Homeຂ່າວທ້ອງຖິ່ນບົດລາຍງານ ແລະ ຂໍທິດຊີ້ນຳຈາກລັດຖະບານ

ບົດລາຍງານ ແລະ ຂໍທິດຊີ້ນຳຈາກລັດຖະບານ

Published on

– ອີງຕາມ ແຈ້ງການຫ້ອງວ່າການສຳນັກງານໃນຍົກ ສະບັບເລກທີ 308/ຫສນຍ, ລົງວັນທີ 13 ມີນາ 2021 ກ່
ຽວກັບ ການສືບຕໍ່ປະຕິບັດມາດຕະຖານການຜ່ອນຜັນ, ມາດຕະການປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການລະບາດຂອງພະຍາດໂຄວິດ-19 ໃນໄລຍະເດືອນ ເມສາ ຫາ ເດືອນ ພຶດສະພາ 2021.

– ອີງຕາມ ຄຳແນະນຳເພີ່ມເຕີມຂອງຄະນະສະເພາະກິດ ເພື່ອປ້ອງກັນ, ຄວບຄຸມ ແລະແກ້ໄຂການລະບາດຂອງພະຍາດ ໂຄວິດ-19 ສະບັບເລກທີ 3443/ສພກ, ລົງວັນທີ 12 ເມສາ 2021.

ນະຄອນຫຼວງວຽງຈັນ ຂໍເປັນກຽດຮຽນມາຍັງທ່ານຊາບ ແລະ ຂໍທິດຊີ້ນຳດັ່ງນີ້:

1). ພາຍຫຼັງກວດພົບເຊື້ອພະຍາດ Covid-19 ໃນວັນທີ 11 ເມສາ 2021 ຈາກ ທ. ນາວາ ທຸງໄຊ ນັກທຸລະກິດໄທ, ຊຶ່ງຜູ້ກ່ຽວໄດ້ເຄື່ອນໄຫວໃນ ຊຸມນະຄອນຫຼວງວຽງຈັນ ຢູ່ຫຼາຍແຫ່ງ, ຄະນະສະເພາະກິດນະຄອນຫຼວງ ໄດ້ສັ່ງປິດຮ້ານອິນເຕີເນັດກາເຟໃນມື້ດຽວກັນ ຢູ່ທົ່ວເມືອງຈັນທະບູລີ ແລະ ມື້ຕໍ່ມາ ໄດ້ສັ່ງປິດທົ່ວນະຄອນຫຼວງວຽງຈັນ, ສ່ວນຜູ້ກ່ຽວ ໄດ້ເອົາເຂົ້າຕິດຕາມອາການ ແລະ ປິ່ນປົວຢູ່ໂຮງໝໍມິດຕະພາບ, ສຳລັບແຟນສາວ ແລະ ພະນັກງານ 6 ຄົນ, ຍິງ 3 ຄົນ ໃນຮ້ານອິນເຕີເນັດກາເຟຂອງຜູ້ກ່ຽວ ໄດ້ເອົາໄປກວດເລືອດດ່ວນ ຜົນກວດອອກມາແມ່ນເປັນລົບ, ປະຈະບັນໄດ້ ນຳໄປກັກກັນໄວ້ຢູ່ສູນຫຼັກ 27. ສ່ວນຜູ້ທີ່ພົວພັນໃກ້ສິດກັບແຟນສາວ ແລະ ພະນັກງານຮ້ານອິນເຕີເນັດກາເຟ ແມ່ນໄດ້ສັ່ງໃຫ້ກັກກັນຕົນເອງຢູ່ກັບເຮືອນ ແລະ ມອບໃຫ້ກອງຫຼອນ, ປກສ ບ້ານ ສະກັດກັ້ນບໍ່ໃຫ້ຄົນໃນອອກ ແລະ ຄົນທາງ ນອກເຂົ້າໄປໃນບ້ານເຮືອນຂອງພວກກ່ຽວ.

2). ສັບລັບບົດຖະແຫຼງຂອງທ່ານຮອງນາຍົກລັດຖະມົນຕີ, ຫົວໜ້າຄະນະສະເພາະກິດສູນກາງ ແລະ ຄໍາສັ່ງ ແນະນຳເພີ່ມເຕີມຂອງຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ Covid-19 ສະບັບເລກທີ 3443/ສພກ, ລົງວັນທີ 12 ເມສາ 2011 ນັ້ນ, ຄະນະສະເພາະກິດນະຄອນຫຼວງວຽງຈັນ ໄດ້ຈັດປະຊຸມ ແລະ ຜັນຂະຫຍາຍດ່ວນ ໂດຍຈະອອກເປັນຄຳສັ່ງແນະນຳຂອງຕົນດ່ວນ ແລະ ໄດ້ມອບໃຫ້ທຸກເມືອງ, ພະແນກການ-ອົງການທີ່ກ່ຽວຂ້ອງ ດຳເນີນການສັ່ງຫ້າມ, ສັ່ງປິດ, ສັ່ງງົດກິດຈະກຳຕ່າງໆ ໄດ້ທັນທີໂລດ ຕາມຄວາມຮັບຜິດຊອບຂອງຕົນ.

