spot_img
Homeຂ່າວພາຍ​ໃນປະຊາຊົນຫຼາຍກວ່າ 3,000 ຄົນ ຢູ່ເມືອງໄຊຍະບູລີ ຖືກຜົນກະທົບຈາກນ້ຳຖ້ວມ

ປະຊາຊົນຫຼາຍກວ່າ 3,000 ຄົນ ຢູ່ເມືອງໄຊຍະບູລີ ຖືກຜົນກະທົບຈາກນ້ຳຖ້ວມ

Published on

ຕາມການລາຍງານຂ່າວຂອງ Lao National Radio ໄດ້ລະບຸວ່າ: ມີປະຊາຊົນຫຼາຍກວ່າ 3,000 ຄົນ ໃນຈຳນວນ 9 ບ້ານຢູ່ເທດສະບານເມືອງໄຊຍະບູລີ ແຂວງໄຊຍະບູລີຄື ບ້ານນາຍາວ, ນາຕໍໃຫຍ່, ໜອງແຊງ, ບ້ານບຸງ, ບ້ານຖິ່ນ, ບ້ານປົ່ງ, ບ້ານສີເມືອງ ແລະ ບ້ານສີມຸງຄຸນ ພວມໄດ້ຮັບຜົນກະທົບຈາກໄພນ້ຳຖ້ວມກະທັນຫັນ ຍ້ອນຝົນຕົກໜັກຕິດຕໍ່ກັນຫຼາຍວັນ ເຮັດໃຫ້ເສັ້ນທາງຫຼາຍສາຍຖືກຕັດ, ກະແສໄຟຟ້າບໍ່ສາມາດໃຊ້ການໄດ້ໃນປະຈຸບັນ.

ນ້ຳຖ້ວມເຮືອນປະຊາຊົນ ຢູ່ແຂວງໄຊຍະບູລີ

ທ່ານ ເພັດພິໄຊ ສູນວິໄລ ຮອງເຈົ້າແຂວງໄຊຍະບູລີ ໃຫ້ສຳພາດວ່າ: ພາຍຫຼັງຝົນຕົກໜັກຕິດຕໍ່ກັນຫຼາຍວັນ ເຮັດໃຫ້ລະດັບນ້ຳຮຸ່ງຫຍຶ່ງຂຶ້ນ ແລ້ວໄຫຼເຂົ້າຖ້ວມຫຼາຍບ້ານຢູ່ເທດສະບານແຂວງໄຊຍະບູລີໃນຕອນເຊົ້າມື້ນີ້, ປັດຈຸບັນ ອົງການປົກຄອງແຂວງພວມລະດົມກຳລັງປ້ອງກັນຊາດ, ປ້ອງກັນຄວາມສະຫງົບ ແລະ ກຳລັງຊາວໜຸ່ມ ເພື່ອຍົກຍ້າຍປະຊາຊົນທີ່ຕິດຄ້າງຢູ່ພາຍໃນເຮືອນຕາມຈຸດຕ່າງໆໄປຢູ່ເຂດປອດໄພ ພ້ອມທັງຕັ້ງສູນສະເພາະກິດສຸກເສີນ ເພື່ອຈັດຫາເຄື່ອງໃຊ້ທີ່ຈຳເປັນ ແລະ ໃຫ້ການຊ່ວຍເຫຼືອປະຊາຊົນທີ່ໄດ້ຮັບຜົນກະທົບໃນເບື້ອງຕົ້ນ.

ພາບຖ່າຍຈາກມຸມສູງ ນ້ຳຖ້ວມຢູ່ແຂວງໄຊຍະບູລີ

ຮອງເຈົ້າແຂວງໄຊຍະບູລີໃຫ້ຮູ້ຕື່ມວ່າ: ປັດຈຸບັນການຊ່ວຍເຫຼືອປະຊາຊົນ ໃນເຂດທີ່ໄດ້ຮັບຜົນກະທົບຈາກໄພນ້ຳຄັ້ງນີ້ພົບຄວາມຫຍຸ້ງຍາກຫຼາຍສົມຄວນ ເນື່ອງຈາກເສັ້ນທາງບາງຈຸດບໍ່ສາມາດເຂົ້າເຖິງໄດ້ ຈຳເປັນຕ້ອງໄດ້ໃຊ້ເຮືອເປັນພາຫະນະ ຊຶ່ງບໍ່ພຽງພໍຕໍ່ການນຳໃຊ້ຕົວຈິງ.

