ໂຮງໝໍແຂວງສະຫວັນນະເຂດ ໄດ້ເປີດການນຳໃຊ້ພ້ອມທັງໃຫ້ບໍລິການປິ່ນປົວໄຂ່ຫຼັງຊຸດໂຊມ ດ້ວຍວິທີກັ່ນຕອງເລືອດ
ຜ່ານເຄື່ອງມືທັນສະໄໝ ພິທີດັ່ງກ່າວໄດ້ຈັດຂຶ້ນໃນວັນທີ 17 ຕຸລາ 2014 ຢູ່ທີ່ຕຶກພິເສດໂຮງໝໍແຂວງ ໂດຍການເປັນ
ກຽດເຂົ້າຮ່ວມຂອງທ່ານ ດຣ ສຸພັນ ແກ້ວມີໄຊ ເຈົ້າແຂວງສະຫວັນນະເຂດ, ທ່ານ ຮສ.ດຣ ບຸນກອງ ສີຫາວົງ ລັດຖະມົນ
ຕີຊ່ວຍວ່າການກະຊວງສາທາລະນະສຸກ, ມີບັນດາທ່ານພະແນກການ, ກົມກອງອ້ອມຂ້າງ ຕະຫຼອດເຖິງບັນດາພະນັກ
ງານຫຼັກແຫຼ່ງພາຍໃນໂຮງໝໍແຫ່ງດັ່ງກ່າວເຂົ້າຮ່ວມ.
ການປິ່ນປົວ ແລະ ຮັກສາຄົນເຈັບທີ່ມີລະບົບໄຂ່ຫຼັງຊຸດໂຊມ ຊຶ່ງຕ້ອງໄດ້ປິ່ນປົວດ້ວຍວິທີທາງການລ້າງກັ່ນຕອງເລືອດ
(ຟອກເລືອດ) ກັ່ນຕອງສານເຄມີ ໂດຍສະເພາະ Creatinin ຊຶ່ງເປັນທາດເບື່ອທີ່ມີຕໍ່ໝາກໄຂ່ຫຼັງອອກຈາກເລືອດມີ
ຄວາມຈຳເປັນທີ່ສຸດໃນການຮັກສາ.
ຜ່ານມາໂຮງໝໍແຂວງ ຍັງບໍ່ສາມາດຕອບສະໜອງໃຫ້ແກ່ຄົນເຈັບໄດ້ຍ້ອນຂາດປັດໄຈຫຼາຍຢ່າງເຊັ່ນ: ພື້ນຖານໂຄງ
ລ່າງ, ອາຄານ, ສະຖານທີ່, ເຄື່ອງມືທາງການແພດທີ່ຈຳເປັນ, ລະບົບນ້ຳກັ່ນທີ່ໄດ້ມາດຕະຖານ, ນັກວິຊາການທີ່ມີຄວາມ
ຮູ້ສະເພາະທາງຈາກຈຸດນີ້ເຮັດໃຫ້ຄົນເຈັບ ທີ່ມີບັນຫາໄຂ່ຫຼັງຊຸດໂຊມຈຳຕ້ອງໄດ້ໄປປິ່ນປົວຢູ່ບ່ອນອື່ນ ສະເພາະຢູ່ສູນ
ກາງ ຫຼື ໂຮງໝໍຕ່າງປະເທດທີ່ໃກ້ຄຽງ ຊຶ່ງເຫັນວ່າໄດ້ສົ່ງຜົນກະທົບຫຼາຍຢ່າງທາງດ້ານເສດຖະກິດຂອງປະຊາຊົນ, ສັງ
ຄົມກໍຄືຊາດ, ອັນສຳຄັນກໍແມ່ນຄວາມເຊື່ອໝັ້ນຂອງສັງຄົມຕໍ່ລະບົບສາທາລະນະສຸກ ກໍຄືຄວາມສາມາດຂອງນັກວິ
ຊາການທາງການແພດຂອງໂຮງໝໍແຂວງສະຫວັນນະເຂດ.
ດັ່ງນັ້ນ ຄະນະອຳນວຍການ ພ້ອມດ້ວຍວິຊາການ ຈິ່ງໄດ້ພ້ອມກັນຕັດສິນໃຈໃນການຕອບສະໜອງຄວາມຮຽກຮ້ອງ
ຕ້ອງການດັ່ງກ່າວໃນການຈັດຊື້ ເຄື່ອງມືທາງການແພດ ໂດຍສະເພາະເຄື່ອງກັ່ນຕອງເລືອດພ້ອມລະບົບນ້ຳສະອາດ
ທີ່ໄດ້ມາດຕະຖານ ພ້ອມດ້ວຍໄດ້ຈັດສົ່ງພະນັກງານວິຊາການໄປລົງເລິກວິຊາກັ່ນຕອງເລືອດ ເພື່ອມາບໍລິການປິ່ນປົວ
ໄຂ່ຫຼັງຊຸດໂຊມດ້ວຍເຄື່ອງມືທີ່ທັນສະໄໝໄດ້ມາດຕະຖານສາກົນ.
ເຄື່ອງກັ່ນຕອງໄຂ່ຫຼັງແມ່ນຜະລິດຕະພັນຈາກປະເທດຍີ່ປຸ່ນ ສ່ວນເຄື່ອງລະບົບນ້ຳແມ່ນຜະລິດຈາກປະເທດໄທທັງ
ໝົດ ໂດຍແມ່ນບໍລິສັດວຽງທອງການຢາເປັນຜູ້ຈັດສະໜອງໃຫ້ ໃນນັ້ນ ງົບປະມານທັງໝົດໃນການລົງທຶນໃສ່ການ
ປັບປຸງ, ກໍສ້າງສ້ອມແປງພື້ນຖານໂຄງລ່າງ ແລະ ຈັດຊື້ເຄື່ອງມືແພດທີ່ຈຳເປັນແມ່ນໄດ້ນຳໃຊ້ເງິນຫ່ວງວິຊາການ
ຂອງ ໂຮງໝໍຕາມແຜນຈົດຮັບ – ຈົດຈ່າຍ ຊຶ່ງຕົກເປັນມູນຄ່າທັງໝົດ 995,5 ລ້ານກວ່າກີບ, ປະກອບມີເຄື່ອງກັ່ນ
ຕອງ ເລືອດ 2 ເຄື່ອງ ພ້ອມດ້ວຍຕຽງນອນ ຄົນເຈັບ 3 ໜ່ວຍ, ໃນຕໍ່ໜ້າຍັງຈະນຳເຂົ້າຕື່ມອີກ.
ແຫລ່ງຂ່າວ: ເສດຖະກິດ – ສັງຄົມ