spot_img
Homeຂ່າວທ້ອງຖິ່ນເຫດການເສຍຊີວິດຂອງຜູ້ຕິດເຊື້ອໂຄວິດ-19 ກໍລະນີທີ 2 ຖືເປັນອຸທາຫອນ

ເຫດການເສຍຊີວິດຂອງຜູ້ຕິດເຊື້ອໂຄວິດ-19 ກໍລະນີທີ 2 ຖືເປັນອຸທາຫອນ

Published on

ດຣ. ລັດສະຫມີວົງຄໍາຊາວຮອງຫົວຫນ້າກົມຄວບຄຸມພະຍາດຕິດຕໍ່ພ້ອມດ້ວຍທ່ານຮສດຣບົວເທບພູມີນຮອງຫົວຫນ້າກົມປິ່ນປົວແລະ ຟື້ນຟູຫນ້າທິການຕາງຫນ້າກອງເລຂາຄະນະສະເພາະກິດເພື່ອປ້ອງກັນ, ຄວບຄຸມແລະແກ້ໄຂການລະບາດຂອງພະຍາດ COVID-19, ໄດ້ລາຍງານສະພາບການການລະບາດຂອງພະຍາດ COVID-19 ປະຈຳວັນສຸກວັນທີ 14 ພຶດສະພາປີ 2021 ມີການລາຍງານຜູ້ຕິດເຊື້ອ 16 ຄົນເຮັດໃຫ້ຈໍານວນຜູ້ຕິດເຊື້ອສະສົມທັງໝົດເປັນ 1,498 ຄົນ ແລະ ເສຍຊີວີດໃໝ່ 1 ຄົນ ປະຈຸບັນ, ຈໍານວນຜູ້ເສຍຊິວິດສະສົມທັງໝົດ 2 ຄົນ

ປະຫວັດຜູ້ເສຍຊີວິດກໍລະນີທີ 2 ແມ່ນເພດຊາຍ, ອາຍຸ 29 ປີ, ອາຊີບ: ຫວ່າງງານ, ບ້ານ: ວຽງຈະເລີນຮ່ອມ 8, ເມືອງໄຊເສດຖາ, ນະຄອນຫຼວງວຽງຈັນຜູ້ກ່ຽວມີນໍ້າໜັກ 100 ກວ່າກິໂລກຣາມ, ມັກດື່ມເຫຼົ້າ ແລະ ສູບຢາໄຟຟ້າ, ມີພະຍາດປະຈຳຕົວຄື: ເບົາຫວານ ແລະ ຄວາມດັນສູງ.

ໃນວັນທີ 11 ພຶດສະພາ 2021 ເວລາ 11:00 ໂມງຜູ້ກ່ຽວເຂົ້າມາໂຮງໝໍສູນກາງ 103 ດ້ວຍອາການທີ່ເຂົ້າກັບນິຍາມກໍລະນີ SARI ແພດປະເມີນອາການຜູ້ກ່ຽວໃນເບື້ອງຕົ້ນເຫັນ ໃນວັນທີ 12 ພຶດສະພາ 2021 ຜົນກວດພົບເຊື້ອ-19 ວັນທີ 13 ພຶດສະພາ 2021 ເວລາ 15:30 ໂມງຜູ້ກ່ຽວເສຍຊີວິດ ເຊິ່ງສົບຂອງຜູ້ກ່ຽວແມ່ນໄດ້ມີການສົ່ງສະການຮ້ອຍແລ້ວ

ອີງຕາມແຫຼ່ງຂ່າວຈາກ ນາທີຊີວິດ ຮູ້ວ່າກໍລະນີສຶກສາເຫດການເສຍຊີວິດກໍລະນີທີ່ 2 (ຂອງວັນທີ 13 ພຶດສະພາ 2021) ປະກົດວ່າຜູ້ກ່ຽວຫຼົບຫຼີກການ ກວດຫາເຊື້ອປົກປິດຂໍ້ມູນພະຍາຍາມຮັກສາດ້ວຍຕົນເອງຈົນຮ່າງກາຍບໍ່ໄຫວແລະເຖິງຂັ້ນວິກິດຈຶ່ງມາໂຮງຫມໍເຊິ່ງມາກວດສຸຂະພາບຢູ່ໂຮງຫມໍ 103 (ໂຮງຫມໍ 103 ແມ່ນບໍ່ໄດ້ຮັບການກວດຫາເຊື້ອ ໂຄວິດ -19)
ຜູ້ກ່ຽວມາກວດຢູ່ໂຮງໝໍ 103 ກໍ່ຍັງບໍ່ລະບຸວ່າຕົນເອງຢູ່ໃນກຸ່ມສ່ຽງ ຈົນທ່ານໝໍຕິດຕາມອາການ ກວດພະຍາດ ແລະ ບົ່ງມະຕິພະຍາດ ຈຶ່ງເກີດຄວາມສົງໃສ ແລະ ກວດຫາເຊື້ອປະກົດວ່າ ຜົນເປັນບວກ

– ຜົນບົ່ງມະຕິໜ້າຕົກໃຈ ເຊື້ອໂຄວິດ-19 ລົງປອດຂັ້ນຮ້າຍແຮງ ລະດັບບໍລິມາດອາກາດໃນເລືອດຕ່ຳ ຫາຍໃຈຕິດຂັດ ແລະ ເສຍຊີວິດໃນເວລາຕໍ່ມາ.
– ຜູ້ກ່ຽວແມ່ນເຊື້ອລົງປອດລະດັບຮ້າຍແຮງ
– ທາງແພດໝໍທີ່ສຳຜັດໃກ້ຊິດກັບກໍລະນີດັ່ງກ່າວ (ຢູ່ໂຮງໝໍ 2 ມື້) ຕ້ອງໄດ້ຖືກກັກຕົວ 14 ມື້ ແລະ ກວດຫາເຊື້ອ

ຮຽບຮຽງຂ່າວ: ພຸດສະດີ

 

 

 

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...