ພາບນ້ຳຖ້ວມເຮືອນປະຊາຊົນ ຢູ່ທີ່ແຂງໄຊຍະບູລີ

ສະນັ້ນຈຶ່ງໄດ້ປະສານຫາພາກສ່ວນກ່ຽວຂ້ອງຢູ່ແຂວງຫຼວງພະບາງຊ່ວຍຈັດສົ່ງເຮືອເຂົ້າໃນການອົບພະຍົບປະຊາຊົນໄປອາໃສຢູ່ບ່ອນປອດໄພ ພ້ອມທັງຮຽກຮ້ອງໃຫ້ສັງຄົມກໍ່ຄືພາກສ່ວນທີ່ມີເງື່ອນໄຂລະດົມເຄື່ອງອຸປະໂພກ, ບໍລິໂພກທີ່ຈຳເປັນໃຫ້ການຊ່ວຍເຫຼືອຜູ້ທີ່ໄດ້ຮັບຜົນກະທົບຈາກໄພນ້ຳຖ້ວມຢູ່ແຂວງໄຊຍະບູລີໃນຄັ້ງນີ້ຢ່າງທັນການ.

ບົດຄວາມຫຼ້າສຸດ

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ ໃນທ້າຍເດືອນກັນຍາ 2025 ຜ່ານມານີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ...

ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3

ອົງຄະນະພັກ ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3 ສະຫາຍ ຮສ.ປອ ທອງສະລິດ ມັງໜໍ່ເມກ ເລຂາທິການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ...

ແຈ້ງເຕືອນຈາກກົມໃຫຍ່ຕຳຫຼວດ ໃຫ້ລະວັງ 10 ລັກສະນະການກໍ່ເຫດທີ່ເປັນການສໍ້ໂກງຊັບ ຖ້າພົບເຫັນເຫດລັກສະນະນີ້ ສາມາດແຈ້ງດຳເນີນຄະດີໄດ້

- ອີງຕາມ ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ລົງວັນທີ 05 ມັງກອນ 2022 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມໃຫຍ່ຕໍາຫຼວດ. ເພື່ອປ້ອງກັນ ບໍ່ໃຫ້ທຸກຄົນໃນສັງຄົມ ຕົກເປັນເຫຍື່ອຂອງກຸ່ມແກ້ງສໍ້ໂກງຊັບທາງໂທລະຄົມ ແລະ...

ປະຫວັດບໍ່ທຳມະດາ ກໍລະນີແມ່ຕູ້ຄົນໄຕ້ຫວັນຖືກຖີບເທິງລົດໄຟຕອນນີ້ ຖືກກັກໂຕພ້ອມດຳເນີນຄະດີແລ້ວ

ໃນວັນທີ 01/10/2025 ທີ່ຜ່ານມາ, ສຳນັກຂ່າວໃນໄຕ້ຫວັນໄດ້ລາຍງານວ່າ ມີເຫດບໍ່ຄາດຄິດກ່ຽວກັບຜູ້ສູງ ກໍລະນີແມ່ຕູ້ທີ່ຖືກຍິງສາວປະເພດສອງ (LGBTQ) ຖີບຢູ່ໃນລົດໄຟ ໃນວັນທີ 29/09/2025 ທີ່ຜ່ານມາ, ເຊິ່ງກຳລັງເປັນກະແສດັງໃນໃນສື່ສັງຄົມອອນລາຍໃນປັດຈຸບັນ.ສາເຫດເກີດຈາກການຍາດບ່ອນນັ່ງພິເສດພາຍໃນຂະບວນລົດໄຟແຫ່ງໜຶ່ງໃນໄຕ້ຫວັນ ເນື່ອງຈາກບ່ອນນັ່ງນັ້ນເປັນບ່ອນຂອງຜູ້ສູງອາຍຸ ແມ່ຕູ້ິເລີຍພະຍາຍາມໄລ່ຍິງສາວປະເພດສອງອອກຈາກບ່ອນນັ່ງ...