spot_img
Homeນານາສາລະ“ການຄຸກຄາມທາງເພດ” (Sexual Harassment) ແມ່ນຫຍັງ?

“ການຄຸກຄາມທາງເພດ” (Sexual Harassment) ແມ່ນຫຍັງ?

Published on

ການຄຸກຄາມທາງເພດ” (Sexual Harassment) ໝາຍເຖິງການຄຸກຄາມ ຫຼື ການລ່ວງລະເມີດທາງເພດ. ໃນປັດຈຸບັນແລ້ວ ຄຳວ່າ Sexual Harassment ບໍ່ໄດ້ຈຳກັດພຽງແຕ່ການລ່ວງລະເມີດທາງເພດທາງຮ່າງກາຍເທົ່ານັ້ນ ແຕ່ຍັງລວມໄປເຖິງການຄຸກຄາມທາງເພດທາງຄຳເວົ້າ, ທາງສາຍຕາ ຈົນໄປຮອດການພິມລົງໄປໃນໂລກອິນເຕີເນັດກໍຖືໄດ້ວ່າເປັນການຄຸກຄາມທາງເພດ ຫຼື Sexual Harassment ໄດ້ເຊັ່ນກັນ. ເພາະສະນັ້ນແລ້ວ, ຄວາມໝາຍຂອງການຄຸກຄາມທາງເພດຈຶ່ງຖືໄດ້ວ່າກວ້າງຢູ່ພໍສົມຄວນ ແຕ່ມີຈຸດທີ່ສຳຄັນກໍຄືຜູ້ທີ່ຖືກກະທຳບໍ່ໄດ້ເຕັມໃຈກ່ຽວກັບພຶດຕິກຳດັ່ງກ່າວ.

ພຶດຕິກຳແບບໃດທີ່ເອີ້ນວ່າເປັນການຄຸກຄາມທາງເພດ?

1. ການສໍາຜັດຮ່າງກາຍໂດຍທີ່ອີກຝ່າຍບໍ່ຍິນຍອມ: ເປັນການຄຸກຄາມທາງເພດທີ່ຊັດເຈນທີ່ສຸດ ການລູບຄຳຈັບບາຍອະໄວຍະວະສ່ວນໃດສ່ວນໜຶ່ງ ຫຼື ພຽງແຕ່ຈັບເສັ້ນຜົມຂອງຜູ້ອື່ນ ກໍຖືໄດ້ວ່າເປັນການຄຸກຄາມທາງເພດເຊັ່ນກັນ.

2. ເວົ້າເລື່ອງຕະຫຼົກກ່ຽວກັບເລື່ອງເພດ: ໝາຍເຖິງການເວົ້າລໍ້ລຽນກ່ຽວກັບພຶດຕິກຳທາງເພດຕ່າງໆ ບໍ່ວ່າຈະເປັນການເວົ້າເຖິງບຸກຄົນທີ່ສາມ.

3. ການພິມຂໍ້ຄວາມສຽດສີເທິງໂລກອິນເຕີເນັດ: ກໍເປັນການຄຸກຄາມທາງເພດເຊັ່ນດຽວກັນ ໂດຍມາໃນຮູບແບບການພິມຂໍ້ຄວາມໃນທາງສຽດສີ ຫຼື ການລໍ້ລຽນວິຈານຮູບຮ່າງໜ້າຕາຂອງຄົນອື່ນ ຍັງລວມໄປເຖິງການສົ່ງຮູບພາບຮ່າງກາຍ ຫຼື ອະໄວຍະວະເພດໃຫ້ແກ່ຜູ້ອື່ນ, ເຊີນຊວນໃຫ້ຜູ້ອື່ນສົ່ງຮູບຮ່າງກາຍ ແລະ ອະໄວຍະວະເພດກັບມາເຊັ່ນກັນ ໃນປັດຈຸບັນ ການພິມສຽດສີເທິງໂລກອິນເຕີເນັດຖືໄດ້ວ່າເປັນການຄຸກຄາມທາງເພດທີ່ມາແຮງທີ່ສຸດ.

4. ການຄຸກຄາມໂດຍການໃຊ້ຄຳເວົ້າ: ໝາຍເຖິງ ການໃຊ້ວາຈາໄປໃນທາງຊູ້ສາວຕໍ່ຜູ້ອື່ນ ນອກຈາກນັ້ນແລ້ວ ການວິຈານຮູບຮ່າງຜູ້ອື່ນ ເຊັ່ນ: ຕຸ້ຍ, ຈ່ອຍ, ຂາໃຫຍ່ ຫຼື ຄຳເວົ້າຕ່າງໆທີ່ເຮັດໃຫ້ຜູ້ອື່ນຮູ້ສຶກອັບອາຍຍັງຖືໄດ້ວ່າເປັນການຄຸກຄາມທາງເພດ.

