spot_img
Homeຂ່າວພາຍ​ໃນແຮງງານລາວຢູ່ປະເທດໄທ ບໍ່ຕ້ອງກັບປະເທດ ເພື່ອດໍາເນີນເອກະສານການເຮັດວຽກ

ແຮງງານລາວຢູ່ປະເທດໄທ ບໍ່ຕ້ອງກັບປະເທດ ເພື່ອດໍາເນີນເອກະສານການເຮັດວຽກ

Published on

ອີງຕາມ ຂປລ ລາຍງານວ່າ: ແຮງງານລາວ ທີ່ໄປເຮັດວຽກ ຢູ່ປະເທດໄທ ສາມາດສືບຕໍ່ເຮັດວຽກຢູ່ປະເທດໄທໄດ້ຕື່ມອີກ 2 ປີ ໂດຍບໍ່ຕ້ອງເດີນທາງກັບຄືນປະເທດ ເພື່ອດໍາເນີນເອກະສານ. ປັດຈຸບັນ, ມີຜູ້ຂຶ້ນທະບຽນແລ້ວຈໍານວນທັງໝົດ 115.993 ຄົນ, ໃນຂະນະທີ່ໄດ້ມີແຮງງານລາວຈຳນວນ 346 ຄົນ ທີ່ມີຈຸດປະສົງກັບຄືນປະເທດ ໃນໄລຍະການລະບາດຂອງພະຍາດໂຄວິດ-19 ຮອບສອງນີ້.

ກົມພັດທະນາສີມືແຮງງານ ແລະ ຈັດຫາງານ, ກະຊວງແຮງງານ ແລະ ສະຫວັດດີການສັງຄົມ (ຮສສ) ໄດ້ລາຍງານໃນວັນທີ 18 ພຶດສະພາ 2021 ນີ້ວ່າ: ຜູ້ຊ່ວຍທູດດ້ານແຮງງານ ປະຈໍາຢູ່ສະຖານ ທູດລາວ ປະຈໍາບາງກອກ ປະເທດໄທ ໄດ້ມີລາຍງານວ່າ: ພາຍຫຼັງທີ່ລັດຖະບານໄທ ໄດ້ອອກນະໂຍ ບາຍຕໍ່ເວລາໃຫ້ແຮງງານລາວ ທີ່ໄປເຮັດວຽກຢູ່ປະເທດໄທ ໃຫ້ສາມາດສືບຕໍ່ເຮັດວຽກ ຢູ່ປະເທດໄທໄດ້ຕື່ມອີກ 2 ປີ, ໂດຍບໍ່ຕ້ອງເດີນທາງກັບຄືນປະເທດເພື່ອດໍາເນີນເອກະສານ, ເຊິ່ງມາຮອດປັດຈຸບັນ ມີຜູ້ອອກ ແຮງງານລາວ ໄດ້ຂຶ້ນທະບຽນແລ້ວ ຈໍານວນທັງໝົດ 115.993 ຄົນ. ໃນຈໍານວນດັ່ງກ່າວ, ປະກອບມີກຸ່ມຜູ້ອອກແຮງງານ ທີ່ຖືບັດສີຊົມພູ 44.694 ຄົນ, ກຸ່ມຜູ້ອອກແຮງງານຕາມລະບົບ MOU ຈຳນວນ 24.596 ຄົນ ແລະ ກຸ່ມຜູ້ອອກແຮງງານ ທີ່ຂຶ້ນທະບຽນໃໝ່ ຈໍານວນ 46.703 ຄົນ. ພ້ອມກັນນັ້ນ, ໃນລະຫວ່າງເດືອນມັງກອນ ຫາ ມີນາ 2021 ສະຖານທູດລາວ ປະຈໍາບາງກອກ ແລະ ສະຖານກົງສູນລາວ ປະຈໍາຂອນແກ່ນ ປະເທດໄທ ໄດ້ຂຶ້ນທະບຽນ ແລະ ປະສານໄປຍັງພາກສ່ວນທີ່ກ່ຽວຂ້ອງ ເພື່ອອໍານວຍຄວາມສະດວກໃຫ້ພົນລະເມືອງລາວ ທີ່ມີຈຸດປະສົງກັບຄືນປະເທດ ຈໍານວນ 346 ຄົນ.

ສຳລັບແຜນການໃນອະນາຄົດ, ກົມພັດທະນາສີມືແຮງງານ ແລະ ຈັດຫາງານ ໄດ້ສືບຕໍ່ຮ່ວມມືກັບອົງການແຮງງານສາກົນ ເພື່ອລົງໂຄສະນາປະຊາສໍາພັນ ໃຫ້ຂໍ້ມູນຂ່າວສານ ສໍາລັບການເຄື່ອນຍ້າຍແຮງງານ ແບບຖືກຕ້ອງຕາມກົດໝາຍ ພ້ອມດ້ວຍສະໜອງເຄື່ອງບໍລິໂພກ ແລະ ອຸປະໂພກທີ່ຈໍາເປັນ ໃຫ້ແກ່ກຸ່ມເປົ້າໝາຍຢູ່ສູນກັກກັນ ໃນຂອບເຂດທົ່ວປະເທດ; ຮ່ວມມືກັບອົງການຈັດຕັ້ງສາກົນ ເພື່ອການເຄື່ອນຍ້າຍຖິ່ນຖານ ຈັດຕັ້ງປະຕິບັດໂຄງການປົກປ້ອງ ແລະ ການບໍລິການຕັ້ງຖິ່ນຖານໃຫ້ຜູ້ດ້ອຍໂອກາດ, ແຮງງານເຄື່ອນຍ້າຍໄວໜຸ່ມ ຢູ່ແຂວງສະຫວັນນະເຂດ ແລະ ຈໍາປາສັກ ເປັນເງິນຈໍານວນ 63.000 ໂດລາ ເພື່ອໂຄສະນາປະຊາສໍາພັນ ກ່ຽວກັບການເຄື່ອນຍ້າຍແຮງງານແບບຖືກຕ້ອງຕາມກົດໝາຍ, ສະໜອງເຄື່ອງບໍລິໂພກ ແລະ ອຸປະໂພກທີ່ຈຳເປັນໃຫ້ແກ່ກຸ່ມເປົ້າໝາຍ ຢູ່ແຂວງດັ່ງກ່າວ.

