ເມື່ອວັນສຸກທີ 30 ເມສາ 2021 ທີ່ຜ່ານມາໜ່ວຍງານກໍາກັບດູແລສຸຂະອະນາໄມກະສິກໍາຂອງລັດເຊຍໄດ້ປະກາດເລີ່ມຕົ້ນການຜະລິດວັກຊີນຄານິແວັກ-ຄອຟ ຫຼື ວັກຊີນປ້ອງກັນພະຍາດໂຄວິດ-19 ໂດຍເປັນວັກຊີນໂຕທໍາອິດຂອງໂລກທີ່ໃຊ້ປ້ອງກັນພະຍາດໂຄວິດ-19 ໃນສັດ.

ການຖະແຫຼງການຈາກໜ່ວຍງານກໍາກັບດູແລສຸຂະອະນາໄມຂອງລັດເຊຍໄດ້ລະບຸວ່າ ວັກຊີນ Carnivac-Cov ຖຶກຜະລິດຊຸດທໍາອິດເປັນຈໍານວນ 17,000 ໂດສ ທີ່ຜະລິດໂດຍສູນສຸຂະພາບສັດຂອງສະຫະພັນລັດເຊຍ ເຊິ່ງເປັນເຄືອຂ່າຍຂອງໜ່ວຍງານລັດ ໂດຍວັກຊີນນີ້ເປັນທີ່ຕ້ອງການພາຍໃນປະເທດຈໍານວນຫຼາຍ ລວມທັງເປັນທີ່ສົນໃຈຂອງບັນດາບໍລິສັດຕ່າງຊາດອີກດ້ວຍ.

ທັງນີ້ລັດເຊຍຢູ່ລະຫວ່າງການເຈລະຈາຂໍຈົດທະບຽນວັກຊີນ Carnivac-Cov ແບບເລັ່ງດ່ວນໃນຕ່າງປະເທດໂດຍສະເພາະໃນເອີລົບ ຫຼັງຈາກໜ່ວຍງານລັດປະກາດວັນທີ 31 ເມສາ ວ່າ ລັດເຊຍໄດ້ຂື້ນທະບຽນວັກຊີນດັ່ງກ່າວໃນປະເທດເປັນທີ່ຮຽບຮ້ອຍແລ້ວ.