3). ເນື່ອງຈາກວ່າຜູ້ຕິດເຊື້ອພະຍາດ Covid-19 ເປັນການກວດພົບເຫັນໃນຊຸມຊົນນະຄອນຫຼວງວຽງຈັນ ຊຶ່ງການເຄື່ອນໄຫວຂອງຜູ້ຕິດເຊື້ອມີຂອບເຂດກວ້າງຂ້ວາງໃນຫຼາຍແຫ່ງ, ຫຼາຍສະຖານທີ່ ແລະ ຊ່ວງນີ້ມວນຊົນຊາວ ນະຄອນຫຼວງວຽງຈັນ ພວມສະຫຼອງຫຼິ້ນທ່ຽວບຸນປີໃໝ່ລາວ ຄາດວ່າຈະມີຜູ້ເດີນທາງໄປທຸກໆແຂວງ ໃນທົ່ວປະເທດ ແລະ ຈະມີນັກທ່ອງທ່ຽວພາຍໃນ ຈາກທົ່ວປະເທດ ມາຫຼິ້ນທ່ຽວຢູ່ນະຄອນຫຼວງວຽງຈັນ, ສະນັ້ນ ນະຄອນຫຼວງວຽງຈັນ ຈຶ່ງຂໍອະນຸມັດປິດ ການເດີນທາງທ່ອງທ່ຽວເຂົ້າ-ອອກ (Lock down) ນະຄອນຫຼວງວຽງຈັນ ນັບແຕ່ວັນທີ 13-30 ເມສາ 2021 ໄວ້ກ່ອນ, ຍົກເວັ້ນການຂົນສົ່ງສິນຄ້າ, ຄົນເຈັບ ແລະ ຄົນເກີດອຸປະຕິເຫດ, ເພື່ອເປັນມາດຕະການສູງສຸດ ບໍ່ໃຫ້ມີ ການແຜ່ເຊື້ອພະຍາດ Govid-19 ຈາກຊຸມຊົນນະຄອນຫຼວງວຽງຈັນ ອອກໄປຍັງແຂວງອື່ນໆ. ສາລັບມາດຕະການສັ່ງຫ້າມ, ສັ່ງປິດ, ສັ່ງງົດອື່ນໆ ຕາມຄຳສັ່ງຂອງຄະນະສະເພາະກິດສູນກາງ ແລະ ນະຄອນຫຼວງວຽງຈັນ ພວມຈັດຕັ້ງປະຕິບັດຢູ່ໃນປະຈຸບັນນີ້ ແມ່ນຍັງຈະສືບຕໍ່ຈັດຕັ້ງປະຕິບັດຢ່າງເຂັ້ນງວດຕໍ່ໄປ.

ດັ່ງນັ້ນ, ຈຶ່ງຮຽນລາຍງານມາຍັງທ່ານເພື່ອຊາບ ແລະ ຂໍທິດຊີ້ນຳຈາກລັດຖະບານດ່ວນດ້ວຍ.

ບົດຄວາມຫຼ້າສຸດ

ລາວ-ສ.ເກົາຫຼີ ຮ່ວມກັນຈັບແກ໋ງສໍ້ໂກງທາງອອນລາຍ 14 ຄົນ

ອີງຕາມ ໜັງສືພິມລາຍວັນ Chosun ilbo ຂອງ ສ. ເກົາຫຼີ ທີ່ອອກໃນວັນທີ 26 ກຸມພາ 2026ຜ່ານມາ ວ່າ: ໃນເດືອນກັນຍາ ທີ່ຜ່ານມາ,...

ຈະມອບຮັບໂຄງການ BRT ໄວໆນີ້ ລັດຖະມົນຕີກະຊວງ ໂຍທາທິການ ແລະ ຂົນສົ່ງ ພົບປະອົງການປົກຄອງ ນວ ກຽມຄວາມພ້ອມ ໃນການທົດລອງແລ່ນລົດເມ BRT ວັນທີ 10 ມີນາ 2026

ໃນຕອນບ່າຍວັນທີ 2 ມີນາ 2026 ທີ່ຫ້ອງວ່າການປົກຄອງນະຄອນຫຼວງວຽງຈັນ ທ່ານ ເຫຼັກໄຫຼ ສີວິໄລ ລັດຖະມົນຕີກະຊວງ ໂຍທາທິການແລະ ຂົນສົ່ງ ພ້ອມດ້ວຍຄະນະ ພົບປະ ປຶກສາຫາລືແລກປ່ຽນເຮັດວຽກຮ່ວມກັນ,...

ແຈ້ງສາຍດ່ວນ 1510 ຫາກພົບເຫັນການສວຍໂອກາດ ກັກຕຸນນໍ້າມັນ ຫຼື ຂາຍລາຄາເກີນກຳນົດ ໃນຊ່ວງໄລຍະຄວາມບໍ່ສະຫງົບ

ອີງຕາມແຈ້ງການເລກທີ 0583/ຫກ ລົງວັນທີ 02 ມີນາ 2026 ກະຊວງ ອຸດສາຫະກຳ ແລະ ການຄ້າ ເຖິງ: - ຫົວໜ້າພະແນກອຸດສາຫະກໍາ ແລະ ການຄ້າແຂວງ/ນະຄອນຫຼວງ. -...

ນໍາສະເໜີປີໃໝ່ລາວ ລັດຖະບານຈະສູ້ຊົນສະເໜີ ບຸນປີໃໝ່ລາວ ໃຫ້ກາຍເປັນມໍລະດົກວັດທະນະທໍາ

ໃນໄລຍະ 5 ປີຕໍ່ໜ້າ (2026-2030) ລັດຖະບານແຫ່ງ ສປປ ລາວ ຈະສູ້ຊົນສະເໜີມໍລະດົກວັດທະນະທໍານາມມະທໍາ “ລາບ, ພິທີສູ່ຂວັນ, ປູ່ເຍີ-ຍ່າເຍີ, ບຸນປີໃໝ່ລາວ, ເຂົ້າຕົ້ມ-ເຂົ້າ ຫຼາມ”...