spot_img
Homeນານາສາລະ5 ຢ່າງທີ່ບໍ່ຄວນເກັບໄວ້ພາຍໃນລົດເດັດຂາດ!!

5 ຢ່າງທີ່ບໍ່ຄວນເກັບໄວ້ພາຍໃນລົດເດັດຂາດ!!

Published on

ການຈອດລົດປະໄວ້ກາງສະພາບແດດທີ່ຮ້ອນ ໂດຍສະເພາະໃນຊ່ວງລະດູຮ້ອນແບບນີ້ອາດຈະເຮັດໃຫ້ລົດທີ່ປິດແວ່ນໄວ້ເກີດມີອຸນຫະພູມພາຍໃນລົດສູງເຖິງ 50-60 ອົງສາ ເຊິ່ງນອກຈາກຈະເປັນອັນຕະລາຍຕໍ່ກັບສິ່ງທີ່ມີຊີວິດພາຍໃນລົດແລ້ວ ຍັງເຮັດໃຫ້ສິ່ງຂອງພາຍໃນລົດເກີດຄວາມເສຍຫາຍຈົນເປັນອັນຕະລາຍໄດ້ເຊັ່ນກັນ. ດັ່ງນັ້ນ, ມື້ນີ້ເຮົາຈະພາໄປເບິ່ງສິ່ງຂອງ 5 ຢ່າງທີ່ບໍ່ຄວນປະໄວ້ໃນລົດ

  1. ກະປ໋ອງສະເປ ຫຼື ກະປ໋ອງທີ່ມີແກັສ

ກະປ໋ອງສະເປທຸກປະເພດບໍ່ວ່າຈະເປັນກ່ອງນໍ້າຫອມປັບອາກາດ, ສະເປຂ້າແມງໄມ້ ກະປ໋ອງສະເປເຫຼົ່ານີ້ລ້ວນແຕ່ມີແຮງດັນຢູ່ພາຍໃນກະປ໋ອງ ຫາກວ່າມັນໄດ້ຮັບຄວາມຮ້ອນສະສົມເປັນເວລາດົນຈະເຮັດໃຫ້ແຮງດັນທີ່ຢູ່ພາຍໃນຄ່ອຍໆເພິ່ມຂື້ນຈົນເຮັດໃຫ້ເກີດລະເບີດໄດ້.

2. ຂວດ ຫຼື ກະປ໋ອງນໍ້າອັດລົມ

ກະປ໋ອງນໍ້າອັດລົມເປັນສິ່ງໜຶ່ງທີ່ຖ້າຫາກວ່າເຮົາຖີ້ມໄວ້ໃນລົດທີ່ຮ້ອນຈະເຮັດໃຫ້ແກັສທີ່ຢູ່ໃນກະປ໋ອງຂະຫຍາຍໂຕ ແລະ ເຮັດໃຫ້ເກີດລະເບີດ. ນອກຈາກນັ້ນຍັງເຄີຍເກີດມີເຫດການນໍ້ານົມຖົ່ວເຫຼືອງທີ່ບັນຈຸໃນຂວດແກ້ວລະເບີດເຮັດໃຫ້ລົດໄດ້ຮັບຄວາມເສຍຫາຍ.

3. ກັບໄຟ

ພາຍໃນກັບໄຟຈະບັນຈຸຂອງແຫຼວເຊິ່ງມີແຮງດັນຢູ່ພາຍໃນ ຖ້າວ່າເປັນກັບໄຟທີ່ຜ່ານການໃຊ້ງານມາດົນ ແລະ ມີປະລິມານຂອງແຫຼວເຫຼືອໜ້ອຍຈະສົ່ງຜົນເຮັດໃຫ້ມີບ່ອນຫວ່າງພາຍໃນກັບໄຟຫຼາຍ ຈົນເກີດເຮັດໃຫ້ແກັສຂະຫຍາຍຕົວ ແລະ ລະເບີດໃນທີ່ສຸດ. ສະນັ້ນ, ຄວນຫຼີກລ້ຽງການຖີ້ມກັບໄຟໄວ້ໃນລົດ.

4. ພາວເວີແບັງ

ເຖິງແມ່ນວ່າພາວເວີແບັງໃນປັດຈຸບັນຂະມີການພັດທະນາໃຫ້ມີຄວາມປອດໄພສູງ ແຕ່ຖ້າຫາກເປັນພາວເວີແບັງທີ່ມີຄຸນນະພາບຕໍ່າ ຫຼື ຜ່ານການເກີດຄວາມເສີຍຫາຍເປ່ເພ ກໍມີຄວາມສ່ຽງທີ່ຈະເກີດລະເບີດໃນຂະນະທີ່ຖີ້ມໄວ້ໃນລົດທີ່ຈອດຕາກແດດໄດ້ເຊັ່ນກັນ.

5. ສີທຽນ ຫຼື ຢາງລຶບ

ຖ້າຫາກວ່າເຮືອນໃຜມີເດັກນ້ອຍກໍບໍ່ຄວນເກັບສີທຽນ ແລະ ຢາງລຶບໄວ້ໃນລົດເດັດຂາດ ເນື່ອງຈາກວ່າສີທຽນເມື່ອຖືກຄວາມຮ້ອນຈະເຮັດໃຫ້ມັນເປື່ອຍຈົນເຮັດໃຫ້ອຸປະກອນພາຍໃນລົດເກີດຄວາມເສຍຫາຍ, ສ່ວນຢາງລຶບກໍມີສ່ວນປະສົມທີ່ສາມາດລະລາຍພາສຕິກໄດ້ ເຊິ່ງຈະເຮັດບາງອຸປະກອນທີ່ເປັນພາສຕິກຢູ່ພາຍໃນລົດເກີດຄວາມເສຍຫາຍ ຫຼື ເປ່ເພ.

ບົດຄວາມຫຼ້າສຸດ

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...