ພ້ອມນີ້, ຍັງໄດ້ກະກຽມຝຶກສີມືແຮງງານ ເພື່ອສະໜອງເຂົ້າສູ່ຕໍາແໜ່ງງານ ໃນຂະແໜງການກໍ່ສ້າງ ແລະ ຕັດຫຍິບໃຫ້ໂຄງການກໍ່ສ້າງເຂື່ອນໄຟຟ້າ ແລະ ເຄື່ອງງານຕັດຫຍິບສະກາວີລາວ ໃນຈໍານວນ 250 ຄົນ.

 

ບົດຄວາມຫຼ້າສຸດ

ອອກມາແລ້ວ ກົດໝາຍວ່າດ້ວຍລັດຖະກອນສະບັບປັບປຸງໃໝ່ ລົງວັນທີ 7 ພຶດສະພາ 2025

ແຈ້ງການອອກມາແລ້ວ ກົດໝາຍວ່າດ້ວຍພະນັກງານ-ລັດຖະກອນ ສະບັບປັບປຸງ ເລກທີ 046/ປປທ ລົງວັນທີ 07/09/2025 ມີເນື້ອໃນດັ່ງນີ້:

ອັບດັບ 13 ຂອງໂລກ ລາວຕິດອັນດັບເປັນໜຶ່ງໃນປະເທດ ຈຸດໝາຍປາຍທາງການທ່ອງທ່ຽວທີ່ຂະຫຍາຍຕົວສູງສຸດໃນປີ 2024

ອົງການທ່ອງທ່ຽວໂລກ ແຫ່ງສະຫະປະຊາຊາດ ລາຍງານກ່ຽວກັບ ການຈັດອັນດັບປະເທດຈຸດໝາຍປາຍທາງການທ່ອງທ່ຽວ ທີ່ຂະຫຍາຍໂຕສູງທີ່ສຸດ ໃນນັ້ນ ສປປ ລາວ ສາມາດຕິດຢູ່ໃນ ອັນດັບທີ່ 13 ຂອງໂລກ ຈາກການຈັດອັນດັບໃນປີ 2024...

ເຫດການປະທ້ວງຄັ້ງໃຫຍ່ ຄົນລຸ້ນໃໝ່ລວມກຸ່ມປະທ້ວງໃນເນປານ ເນື່ອງຈາກປິດກັ້ນສື່ອອນລາຍ ແລະ ບັນຫາສໍ້ລາດບັງຫຼວງ

ໃນວັນທີ 09 ກັນຍາ 2025ທ່ານ ເຄພີ ຊາມາໂອລີ, ນາຍົກລັດຖະມົນຕີປະເທດເນປານໄດ້ປະກາດລາອອກຈາກຕໍາແໜ່ງ ເນື່ອງຈາກມີການປະທ້ວງຂອງປະຊາຊົນໂດຍສະເພາະກຸ່ມເດັກລຸ້ນໃໝ່ ເຊິ່ງສາເຫດແມ່ນເກີດຈາກ - ການອອກມາດຕະການຫ້າມນໍາໃຊ້ສື່ອອນລາຍ ເຊິ່ງກ່ອນໜ້ານີ້ໄດ້ມີການແຈ້ງການປິດກັນ 26 ແອັບພຣິເຄຊັນເຊັ່ນ: ເຟສບຸກ,...

ໂຣກລິດຊີດວງຖາມຫາ! ເຂົ້າຫ້ອງນໍ້າພ້ອມຫຼິ້ນໂທລະສັບໄປນໍາ ສ່ຽງເປັນໂຣກລິດສີດວງ

ພຶດຕິກຳໃນແຕ່ລະມື້ຶອາດສົ່ງຜົນໃຫ້ເກີດໂຣກຕ່າງໆໄດ້.ເຊິ່ງຫຼາຍຄົນໃນຍຸກປັດຈຸບັນກຳລັງເຮັດຢູ່ຄື ການເຂົ້າຫ້ອງນໍ້າ, ນັ່ງຢູ່ຊັກໂຄກເປັນເວລາດົນ ພ້ອມກັບກັບຫຼິ້ນໂທລະສັບໄປນຳ ໂດຍບໍ່ຄຳນຶກເຖິງຄວາມສ່ຽງທີ່ຈະຕາມມາ. ສໍາລັບໂຣກລິດສີດວງທະວານໜັກ ເກີດຈາກເສັ້ນເລືອດດຳທະວານໜັກ ຫຼື ສ່ວນປາຍສຸດຂອງລໍາໄສ້ໃຫ່ຍເກີດອາການບວມ ຫຼື ຂະຫຍາຍໂຕໃຫ່ຍຂຶ້ນ ມີອາການນູນເປັນຕິ່ງອອກມາຈາກຮູທະວານ ເຮັດໃຫ້ມີອາການເຈັບ ແລະ ຂັບຖ່າຍເປັນເລືອດປະປົນອອກມາ. ນັກວິໄຈພົບວ່າການຫຼິ້ນໂທລະສັບໃນຫ້ອງນໍ້າເປັນປະຈໍາມີຄວາມສ່ຽງເປັນໂຣກລິດສີດວງທະວານ...