໄປກິນຕໍາໝາຫຸ່ງກັບໝູ່ 4 ຄົນຢູ່ທາງເຂົ້າວັດທ່າງ່ອນ
• ວັນທີ 27/06/2021 ມີອາການອິດເມື່ອຍ ແລະ ໄດ້ເຂົ້າໄປກວດຜົນອອກມາວ່າພົບເຊື້ອ

ຄົນທີ 6 ເພດຊາຍ ອາຍຸ 67 ປີ ຢູ່ບ້ານໂນນສະອາດ ເມືອງໄຊທານີ ນະຄອນຫຼວງວຽງຈັນ ມີພະຍາດປະຈໍາໂຕ ໝາກໄຂ່ຫຼັງ, ປອດ (ບໍ່ສະແດງອາການ)

• ວັນທີ 25/06/2021 ໄປສັກຢາຢູ່ຄລີນິກຫຼັກ 4
• ວັນທີ 27/06/2021 ກວດພົບເຊື້ອ (ບໍ່ມີອາການ)

ຄົນທີ 7 ເພດຊາຍ ອາຍຸ 7 ປີ ບ້ານໂນນສະອາດ ເມືອງໄຊທານີ ນະຄອນຫຼວງວຽງຈັນ (ເປັນລູກຊາຍຂອງຜູ້ຕິດເຊື້ອ)

• ວັນທີ 27/06/2021 ເກັບຕົວຢ່າງໄປກວດ ຜົນອອກມາວ່າພົບເຊື້ອ

ດັ່ງນັ້ນ, ມາຮອດມື້ນີ້ ພວກເຮົາມີຕົວເລກຜູ້ຕິດເຊື້ອສະສົມທັງໝົດ 2,076 ຄົນ ແລະ ບໍ່ມີການເສຍຊີວິດໃໝ່ ແລະ ກໍາລັງປິ່ນປົວ ທັງໝົດ 124 ຄົນ.

ສໍາລັບແຂວງວຽງຈັນປະຫວັດການເຄື່ອນໄຫວຂອງຜູ້ຕິດເຊື້ອແມ່ນມີດັ່ງນີ້:

• ວັນທີ 10/06/2021 ໄປເອົາເຄື່ອງຢູ່ບໍລິສັດຫວຍຂູດ ບ້ານໜອງດ້ວງ ເມືອງສີໂຄດຕະບອງ ນະຄອນຫຼວງວຽງຈັນ
• ວັນທີ 12/06/2021 ໄປວັງວຽງພັກຢູ່ຣີສອສອິນເຕີປາກ
• ວັນທີ 16/06 ໄປບ້ານນາເລົ່າ ຫຼັກ 52
• ວັນທີ 21/06/2021 ໄປເສັງນັກຮຽນ ປ.1 ທີ່ໂຮງຮຽນປະຖົມນາດີ ເມືອງນາຊາຍທອງ
• ວັນທີ 22/06/2021 ໄປກິນເຂົ້າກັບໝູ່ຢູ່ຮ້ານຈັງໂກໜອງດ້ວງ
• ວັນທີ 24/06/2021 ໄປເອົາເຄື່ອງຢູ່ບ້ານສີເກີດ, ໄປຫາພໍ່ຢູ່ບ້ານທົ່ງປົ່ງ
• ວັນທີ 26/06/2021 ໄປເດີນເຕະບານບ້ານນາເລົ່າຫຼັກ 52