ທຳນຽບຂາວ ຖະແຫຼ່ງວ່າ: ທ່ານ ປະທານາທິບໍດີ ສະຫະລັດອາເມຣິກາ ໂຈ ໄບເດັນ ຈະເປີດເຜີຍ ໃນວັນທີ 18 ພຶດສະພາ 2021 ກ່ຽວກັບແຜ່ນການຈັດສົ່ງວັກຊີນໂຄວິດ-19 ຈຳນວນຫຼາຍລ້ານໂດສ ຊ່ວຍເຫຼືອປະເທດທີ່ຍັງຮັບມືກັບບັນຫາການແຜ່ລະບາດຂອງພະຍາດໂຄວິດ-19.
ຄາດວ່າ: ທ່ານ ປະທານາທິບໍດີ ສະຫະລັດອາເມຣິກາ ໂຈ ໄບເດນ ຖະແຫຼງການວ່າ: ອາເມລິກາ ຈະສົ່ງວັກຊີນ ວັກຊີນ ຂອງ ໄຟເຊີ (Pfizer) ບໍ່ຕໍ່າກວ່າ 20 ລ້ານໂດສ, ໂມເດີນສ (Moderna) ແລະ ຈອນສັນ ແອນ ຈອນສັນ (Johnson & Johnson) ພາຍໃນທ້າຍເດືອນ ມີຖຸນາ ທີ່ໃກ້ຈະມາຮອດນີ້.
ກ່ອນໜ້ານີ້, ທ່ານ ແອນດີ ສະເລວິດ ເຊິ່ງເປັນທີ່ປຶກສາ ອາວຸໂສ ຂອງປະທານາທິບໍດີ ໂຈ ໄບເດນ ກ່າວວ່າ: ອາເມຣິກາ ຈະແຈກວັກຊີນໂຄວິດ-19 ຂອງບໍລິສັດ AstraZeneca ຈຳນວນ 60 ລ້ານໂດສ ໃຫ້ແກ່ຕ່າງປະເທດ ຖ້າຫາກວັກຊີນດັ່ງກ່າວ ຜ່ານການອະນຸມັດ ຈາກສຳນັກງານຄະນະກຳມະການອາຫານ ແລະ ຢາ ຂອງອາເມຣິກາ (FDA) ເຊິ່ງຖ້າລວມວັກຊີນຮອບໃໝ່ນີ້ ເຮັດໃຫ້ອາເມຣິກາ ຈະສົ່ງວັກຊີນ ລວມທັງໝົດ 80 ລ້ານໂດສ ໃຫ້ແກ່ປະເທດອື່ນໆ ພາຍໃນເດືອນມີຖຸນາ ນີ້.