ເວັບໄຊຂ່າວອັງກິດ “ເດິ ມິເລີ” ລາຍງານຈາກລັດຟະລໍລິດາ ປະເທດສະຫະລັດອະເມລິກາ ເມື່ອວັນທີ່ 19 ຕຸລາ. ວ່າ ນາ ຍໍດຳ ລາມອດ ໜຸ່ມເມລິກາໃນລັດຟະລໍລິດາ ສືບທອດກິດຈະການຜະລິດຊຸດຕຸກກະຕາຢາງຜູ້ຍິງແບບສວມໃສ່ ເອົາໃຈຜູ້ຊາຍ ຫລື ເຫລົ່າບັນດາເພດທີ່ສາມທີ່ຕ້ອງການອາໄສຢູ່ໃນຮ່າງຂອງຕຸ໊ກກະຕາຢາງ ຜູ້ຍິງ ໂດຍຂະນະນີ້ເຂົາເບິ່ງແຍງກິດຈະການດັ່ງກ່າວກັບ ແມ່ ແລະ ຜະລິດສິນຄ້າປ້ອນທ້ອງຕະຫລາດຫລາຍສິບຊຸດຕໍ່ອາທິດ ເຮັດໃຫ້ຕັ້ງແຕ່ຕັ້ງກິດຈະການມາມີຊຸດຕຸ໊ກກະຕາຢາງຜູ້ຍິງແບບສວມໃສ່ສຳລັບຜູ້ຊາຍອອກສູ່ ຕະຫລາດໂລກແລ້ວປະມາ 400, 000 ຕົວ
ລາມອດຈະເຂົ້າມາເບິ່ງແຍງການຜະລິດຊຸດດັ່ງກ່າວອາທິດລະເທື່ອ ໂດຍຊຸດຈະມີລັກສະນະເປັນຢາງຫົດຢືດໄດ້ ເນັ້ນເປັນຮູບຮ່າງທີ່ມີຊັດສ່ວນຂອງຜູ້ຍິງ ນອກຈາກນີ້ ຍັງມີໜ້າເອິກປອມຕິດຢູ່ນຳ ລາມອດ ເປີດເຜີຍວ່າ ພໍ່ຂອງເຂົາໄດ້ຄວາມຄິດການຜະລິດ ຜະລິດຕະພັນນີ້ມາຈາກລາຍການໂທລະພາບ ທີ່ມີເນື້ອຫາກ່ຽວກັບຕຸ໊ກກະຕາຢາງຂະໜາດເທົ່າຕົວຄົນ ແລະ ຄົ້ນພົບຄວາມຕ້ອງການຂອງຜູ້ຊາຍບາງຄົົນທີ່ຕ້ອງການອາໄສຢູ່ໃນຮ່າງຂອງຕຸ໊ກກະຕາເຫລົ່ານັ້ນ
ຊຸດແຕ່ລະຊຸດຈະໃຊ້ເວລາໃນການຜະລິດ 4 ຊົ່ວໂມງ ມີນ້ຳໜັກ 5.4 ກິໂລກຣາມ ສາມາດຫົດຢືດໄດ້ເຂົ້າກັບທຸກຂະໜາດຕົວຂອງຜູ້ສວມໃສ່ໄດ້ ແລະ ສາມາດສວມໃສ່ເປັນເວລາດົນໂດຍບໍ່ອຶດອັດ ນອກຈາກນີ້ ໂຮງງານຂອງພວກເຂົາຍັງຜະລິດຊຸດສຳລັບໃສ່ປົກປິດຮອຍແຜເປັນ ຫລື ແຜໄຟໄໝ້ອີກດ້ວຍ