5. ເປີດເຜີຍອະໄວຍະວະໃຫ້ຜູ້ອື່ນເບິ່ງ: ການເປີດເຜີຍອະໄວຍະວະທີ່ບໍ່ຄວນໃຫ້ຜູ້ອື່ນເບິ່ງໂດຍເຈດຕະນາ ເຮັດໃຫ້ຜູ້ອື່ນຮູ້ສຶກຕົກໃຈ ແລະ ອັບອາຍ ກໍຖືໄດ້ວ່າເປັນການຄຸກຄາມທາງເພດໄດ້ເຊັ່ນກັນ ໂດຍປົກກະຕິຜູ້ທີ່ມີພຶດຕິກຳແບບນີ້ແມ່ນຜູ້ທີ່ມີອາການຜິດປົກກະຕິທາງຈິດເປັນຕົ້ນ.

6. ກວນຜູ້ອື່ນໂດຍການແກ້ເຄື່ອງນຸ່ງ: ຂໍ້ນີ້ແມ່ນມັກຈະເຫັນໄດ້ຈາກໝູ່ເພື່ອນດ້ວຍກັນເອງທີ່ມັກກວນຜູ້ອື່ນດ້ວຍການດຶງໂສ້ງລົງ, ດຶງເສື້ອຂຶ້ນ, ດຶງຂໍເສື້ອຊ້ອນ ຫຼື ບັງຄັບໃຫ້ຜູ້ອື່ນແຕ່ງໂຕທີ່ສ້າງຄວາມອັບອາຍໃຫ້ແກ່ເຂົາເຈົ້າ ກໍຖືໄດ້ວ່າເປັນການຄຸກຄາມທາງເພດເຊັ່ນດຽວກັນ

ເຮົາຈະມີວິທີປົກປ້ອງຕົນເອງແນວໃດຖ້າພົບກັບເຫດການແບບນີ້? ເພາະເຮົາທຸກຄົນມີໂອກາດຕົກເປັນເຫຍື່ອຂອງການຄຸກຄາມທາງເພດໄດ້ທຸກຄົນ ແລະ ທຸກໄວ, ເຊິ່ງມັນບໍ່ແມ່ນເລື່ອງນ້ອຍເລີຍ ຖ້າຫາກເຮົາຕ້ອງຕົກຢູ່ໃນສະຖານະການແບບນັ້ນເຮົາຄວນຮູ້ວິທີປົກປ້ອງຕົນເອງໃຫ້ເໝາະສົມໂດຍການ:

1. ບໍ່ຄວນເມີນເສີຍຕໍ່ການກະທໍາດັ່ງກ່າວ, ຫຼາຍຄັ້ງທີ່ຜູ້ຖືກກະທໍາເມີນເສີຍ ແລະ ເຮັດເປັນບໍ່ສົນໃຈ ແຕ່ໃນຄວາມເປັນຈິງແລ້ວການເມີນເສີຍບໍ່ໄດ້ເຮັດໃຫ້ການຄຸກຄາມທາງເພດຢຸດລົງ

2. ຮ້ອງຮຽນກັບຜູ້ທີ່ມີອໍານາດເຊັ່ນ: ອາຈານ, ເຈົ້ານາຍ(ຫົວໜ້າ), ຕໍາຫຼວດ ຫຼື ອົງກອນຕ່າງໆທີ່ກ່ຽວຂ້ອງ

3. ບໍ່ເມີນເສີຍຕໍ່ຜູ້ທີ່ຖືກກະທໍາ ເພາະການທີ່ເມີນເສີຍກໍປຽບສະເໝືອນວ່າເຈົ້າກໍເປັນໜຶ່ງໃນຜູ້ທີ່ມີສ່ວນຮ່ວມໃນການຄຸກຄາມທາງເພດໄປນຳ

4. ຮຽນຮູ້ທີ່ຈະປະຕິເສດ ແລະ ສະແດງຄວາມຮູ້ສຶກທີ່ບໍ່ພໍໃຈຖ້າຫາກຕົນເອງຕົກຢູ່ໃນສະຖານະການດັ່ງກ່າວ

5. ເຄົາລົບສິດເສລີພາບຂອງຜູ້ອື່ນ ບໍ່ວ່າຈະເປັນ ຮູບຮ່າງ, ໜ້າຕາ ຫຼື ການນຸ່ງຖື

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...