ທີມງານກູ້ເຮືອ Ever Given ເຊິ່ງເປັນເຮືອບັນທຸກສິຄ້າຂະໜາດໃຫຍ່ ທີ່ກີດຂວາງຄອງສຸເອຊໃນເອຢິບ ຕ່າງພາກັນດີໃຈ ທີ່ສາມາດປະຕິບັດພາລະກິດສຳເລັດ ຫຼັງຈາກຕິດຄ້າງໃນຄອງເກືອບ 7 ມື້ ແລະ ໄດ້ເປີດເຜີຍວ່າ: ໄດ້ອາໄສຊ່ວງມື້ພະຈັນເຕັມດວງ (Supper Moon) ເຊິ່ງມີກະແສນໍ້າຂື້ນ ບວກກັບການຂຸດຊາຍອອກ.
ໃນວັນທີ 29 ມີນາ 2021, ເວັບໄຊ້ Daily Mail ໄດ້ລາຍງານວ່າ: ທີມງານຊ່ຽວຊານ ຂອງອົງການຄຸ້ມຄອງ ຄອງສຸເອຊ ໃນເອຢິບ. ສາມາດກູ້ເຮືອຂົນສົ່ງສິນຄ້າຂະໜາດໃຫຍ່ສຳເລັດ ໃນຕອນເຊົ້າຂອງມື້ນີ້ ຫຼັງເຮືອດັ້ງກ່ວາໄດ້ຂີດຂວາງການສັນຈອນເຮືອ ແລະ ປິດເສັ້ນທາງລັດໃນການເດີນເຮືອທີ່ສຳຄັນ ໃນການເຊື່ອມລະຫວ່າງອາຊີ ກັບ ເອີຣົບ ເຮັດໃຫ້ເຮືອບັນທຸກສິນຄ້າລຳອື່ນຢຸດສະງັກຫຼາຍກວ່າ 300 ລຳ.
ອີງຕາມບົດລາຍງານດັ່ງກ່າວອີກວ່າ: ການກູ້ເອົາເຮືອ Ever Given, ເຊິ່ງມີຄວາມຍາວ 400 ແມັດ ແລະ ມີຄວາມສູງເທົ່າກັບອາຄານ Empire State Building. ທີມຊ່ຽວຊານໄດ້ໃຊ້ປະໂຫຍດຈາກໂອກາດສຳຄັນໃນໄລຍະທີ່ນຳຂື້ນສູງ ເພາະວ່າຄືນວັນອາທິດທີ່ຜ່ານມານີ້ແມ່ນມື້ພະຈັນເຕັມດວງ ປະກອບກັບການຂຸດດິນຊາຍອອກຈາກບໍລິເວນທີ່ເຮືອໄດ້ຕິດຢູ່. ດັ່ງນັ້ນ, ຈຶ່ງສາມາດປ່ອຍເຮືອ Ever Given ອອກໄດ້ຢ່າງສຳເລັດ.